16:38 24 May 2018
1186 dəfə oxunub
Çap versiyası
...

Azərbaycan Milli Karate Federasiyasının (AMKF) prezidenti Yaşar Bəşirov və baş katib MirHəsən Seyidov kata üzrə milli komandanın heyəti ilə görüşüb.

AMKF-dən verilən xəbərə görə, ötən həftə millimizin Serbiyada 53-cü Avropa çempionatında kataçıların fərdi yarışında qazandığı bürünc medalı, komanda çıxışında isə beşinci yeri tutmasını yüksək dəyərləndirən federasiya rəhbərliyi onlara yeni uğurlar arzulayıb.

Yaşar Bəşirov Roman Heydərovun fərdi kata yarışlarında daha təcrübəli rəqiblərlə mübarizədə üç il ardıcıl qazandığı bürünc medalı özünəməxsus bir rekord kimi dəyərləndirib. MirHəsən Seyidov kata istiqamətinin respublikada daha da inkişafı üçün məqsədyönlü tədbirlər görülməyə başlandığını və bu işlərin gücləndiriləcəyini qeyd edib.

Görüşdə, həmçinin idmançıların problemləri müzakirə olunub, məhsuldar çalışmaları üçün onlara müvafiq tövsiyyələr verilib. Rəsmilər bildiriblər ki, nəticələrdə müsbət dəyişiklik etmək məqsədilə seminar keçmək üçün xaricdən tanınmış mütəxəssislər dəvət olunacaq.

Tədbirdə mövzulardan biri isə fiziki qüsurlu idmançıların karate ilə məşğul olmasına cəlb edilməsi və təcrübəsi olan əlil idmançıların rəsmi yarışlara hazırlanması olub. Məşqçilər heyətinə bu sahədə iş planının hazırlanması tapşırığı verilib.

Kata üzrə milli komandanın baş məşqçisi Vahid Ayvazov, böyük məşqçi Vüqar Kərimov, məşqçi Anar Əhmədov və komandanın kapitanı İsmayıl Quliyev diqqət və qayğıya görə federasiya rəhbərliyinə, eləcə də dəstək göstərən təşkilatlara minnətdarlığını bildirib.


Şərh yaz




Enter Code*:

Son xəbərlər
 
Xəbər başlıqları
17-08-2018
17.08.2018 Ağdaşda yanğın
17.08.2018 Bakıda yanğın
16-08-2018

Bütün xəbərlər

 
© 2012 Strategiya.az
Proqramlaşdırma: Encoder.Az
1.9239 san