Son vaxtlar İranda baş verən təxribatlar hansı niyyətlər güdür?

20:33 / 28.11.2018

İranda bəluc əsilli ruhani lider Mövləvi Əbdülqafur Camalzadeh naməlum silahlıların hücumuna məruz qalaraq qətlə yetirilib.

AZƏRTAC yerli mətbuata istinadla xəbər verir ki, 61 yaşlı ruhani evindən çıxıb sübh namazı qılmaq üçün məscidə gedərkən atəşə tutulub. Din xadimi 4 güllə yarası alaraq hadisə yerində ölüb. Hələlik heç bir təşkilat və qruplaşma məsuliyyəti üzərinə götürməyib. Polis və xüsusi xidmət orqanları genişmiqyaslı təhqiqata başlayıblar.

Bu gün İran ətrafında baş verən hadisə və proseslər dünya mətbuatının gündəmindən düşmür. İran ilə ABŞ, İsrail və bir sıra ərəb dövlətləri arasındakı münasibətlərdə uzun illərdir gərginlik yaşanır. Yerli mətbuat yazır ki, ABŞ-da Donald Trampın prezident seçilməsindən sonra münasibətlər daha da gərginləşərək az qala müharibə həddinə çatıb. Lakin ABŞ yaxşı bilir ki, İran Suriya, İraq və Əfqanistan deyil. O, Yaxın Şərqdə güc mərkəzi rolunu oynayır və burada hərbi əməliyyatlar aparmaq faydasızdır. Odur ki, Vaşinqton İrana qarşı “yumşaq” gücdən istifadəyə üstünlük verir. Prezident D.Trampın milli təhlükəsizlik məsələləri üzrə müşaviri Con Boltonda birmənalı şəkildə bəyan edib ki, İrana qarşı heç bir hərbi əməliyyat keçirilməyəcək. Odur ki, İranı iqtisadi sanksiyalar vasitəsilə təslim olmağa vadar etmək istəyən ABŞ və müttəfiqləri bu vasitənin də işə yaramayacağını artıq başa düşüblər. Əvvəla, Avropa dövlətləri sanksiyalardan yan keçərək İran ilə maliyyə əməliyyatlarını həyata keçirmək üçün xüsusi mexanizm hazırlayıblar. Bu mexanizm vasitəsilə İran ilə Avropa dövlətləri əvvəllər olduğu kimi ticarət əlaqələrini davam etdirə biləcəklər. Bu isə İrana sanki bir nəfəs verir və onun iqtisadiyyatının defolt olmasının qarşısını alır.

Digər tərəfdən, İranın neft ixracının qarşısı da tam olaraq alınmadı. ABŞ özü 8 dövlətə İrandan neft almağa icazə verdi. Bir sıra dövlətlər isə bəyan etdilər ki, milli maraqlarını ABŞ-ın ambisiyalarına qurban vermək fikrində deyillər. Onlar İrandan neft və qaz almağa davam edəcəklərini birmənalı şəkildə bildirdilər. Ən əsası isə ABŞ-ın özündə də İrana qarşı sanksiyaların tətbiqi yekdilliklə qarşılanmır. Bir sıra nüfuzlu senatorlar hesab edirlər ki, sanksiyalar onsuz da gərgin olan vəziyyəti daha da gərginləşdirəcək və ABŞ-ın regiondakı bazaları təhlükə altında qalacaq.

Bütün bunlara baxmayaraq, Tramp administrasiyası sanksiyaları tətbiq etdi və gözlənildiyi kimi, İranla münasibətlər çox gərgin xarakter aldı. Siyasi müşahidəçilər bildirirlər ki, ABŞ müharibə etmək fikrində deyil və iqtisadi sanksiyalar da gözlənilən səmərəni vermir. Belə olan halda nə etmək lazımdır? Bəluc əsilli ruhani lider Mövləvi Əbdülqafur Camalzadehin qətlə yetirilməsi faktını həmin suala cavab hesab etmək olar. Bir qədər ətraflı olaraq qeyd etmək lazımdır ki, bu yolla İranda milli və dini zəmində qarşıdurma yaradılması prosesi artıq başlayıb. Sünni liderin öldürülməsi təsadüfi xarakter daşımır. Belə ki, hökumətə qarşı sərt bəyanatları ilə tanınan Camalzadeh İranda yaşayan sünnilərə qarşı ayrı-seçkiliyin mövcud olduğunu vurğulayırdı.

Onu da diqqətə çatdırmaq istərdik ki, Sistan-Bəlucistan İranın, necə deyərlər, çox narahat bölgəsidir. Əfqanıstan və Pakistan ilə sərhəddə yerləşən bu bölgədə əsasən sünni əhali yaşayır. Narkotik vasitələrin qanunsuz ticarəti ilə məşğul olan silahlı qruplaşmalar qaçaqmalı İranın bu bölgəsinə keçirirlər. Sərhədçilər burada tonlarla narkotik vasitə müsadirə edərək onun Avropaya daşınması üçün İrandan tranzit kimi istifadə olunmasının qarşısını alırlar. Burada silahı olmayan ailə demək olar ki, yoxdur. Əsasən ov tüfənglərindən ibarət olan bu silahlardan cinayət məqsədilə istifadə ediləcəyini də istisna etmək olmaz. Yeri gəlmişkən qeyd edək ki, M.Ə.Camalzadeh məhz ov tüfəngi ilə qətlə yetirilib.

Sünni dini liderin qətli son vaxtlar İranda törədilən ilk təxribat deyil və bunun davam edəcəyini söyləmək olar. Bu ilin oktyabrında 15 iranlı sərhədçi də məhz Sistan-Bəlucistan bölgəsindən qaçırılaraq girov götürülüb. Onlardan 5 nəfəri azad edilsə də, qalanları haqqında hələlik məlumat yoxdur. Noyabrın 25-də Tehranda futbol matçı zamanı baş verən hadisəni də təsadüfi hesab etmək olmaz. Tehranın “Pespolis” və Təbrizin “Traktorsazi” komandaları arasındakı oyun zamanı gözlənilmədən tribunada üzərində “Arsax” yazılan böyük transparant qaldırıldı və erməniləri dəstəkləyən şüarlar səslənməyə başladı. Səslənən şüarların futbol oyununa heç bir aidiyyəti yox idi və bu hadisənin də təxribat olduğu şübhə doğurmur.

Xatırladaq ki, noyabrın 17-də prezident Həsən Ruhani Şərqi Azərbaycan vilayətinə səfəri zamanı Xoy şəhərində əhali qarşısında çıxış edərkən deyib: “...düşmən qüvvələr İran ilə Azərbaycan Respublikasının münasibətlərini korlamağa çalışırlar”. Deməli, İran hakimiyyəti təxribatların olacağından xəbərdardır. Ümid etmək istərdik ki, çox güclü xüsusi xidmət orqanlarına malik İran bu tip təxribatların qarşısını almaq üçün vaxtında hərəkətə keçəcək.


Etiket:

Strategiya.az

Xəbərlər
21.02.2019

Yeniyetmələrin Azərbaycan çempionatına yekun vurulub

21.02.2019

Polis orqanlarında işə qəbul elan edilir

21.02.2019

DTX-nin arxiv fondlarında saxlanılan tarixi əhəmiyyətli sertifikatlar azərbaycanlı partizanların vərəsələrinə təqdim olunub

21.02.2019

Donald Tramp və Kim Çen Inın Hanoy görüşünün formatı açıqlanıb

21.02.2019

Çox sayda sərnişin yaralanıb 

21.02.2019

“İslam arxeologiyası” mövzusunda seminar

21.02.2019

“Laçın” tankeri suya buraxılıb

21.02.2019

Qazaxıstan Prezidenti hökuməti istefaya göndərib

21.02.2019

Mehriban Əliyevanın Birinci vitse-prezident kimi fəaliyyəti insanların mütləq əksəriyyəti üçün gözəl təcrübə və örnəkdir – Bahar Muradova

21.02.2019

Magistraturalara qəbul imtahanında 12685 bakalavr iştirak edəcək

21.02.2019

Azərbaycan Respublikası Prezidentinin Sərəncamı

21.02.2019

Fevralın 22-nə manatın məzənnəsi

21.02.2019

272 nömrəli  məktəbdə biabırçılıq

21.02.2019

İsmayıllı sakinindən 1 kq-dan artıq marixuana götürülüb

21.02.2019

Osmanlı tarixinin ən qəbuledilən və ciddi araşdırıcılarından olan tarixçi,akademik Kamal Karpat dünyaısını dəyişib

21.02.2019

Dövlət Gömrük Komitəsindən idxal edilən quzu əti ilə bağlı açıqlama

21.02.2019

Xətainin “Divan”ının mətni Əlyazmalar İnstitutuna hədiyyə edilib

21.02.2019

Neymar Braziliyaya gedir

21.02.2019

Ermənistana məxsus taktiki PUA məhv edilib

21.02.2019

İnformasiya Təhlükəsizliyi üzrə Koordinasiya Komissiyasında dəyişiklik edilib

21.02.2019

Azərbaycanda DƏHŞƏTLİ HADİSƏ: ər həbs edildi, qadın özünü öldürdü

21.02.2019

İran hərbi dəniz təlimlərinə başladı və ilk dəfə...

21.02.2019

Bakıda pul üstündə qanlı dava – Ata və oğlunu ölümcül hala saldılar

21.02.2019

Vyanada ATƏT Parlament Assambleyasının 18-ci qış sessiyası işə başlayıb

21.02.2019

Maaşla bağlı şirkət rəhbərlərinə XƏBƏRDARLIQ

21.02.2019

Böyük Britaniyanın dörd naziri Brexit vaxtını təxirə salmağı tələb edir

21.02.2019

Metrodan istifadə edənlərə ŞAD XƏBƏR!

21.02.2019

İşə yeni qəbul olunan əməkdaşlarla görüş keçirilib

21.02.2019

Fevralın 10-da keçirilmiş sınaq imtahanının NƏTİCƏLƏRİ açıqlanıb

21.02.2019

Türkiyə Ermənistanla sərhəddə genişmiqyaslı hərbi təlimlər keçirir

21.02.2019

Kəndlilərin canına və malına qənim kəsilən canavarlar – VİDEO 

21.02.2019

Azərbaycan Respublikası Prezidentinin Sərəncamı

21.02.2019

İcra Hakimiyyəti: Şamaxıda zəlzələdən 132 ev kəskin qəzalı vəziyyətə düşüb

21.02.2019

Premyer Liqamızda oyunların başlama saatı müəyyənləşdi

21.02.2019

Səudiyyə Ərəbistanı 850 hindistanlı məhbusu azadlığa buraxacaq

21.02.2019

Sabahın hava proqnozu açıqlanıb

21.02.2019

Prezident İlham Əliyev Sovet İttifaqı Qəhrəmanı, general-leytenant Ruslan Auşevi qəbul edib

21.02.2019

Şinzo Abe Trampdan nə tələb etdi?

21.02.2019

Vergi ombudsmanının hansı işlər görəcəyi açıqlandı

21.02.2019

Soydaşımız Niderland mediasında Xocalıdan yazdı

21.02.2019

EVİNDƏ NARKOTİK GİZLƏTMİŞDİ

21.02.2019

14 əcnəbi vətəndaşın saxta sənədlərlə dövlət sərhədindən keçmək cəhdinin qarşısı alınıb

21.02.2019

Ronaldo "Atletiko"ya sataşdı

21.02.2019

Qubada çaya aşan ekskavatorun sürücüsünün cəsədi aşkarlanıb

21.02.2019

Əliağa Vahid və Həkim Qəniyə həsr olunmuş yubiley tədbiri

21.02.2019

DİN Masazırdakı yanğınla bağlı açıqlama yaydı

21.02.2019

Prezident sərəncam imzaladı

21.02.2019

Bakı metrosunda azyaşlı qıza zor tətbiq edən şəxs tutulub

21.02.2019

Qəbul imtahanlarının vaxtları BU SƏBƏBDƏN dəyişdirildi

21.02.2019

Sənətin böyük ağası...