Putin və Ərdoğan görüşündə tərcümə problemi - VİDEO

Putin və Ərdoğan görüşündə tərcümə problemi - VİDEO

 

 

Rusiya və Türkiyə prezidentləri Vladmir Putin və Rəcəb Tayyib Ərdoğan Soçi görüşündən sonra mətbuat nümayəndələri üçün bəyanatlar səsləndirən zaman tərcümə problemi yaşanıb.

Strategiya.az Report-a istinadən xəbər verir ki, Rusiya prezidenti vəziyyətdən dərhal çıxış yolu taparaq, tərcüməçini birbaş mikrofona dəvət edib.

Putin bəyanatın əvvəlində danışıqlar zamanı ikitərəfli münasibətləri, həmçinin Suriya problemini müzakirə etdiklərini deyib. O əlavə edib ki, Rusiya və Türkiyə arasında əməkdaşlıq, demək olar ki, bərpa olunub, iki ölkə arasında ticarət dövriyyəsi 36 faiz artıb.

Bu zaman dövlət başçısına bildirilib ki, onun çıxışı sinxron tərcümə olunmur.

"Tərcümə yoxdur? Tərcümə ilə bağlı nə problem var?", - deyə o təşkilatçılardan soruşub.

"O zaman, bəlkə, birbaşa tərcümə etsin, belə daha asan olar", - deyə o tərcüməçini mikrofona dəvət edib.

.

 

 

14 Noyabr 2017 10:19
http://strategiya.az/?do=xeber&id=104035