21:13 16 Mart 2018
333 dəfə oxunub
Çap versiyası
...

Amerikanın məşhur "Forbes" jurnalı böyük ipək yolunun sürətlə genişlənəcəyi, dünyanın ən önəmli iqtisadi koridorlarından biri olacağı barədə məqalə dərc edib. Məqalədə böyük ipək yolunun dünyanın çoxlu sayda ölkəsini bir zəncirdə cəmləşdirən və keçdiyi bütün ölkələrin iqtisadiyyatını dirçəldəcək bənzərsiz bir reallıq olduğu qeyd olunub.

Amerikanın "Forbes" nəşri internet səhifəsində Azərbaycanın da böyük töhfələr verdiyi Böyük ipək Yolunun əhəmiyyəti ilə bağlı məqalə yerləşdirilib. "5 Yeni ipək yolu layihəsi dünyanın necə işlədiyi barədə fikirlərinizi dəyişəcək" adlı məqalədə qeyd olunur ki, tarixi ipək yolu Avropa və Asiyanı birləşdirən və keçdiyi bütün ölkələrin iqtisadi inkişafına böyük təkan verəcək.

Belə ki, dünya əhalisinin 65 faizi, enerji resurslarının 75 faiz və dünyada istehsal olunan ümum daxili məhsulun 40 faizi Avrasiya regionunun payına düşür. İpək yolu Çindən Avropanın ən ucqar nöqtələrinə qədər daşınmaları həyata keçirəcək dünyanın ən önəmli iqtisadi və siyası koridoru adlandırılıb.

Böyük İpək yolunu üzərində olan Yunanıstanın Piraus limanının rolu xüsusilə qabardılır. Çinlilər tərəfindən alınan bu liman genişləndirilib və bundan sonra Asiyadan gələn konteynerlərin həcmində 70 faiz artım müşahidə olunduğu qeyd olunub.

Məqalədə Böyük İpək yolunun quruda ən böyük terminalı hesab edilən Qazaxıstan və Çin sərhəddində yerləşən Korqos quru limanından da bəhs edilib. Səhmlərinin 49 faizi Çinə məxsus olan bu limanın qısa zaman ərzində yüksək texnologiyalarla genişləndiriləcəyi, iş adamlarının bura vizasız girişinin təmin ediləcəyi və bizneslə heç bir maneə olmadan məşğul ola biləcəyi bildirilir. Bunları etmək üçün isə artıq Çindən 200 min insanın bu nəhəng limanın böyüdülməsinə cəlb ediləcəyi planlaşdırılır. Korqos limanı şərqdən ipək yolunun qapısı hesab olunur.

Əlbətdə ki, bütün layihələrin içərisində Azərbaycanın da önəmi böyükdür. Çünki şərqdən gələcək bütün mallar, məhsullar məhz Azərbaycanın Ələt limanı vasitəsilə və Bakı-Tbilisi-Qars dəmiryolu xətti ilə Avropaya daşınacaq. Bu isə Azərbaycanın təkcə regionda deyil, eləcə də dünyada əhəmiyyətinin daha da artacağından xəbər verir.

 

 


Şərh yaz




Enter Code*:

Son xəbərlər
Cəbhədən SON XƏBƏR
09:27 22.04/2018
 
Xəbər başlıqları
23-04-2018
23.04.2018 Sabahın havası
23.04.2018 Neft ucuzlaşıb
22-04-2018

Bütün xəbərlər

 
© 2012 Strategiya.az
Proqramlaşdırma: Encoder.Az
1.4889 san