30 il sonra Çernobıldən geriyə qalanlar – Qandonduran fotolar

11:25 / 26.04.2016

Tarixin seyrini dəyişdirən Çernobıl faciəsinin üzərindən 30 il keçsə də radiasiyanın təsirləri hələ qalır: Ruh şəhərlər, xəstə uşaqlar, genetikası dəyişmiş heyvanlar ...

Strategiya.az xəbər verir ki, dünya tarixinin ən böyük nüvə qəzası baş verdiyində təqvimlər 26 aprel 1986-cı ilin göstərirdi, bu gün 26 aprel 2016-cı il. Çernobıl fəlakətinin üzərindən 30 il keçib. Bu gün, nüvə stansiyadakı dördüncü reaktorunda ilk partlayış baş verdi. Ölkədə günün ilk saatlarında həyacan siqnalı çalındı. Ukrayna, Çernobıl qurbanlarını xatırlayır. Çernobılda yayılan radiasiya, bu gün belə insanlara və təbiətə təsir edir. Bu gün həmçinin bir neçə min işçi, çökməsi an məsələsi olan 4 nömrəli reaktörün üzərini yeni bir betonla bağlayır. Reaktorun içində 200 ton ərimiş nüvə yanacağı var. Ətrafı qoruma konteynerlərlə bağlanmayan reaktordan hər an yeni bir radiasiya sızıntısı ola bilər. Nüvə stansiyasını tamamilə ortadan qaldırma işlərinin 2065-ci ilə qədər davam etməsi gözlənilir. Fəlakətdən illər sonra dünyaya gələn uşaq xəstəliklə doğulur, ya da xəstəliklərə tutulur. Çernobil və ətrafında xərçəngə tutulma nisbəti digər bölgələrə görə, təxminən 10 qat çoxdu. Yalnız Ukraynada deyil, ətraf ölkələrdə də xərçəng xəstələri artıb. Səmadakı zəhərli buludlar Kanada və Yaponiyaya qədər çatarkən, evlərini tərk etmək məcburiyyətində qalanların sayı yüz minlərə çatıb. İnsanlar, Çernobıl ətrafındakı bölgənin yalnız yüzdə 60%-inə 30 yada 60 il sonra dönə biləcək. Bölgədə yalnız vəhşi heyvanlar görülsə də canlıların çoxu genetikasını dəyişib. Quşların çoxunda ziyanlı sperma var, yüzdə 40-a yaxını suya, havaya və torpağa bulaşmış ionlaşdırıcı radiasiya səbəbilə sonsuzdu. Ağaclar çox yavaş böyüyür. Quruyan ağaclar da radiasiya üzündən böyüməyən göbələk, qurd və bakteriyaların yoxluğu səbəbilə daha gec çürüyür. Fəlakətlə birlikdə Ukrayna və qonşusu Belarus meşələri, kənd təsərrüfatı əraziləri radiasiyaya bulaşıb. Greenpeace-ın son araşdırması, hələ də Ukrayna ilə qonşu ölkələr Belarus və Rusiyada insanların radiasiya ilə bulaşmış qidanı qəbul etdiyini ortaya qoyub. Bu gün yalnız bir neçə yüzə qədər insan radiasiya təsirindəki bölgədə yaşayır və ortalama ömürləri 45 ilə 50 il olur. Bu müddət sonunda ölürlər.

Qeyd edək ki, Çernobıl Atom Stansiyası, 1977-ci ildə açıldı və 9 il sonra partladı. Fəlakətə yol açan ən əhəmiyyətli səbəb olaraq, araşdırmaçılar reaktordakı səhvi tapdı. Stansiya, Sovet elminin ən böyük müvəffəqiyyətlərindən biri olaraq xarakterizə edilirdi. Partlayış, 1 saat 24 dəqiqə davam edən bir təhlükəsizlik testinin idarədən çıxması üzərinə dördüncü reaktorda meydana gəlmişdi. Partlayışda 2 min tonluq dam havaya uçmuş və 8 tonluq radioaktiv yanacaq atmosferə qarışmışdı. Dünya Səhiyyə Təşkilatının məlumatlarına görə, fəlakətin baş verdiyi 30 kilometrlik bölgədəki 600 min adam yüksək dozada radiasiyaya məruz qaldı. Ukrayna, Belarus və Rusiyada təxminən 5 milyon adam radiasiya riski olan bölgələrdə yaşamağa davam edir.

30 il sonra Çernobıldən geriyə qalanlar – Qandonduran fotolar

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə