14:46 14 İyun 2018
2865 dəfə oxunub
Çap versiyası
...

ARB TV-nin “Günə doğru” verilişində maşınlardan edilən oğurluqların qarşısının alınması haqda sujet yayımlanıb.

Minik avtomobillərindən oğurluq halları sürücülərin ən çox üzləşdiyi problemlərdəndir. Belə cinayət əməlləri daha çox yay aylarında baş verir.

Teymur Baloğlanov (kriminalist): “Digər tərəfdən avtomobillərin özü də heç də etibarlı saxlanc yeri hesab olunmur. Söhbət puldan, qızıldan gedirsə, xüsusi yerlərdə saxlanılması tövsiyə olunur”.

Avtomobildən oğurluq hallarının statistikası göstərir ki, bəzi hallarda bunu edən şəxslər heç bir çətinliklə üzləşməyib. Avtomobilin qapı və ya pəncərəsinin açıq olması bu cür hallara zəmin yaradır. Buna görə də ekspertlər sürücülərin də diqqətli olmasını vacib sayırlar.

Elməddin Muradlı (ekspert): “Avtomobili bağlı yerdə saxlamaq lazımdı. Qapıların bağlı olmasından əmin olmaq lazımdır. Kameralı yerlərdə park etmək olar”.

Təhlükəsizlik tədbirləri avtoyuma yerlərində və təmir sexlərində saxlalanılan nəqliyyat vasitələrinə şamil olunmalıdır. 
Digər bir məqamsa peşəkar oğrularla bağlıdır. Hansı ki, onlar avtomobilin panik siqnalını da asanlıqla sıradan çıxara bilirlər. 

Mütəxəssislər bəzi sürücülərin oğurluqla üzləşdikdə nə etməli olduğunu bilmədiyini deyir. 
Halbuki bu məqamda atılan ilk addımlar çox vacibdir.


Müəyyən təhlükəsizlik tədbirləri ilə bir çox hallarda avtomobili oğrulardan sığortalamaq mümkündür. Sürücülərin diqqətli olması həm onlara artıq ziyandan, həm də polisləri əlavə qayğıdan xilas edər.


Şərh yaz




Enter Code*:

Son xəbərlər
 
Xəbər başlıqları
16-08-2018
15-08-2018

Bütün xəbərlər

 
© 2012 Strategiya.az
Proqramlaşdırma: Encoder.Az
2.0752 san