17:06 10 İyun 2016
Çap versiyası
Vüqar Seyidov
Tarix üzrə fəlsəfə doktoru

İyunun 9-dan 12-dək Drezdendəki Taşenberq sarayında dünyada ən məxfi forum – Bilderberq Klubunun illik görüşü keçirilir. Görüşdə sabiq və indiki dövlət başçıları, transmilli korporasiyaların rəhbərləri, dünyanın aparıcı KİV-lərinin nümayəndələri, ictimai xadimlər, iqtisadçılar, maliyyəçilər və bankirlər iştirak edir.

Bu unikal tədbir 60 ildən artıq müddətdə hər dəfə müxtəlif ölkələrdə keçirilir. Klubun ilk iclası 1954-cü ildə olub. O vaxtdan indiyə qədər klub haqqında praktiki olaraq heç bir məlumat yoxdur.

2016-cı il konfransında 20 ölkədən təxminən 130 nəfər iştirak edir. Üzvlərin sayına görə ən böyük nümayəndə heyəti ABŞ-dan gəlib. Tədbirdə Almaniyanı maliyyə naziri Volfqanq Şoyble, müdafiə naziri Ursula fon der Lyayen və ölkənin DİN rəhbəri Tomas de Nezyer təmsil edir. Görüşə “Deutsche Bank” və “Siemens” kimi ən iri bankların və korporasiyaların rəhbərləri də gələcək. AFR kansleri Angela Merkel, Almaniya XİN başçısı Frank-Valter Ştaynmayer, habelə iqtisadiyyat və energetika naziri Ziqmar Qabriel bu tədbirə qoşulmaqdan imtina ediblər.

Gözlənildiyinə görə, bu il müzakirəyə təqdim edilən əsas mövzular Çinin dünyada yeri, Avropa İttifaqında miqrasiya böhranı, Yaxın Şərqdə hadisələr, Rusiyanın siyasəti, ABŞ-da seçkilər və kibertəhlükəsizlik məsələləri olacaq.

Klubda indiyə qədər qüvvədə olan “Çatem-haus” qaydasına görə, görüş iştirakçıları söhbətlərin məzmununu və natiqlərin çıxışlarının detallarını tam məxfi saxlamalıdırlar. 1927-ci ildə Kral Beynəlxalq Münasibətlər İnstitutu (“Çatem haus”) tərəfindən müəyyən edilmiş bu anonimlik prinsipi rəylərin və müzakirələrin səmimiliyinə şərait yaratmalıdır. Klubun iclaslarına jurnalistlər hər il dəvət edilir, buna baxmayaraq iclasdakı hadisələrin mətbuatda işıqlandırılmasına icazə verilmir. Klubun mövcud olduğu bütün müddətdə konfranslarda səsləndirilmiş konkret təkliflər barədə məlumat heç vaxt qəzetlərə düşməyib.

İctimaiyyətə çatdırılan informasiya güclü təsir bağışlamır. Məsələn: “Saatyarım davam edən iclaslarda klubun üzvləri çox vaxt dünya miqyaslı məsələlər barəsində öz mövqelərini aydınlaşdırır və mübahisə edirlər”. 2013-cü ildə Londondan bir qədər şimalda yerləşən dəbdəbəli oteldə keçirilmiş konfransın iştirakçılarından birinin sözlərinə görə, həmin konfransda heç bir xüsusi məqam olmayıb: adi isveç stolu, şərabın haqqını isə öz cibindən ödəməlisən.

Səhnəarxası görüşlərin əsrarəngizliyi bu tədbirin tənqidçilərində belə bir fikir oyadır ki, Bilderberq klubunun üzvləri nə isə məkrli bir məqsəd güdürlər. Bu, müxtəlif konspiroloji nəzəriyyələr yaranmasına əsas verir. Axı iştirakçılar rislinq və rostbif süfrəsi arxasında dünyanın taleyini müzakirə etməsələr də hər halda dünya əhəmiyyətli problemlərin həllini axtarırlar.

ABŞ-ın Almaniyadakı sabiq səfiri Corc Makqi xatırlayır ki, bu konfrans 1957-ci ildə Avropa İttifaqının yaranması üçün təməl qoymuş Roma müqaviləsinin bağlanmasında mühüm rol oynayıb. Belçikalı sahibkar, Bilderberq Klubunun fəxri sədri Etyen Davinyon isə avronun bu qapalı cəmiyyətdə necə yaranmasının şahidi olduğunu bildirir. Deyilənə görə, bu konfrans Riçard Niksonu və Marqaret Tetçerin istefa verməsinə, Yuqoslaviya münaqişəsinə qarışmağın planlaşdırılmasına da təsir göstərib. Guya Amerikanın İraqa müdaxiləsinin təxirə salınması da bu iclasda qərara alınıb.

 

Vüqar Seyidov


Müəllifin digər yazıları

  1. Almaniyada “reyxsbürger”lərin sayı artır
  2. AFR DİN rəhbəri federal kanslerə güzəşt edir
  3. Almaniyada Hitler dövrünün kilsə zəngləri hələ də qalır
  4. Səmimi, amma nəticəsiz olmuş görüş
  5. Berlin Ukrayna tranzitinin saxlanılmasında israrlıdır
  6. Almaniyanın yeni hökumətinin prioritetləri nələrdir?
  7. BMT Təhlükəsizlik Şurasının “Afrin çoxgedişlisi”
  8. Deyəsən Avropa dağılır
  9. Almaniya hökuməti Hanoy hakimiyyət orqanlarını kəskin tənqid edib
  10. Almaniyada erməni fırıldaqları
  11. Avropa İnsan Haqları Məhkəməsi erməni mif yaradıcılığı barədə növbəti qərar çıxarıb
  12. Almaniyada hansı hərəkətləri etmək olmaz?
  13. Ermənistan nümayəndə heyəti Brüsseldən əliboş qayıdıb
  14. AFR Prezidenti Moskvaya səfər edəcək
  15. Hazırda Almaniya iqtisadiyyatı nə vəziyyətdədir?
  16. Tehran, Moskva və Ankara İdlibdə təhlükəsizliyə dair mövqelərini tutuşdururlar
  17. Almaniyada erməni kredit mafiyası ifşa edilib
  18. Almaniyada qaçqınlar işləyən müəssisələrin sayı üçqat artıb
  19. Dünya güclü kiberhücuma məruz qalıb
  20. Almaniyanın ən kiçik seçki məntəqəsi - xalliq Gröde
  21. Almaniyalı ekspertlər Angela Merkelin Soçiyə səfərinə münasibət bildirirlər
  22. Ksenofob zabitin suriyalı qaçqın adı altında terror aktı hazırlaması ehtimal edilir
  23. Berlin İsraillə diplomatik qalmaqala səbəb olub
  24. “Avropanın nəbzi” həftənin bazar günlərində Almaniya küçələrində hökmranlıq edir
  25. Alman mətbuatında Xocalı soyqırımı ilə bağlı müxtəlif məqalələr dərc edilib
  26. Almaniyada prezidenti necə seçirlər?
  27. Donald Trampın himayəçiliyi Almaniya biznesini narahat edir
  28. Konyakdan narkotiklərədək və ya ermənilərin rüsvayçılıq girdabından çıxmaq üçün konvulsiv cəhdləri
  29. Angela Merkel Avropa İttifaqını “Brexit”dən sonra birliyə çağırıb
  30. “Eurasia News” portalı Azərbaycan əsgərinin cəsədinin ermənilər tərəfindən təhqir olunmasından yazır
  31. Potensial terrorçular güclü müşahidə altındadırlar
  32. Berlindəki hadisə terror aktıdırmı?
  33. AFR DİN: Almaniya terrorçuların hədəfindədir
  34. Drezden sarayında ən məxfi illik forum keçirilir
  35. Oxfam: dünyada sosial təbəqələşmə kəskinləşir
  36. Soyqırımı kim-kimə qarşı törətmişdir? 1914-1922-ci illərdə qətlə yetirilmiş dinc ermənilərin və müsəlmanların sayı məsələsinə dair
Şərh yaz




Enter Code*:

Son xəbərlər
 
Xəbər başlıqları
25-09-2018
24-09-2018

Bütün xəbərlər

 
© 2012 Strategiya.az
Proqramlaşdırma: Encoder.Az
4.6652 san