08:15 13 İyun 2018
1129 dəfə oxunub
Çap versiyası
...

Makedoniya Respublikasının adı Şimali Makedoniya olaraq dəyişdirilir.

Bu barədə ölkənin Baş naziri Zoran Zaev təşkil etdiyi mətbuat konfransında məlumat verib.

Yunanıstanın Baş naziri Aleksis Tsiprasın və Makedoniyanın Baş naziri Zoran Zaevin iyunun 12-də telefon danışıqlarının nəticəsi olaraq tərəflər Makedoniyanın yeni adı ilə bağlı razılığa gəliblər. Bu qərar ölkənin tezliklə Avropa İttifaqına və NATO-ya daxil olmasına şərait yaradır.

Aleksis Tsipras bildirib ki, iki ölkə arasında “uğurlu razılıq” əldə olunub və o, bu barədə Yunanıstan Prezidenti Prokopis Pavlopulosu məlumatlandıracaq. Hər iki ölkənin hökumət başçıları tərəfindən imzalanacaq saziş parlamentlərdə ratifikasiya edildikdən sonra qüvvəyə minəcək.

Adla əlaqədar iki ölkə arasında 25 ildir davam edən mübahisə Makedoniyanın beynəlxalq təşkilatlara, xüsusilə Avropa İttifaqına və NATO-ya üzv olmasına maneə yaradırdı. Yunanıstan Makedoniyanın yunan bölgəsi ilə eyni adı daşımasına etiraz edirdi.

Bu qərardan sonra Makedoniyanın Avropa İttifaqı və NATO ilə danışıqlara başlaması iyunun sonunda gözlənilir.

 

İqbal Hacıyev


Şərh yaz




Enter Code*:

Son xəbərlər
Həbs edildi
08:03 20.06/2018
 
Xəbər başlıqları
21-06-2018
20-06-2018
20.06.2018 Yay gəlir...
20.06.2018 Neft bahalaşıb
20.06.2018 Həbs edildi
19-06-2018

Bütün xəbərlər

 
© 2012 Strategiya.az
Proqramlaşdırma: Encoder.Az
1.609 san