09:26 14 Avqust 2018
351 dəfə oxunub
Çap versiyası
...

ABŞ Prezidenti Donald Tramp beşinci nəsil “F-35” qırıcı təyyarələrinin Türkiyəyə təhvil verilməsini təxirə salan 2019-cu il üçün müdafiə büdcəsi qanununu təsdiqləyib.

Azərtac Türkiyənin NTV telekanalına istinadla xəbər verir ki, sənədə əsasən, Türkiyənin “F-35” proqramından tamamilə çıxarılıb-çıxarılmayacağına dair hazırlanacaq hesabata qədər qırıcı təyyarələrin bu ölkəyə təhvil verilməsi dayandırılır.

ABŞ Müdafiə Nazirliyi isə 90 gün ərzində iki ölkə arasındakı əlaqələrə dair hesabat hazırlamalıdır.

Birləşmiş Ştatların 2019-cu maliyyə ili üçün müdafiə xərcləri 716 milyard dollar həcmində olacaq.

Qeyd edək ki, Türkiyə ABŞ-dan ən azı 100 ədəd “F-35” təyyarəsi almaq istəyir. Artıq onun 30-nu sifariş verib. Nüvə başlıqları daşıya bilən çoxməqsədli “F-35” hərbi təyyarələri “stealth” texnologiyasından istifadə edilməklə hazırlanıb. Onun hazırlanmasında ABŞ-la yanaşı 8 ölkə - Avstraliya, Böyük Britaniya, Danimarka, İtaliya, Kanada, Niderland, Norveç və Türkiyə də iştirak edib.


Şərh yaz




Enter Code*:

Son xəbərlər
 
Xəbər başlıqları
19-09-2018
18-09-2018
17-09-2018
17.09.2018 Salam kəndimiz

Bütün xəbərlər

 
© 2012 Strategiya.az
Proqramlaşdırma: Encoder.Az
1.6977 san