14:36 19 Avqust 2015
5289 dəfə oxunub
Çap versiyası

 

 

Sənin də, mənim də yolumuz birdi

Ötürüb illəri doluruq yaşa.

Elə bil əsgərik, əli silahlı

Həmahəng yerişli, addımı qoşa.

Beləcə çaparaq zirvəyə doğru,

Kiminə yalandı, kiminə doğru,

Dünyanın o üzü, bu üzü sorğu

Əvvəli tapmaca, sonu nə sirdi

Sənin də, mənim də yolumuz birdi...

Cavanlıq! Ah cavanlıq! nələr yaşadın!

Fələyin çərxi də de döndümü heç?

Gəzdiyin yerləri gəzib dolaşdın,

Geriyə yol yoxdu, indi özün seç –

Hər işin əvvəli, sonu səbrdi

Sənin də, mənim də yolumuz birdi...

Eşq dedin, çırpındıq bu dəryada biz,

Neçə xəzan gördün, neçə də bahar.

Elə hey axtarar, gəzər gəmimiz,

O qumlu sahili de nə vaxt tapar?

Gözəllər xəbərsiz qəlbinə girdi –

Sənin də, mənim də yolumuz birdi...

Yolumuz düz yoldu, haqqın yoludu

Hər günün töhfəsi bir yaranışdı.

Demə taqətim yox, qəlbim yoruldu –

Açıb qapıların ürək danışdı

Allah ömür kimi nemət yetirdi

Sənin də, mənim də yolumuz birdi...

 


Müəllifin digər yazıları

Şərh yaz




Enter Code*:

Son xəbərlər
Alın yazım - 2
11:32 16.07/2018
Çəhrayı qərənfillər
14:55 25.05/2018
BAŞA DÜŞMƏDİ
09:19 17.05/2018
"Orada bir evim var"
13:01 08.05/2018
Bizim Bərdə torpağı
13:58 12.03/2018
Sizi deyib gəlmişəm
09:28 22.02/2018
 
Xəbər başlıqları
14-08-2018
13-08-2018
13.08.2018 Çində zəlzələ

Bütün xəbərlər

 
© 2012 Strategiya.az
Proqramlaşdırma: Encoder.Az
1.6395 san