Ərdoğanın mesajları: Türkiyə Prezidenti ədalətə dəvət edir

09:22 / 28.09.2019

Bu il sentyabrın əvvəllərində Sivasda Mərkəzi Anadolu İqtisadi Forumundakı tarixi çıxışında Rəcəb Tayyib Ərdoğan hər bir ölkə kimi Türkiyənin də nüvə silahına malik olmaq hüququndan söhbət açıb. Konkret misallar əsasında o, müasir mərhələdə dünyada baş verən geosiyasi proseslərin fonunda inkişaf etmiş ölkələrin nüvə silahına malik olmasının bəzi təsirlərindən danışıb. Türkiyə Prezidenti ifadə edib ki, bir sıra dövlətlərə nüvə silahı istehsalının qadağan olunması doğru deyil. Mövcud problemlərin həlli baxımından da faydasızdır. Həmin kontekstdə hətta burada bir haqsızlıq da vardır. Ancaq Türkiyənin dövlət başçısının söylədiyi fikirlərin məntiqinə daha dərindən nəzər salsaq, maraqlı məqamları görə bilərik. Əslində, R.T.Ərdoğan, ümumiyyətlə, müasir dünyada mövcud olan geosiyasi mənzərənin gələcəyi ilə bağlı ehtiyatlılığını ifadə edib. O, hazırda dünyada hakim rolunu oynamağa çalışan ölkələrin vəziyyəti daha da mürəkkəbləşdirdiklərini çatdırıb. O cümlədən özü nüvə silahına malik olub, başqasına onu qadağan etmək strategiyasının perspektivsizliyini göstərib. Çünki "dünya beşdən böyükdür"! Və hər bir xalqın yaşamaq haqqı vardır. Bu aksiomu bir neçə dövlətə aid edib, başqalarına qadağa qoymaq ədalətsizlik, haqsızlıq və sonu olmayan yoldur. Bütün bu məqamların fonunda R.T.Ərdoğanın ifadə etdiyi fikirlərin geosiyasi aspekti üzərində geniş dayanmağa ehtiyac görürük.

"Bomba yarışı": təhlükəli və perspektivsiz hökmranlıq iddiaları

Türkiyə Prezidenti Rəcəb Tayyib Ərdoğanın nüvə silahı ilə bağlı ifadə etdiyi fikirlər ekspert dairələrində geniş müzakirələrə səbəb olub. R.T.Ərdoğan deyib ki, dünyanın inkişaf etmiş ölkələrinin hamısında nüvə silahı vardır. Türkiyədə niyə olmasın? Lakin "dostlar" daim müxtəlif kontekstlərdə "məsləhət" verir və əksər hallarda hədə ilə deyirlər ki, "sizə nüvə silahı olmaz". Bundan başqa, İsrailin nüvə silahı var. O, bununla Yaxın Şərqdə "hamını qorxudur". Məsələn, İran və Türkiyəni. Niyə belə olmalıdır?

Türkiyə lideri fikrinə davam edərək, bir ölkə başçısı ilə danışıqda qarşı tərəfin 7500 ədəd nüvə silahına malik olmasına rəğmən, ABŞ və Rusiyanın 12500-15000 ədəd nüvə silahına malik olduğuna görə, onlara çatmağa çalışdığını ifadə etdiyindən bəhs edib.

Bu fikirlərin ekspertlər tərəfindən şərhi maraq doğurur. Onların əksəriyyəti R.T.Ərdoğanın bu fikirləri səsləndirməkdə məqsədinin nədən ibarət olduğunu dürüst izah etmirlər. Məsələni "Türkiyənin nüvə silahına sahib olub-olmamaq hüququnun aydınlaşdırılması" müstəvisinə gətirməyə çalışırlar. Və yaxud "Türkiyə nüvə silahı istehsal etmək potensialına malikdirmi?" sualına müxtəlif cavablar axtarırlar. Türkiyə Prezidenti isə, fikrimizcə, bu fikirləri tamamilə başqa məqsədlə ifadə edib.

Hazırda dünyada nüvə silahına malik olan bir neçə ölkə var. ABŞ, Rusiya, Çin, Hindistan, Pakistan, İsrail, Fransa, Böyük Britaniya, Şimali Koreya. Sual olunur: kim bunlara nüvə silahına sahib olmaq hüququnu verib? Tanrımı? Elə isə Tanrı həmin ölkələri hansı dəyərlərinə görə "seçib"? Absurd sualdır, deyilmi? Sadalanan ölkələr içərisində ABŞ, Rusiya və Çin daha çox nüvə arsenalına malikdirlər. Eyni zamanda, dünyada geosiyasi məkanda daha çox fəal olan, öz iradəsini, ambisiyasını başqalarına yeritməyə çalışan ölkələr də onlardır. Əlavə olaraq Amerikanın yanında daha aqressiv davranan dövlətlər də vardır. Məhz bu dövlətlər car çəkirlər ki, İran nüvə silahına sahib olmamalıdır.

Deməli, aydın görünür ki, nüvə silahına malik olan güclü dövlətlər faktiki olaraq ondan real siyasətdə öz iradələrini başqalarına qəbul etdirmək üçün istifadə edirlər. Və onların digər potensial nüvə ölkələrinə qoymaq istədikləri qadağanın da kökündə bu dayanır: rəqib olmasın, alternativ olmasın və dünyanı istədiyimiz kimi "barmağımızda fırladaq". Yəni "dünya beşdən böyük" olmasın. R.T.Ərdoğan isə deyir ki, "dünya beşdən böyükdür"!

Türkiyə Prezidentinin fikirlərinin işığında İsrailin baş naziri Binyamin Netanyahunun yəhudilərin qanunsuz məskunlaşdırıldıqları əraziləri hüquqi olaraq İsrailə bağlamaq niyyətində olduğunu açıqlaması düşündürücüdür. Çünki bir dövlətin hökumət başçısı açıqca bəyan edir ki, hansısa ərazini özünün istədiyi qaydada, beynəlxalq hüquqa riayət etmədən hüquqi cəhətdən öz ərazisinə qatacaq. Bu, normaldırmı?

Kimin nəyə haqqı çatır: dünyanı məhvə aparan yol

Nəinki normal deyil, hətta dünyanın müxtəlif regionlarında çox təhlükəli proseslərə yol aça bilər. Məsələn, Ermənistanın baş naziri də deyə bilər ki, Dağlıq Qarabağı Ermənistana hüquqi olaraq bağlayacaq. Və yaxud eyni məntiqlə Rusiya Abxaziya, Cənubi Osetiya, Krım, Donbas haqqında bunları deyə bilər. Niyə də deməsin? Çünki Rusiya hərbi cəhətdən İsraildən qat-qat güclüdür, dünya geosiyasətində də rolu yüksəkdir. Forpost Ermənistan da havadarlarına arxalanıb, sərsəmləyə bilər.

R.T.Ərdoğanın qaldırdığı məsələ fonunda bütün bunlar bir-biri ilə sıx bağlı görünür. Əgər Türkiyə kimi ədalətli bir dövlət güclü nüvə arsenalına malik olsa, onda yuxarıda vurğulanan haqsızlıqların heç birinin şansı olmaz. Axı fələstinlilər, azərbaycanlılar, farslar, ukraynalılar və başqaları da insandırlar, onların da yaşamaq hüququ vardır.

Eyni zamanda, R.T.Ərdoğan həmin mesajı ilə konkret regional geosiyasi proseslərə işarə verir. Yaxın Şərqdə böyük dövlətlər at oynadırlar. Onların heç birinin coğrafi olaraq həmin məkana aidiyyətləri yoxdur. Lakin Yaxın Şərq haqqında özlərinin milli təhlükəsizlikləri kontekstində elə danışırlar ki, sanki həmin regionun düz mərkəzindədirlər. Elə bil həlak olanlar onların vətəndaşlarıdır, dağılan şəhərləri onların babaları tikib və həmin ərazidəki dövlətlər Allahdan onlara bir mülk kimi qalıb. ABŞ, Rusiya, Fransa, Almaniya və uzaq Çin də belə düşünür.

Bunların fonunda isə Yaxın Şərqdə yerləşən dövlətlərə kənardan təsir edənlərin hansı "payı" verə biləcəyi dartışılır. Məsələn, biri deyir ki, İran oradan çıxmalıdır, digəri terrorçuları gətirib qoyur neft quyularının başına və deyir ki, buranın sahibi onlardır, bir başqası bəyan edir ki, "ən yeni silahlarımızı Suriyada uğurla sınaqdan keçiririk, budur bizim silahların gücü!", digərləri Avropadan hay-küy salırlar ki, Amerika oradan çıxsa, biz əvəz edəcəyik.

Baxın, həmin ölkələrin sırasında bir dənə də olsun müsəlman ölkəsi yoxdur. Onların heç biri Yaxın Şərqdə yerləşmir. Kim deyə bilər ki, bu obyektivlik, ədalət, beynəlxalq hüquq və insafdır! Üstəlik, həmin qüvvələr özlərini ali hakim kimi göstərərək, Yaxın Şərqin müsəlman ölkələrinə təlimat verirlər ki, nüvə silahı istehsal etməyin. Əks halda, təhlükə olacaqsınız, beynəlxalq terror daha da güclənəcək. Özləri beynəlxalq terrorun tam mərkəzləri, mənbələri və praktiki yayanlarıdır.

R.T.Ərdoğan buna etiraz edir və sualı tamamilə təbii qoyur: "belə olan halda nəyə görə müsəlman dövlətləri də nüvə silahına malik olmasın?" O cümlədən Türkiyə həmin imkana sahib olsa, dünyada çox şey dəyişər.

Həmin fikirlərin pərdəarxası başqa mənası da çox maraqlıdır. Türkiyə Prezidenti faktiki olaraq ölkəsinin potensial olaraq nüvə silahı hazırlamağa yaxın olduğunu bəyan edir. Söhbət ondan getmir ki, Türkiyə nüvə silahı hazırlayır. Bizcə, qətiyyən belə deyil. Ankara bu imkana sahib olduğunu və onu reallaşdırmağa gücünün çatdığını ifadə edir. İnanmırıq ki, Türkiyə nüvə silahı hazırlayacaq. Çünki artıq bəşəriyyətin bu ölümcül silaha ehtiyacı olmamalıdır. Əvəzində, nüvə silahına malik olanlar siyasətlərinə yenidən baxmalıdırlar.

Onlar anlamalıdırlar ki, tutduqları yol bütövlükdə bəşəriyyəti məhvə aparır. Çünki onlara bu gün İran, sabah Türkiyə, o biri gün Misir və ya Səudiyyə Ərəbistanı, olsun ki, Polşa və ya Rumıniya, Bolqarıstan, Serbiya və b. qoşula bilər. Bu tendensiya sülhə aparmır, təhlükəsizliyi təmin etmir. Əksinə, dünya daha qorxunc bir dinamikaya köklənir. Həm də ona görə ki, daha təkmil nüvə texnologiyasına malik ABŞ, Çin və Rusiya yeni silahlar icad edəcəklər və proses fərqli səviyyədə xeyli riskli, məhvedici dinamika alacaq. Dünyaya bu gərəkdirmi? R.T.Ərdoğan bu sualı sətiraltı verir.

Nəhayət, Türkiyə Prezidentinin fikirləri bir çağırışdır! Dünyanın ən qüdrətli dövlətlərinə müraciətdir ki, gedilən yol səhvdir. Potensialı çatan ölkələr, o cümlədən Türkiyə, bu mənzərə qarşısında özlərinin də arzulamadığı addımlar ata bilərlər. İnsanların rifahı üçün çalışmaq əvəzinə silah istehsalı yarışı daha intensiv səviyyəyə yüksələr və bundan bütün dünya əziyyət çəkər, sadə insanların sosial-iqtisadi vəziyyəti daha da ağırlaşar! Çünki nüvə silahı istehsal etməyə hər bir dövlətin haqqı vardır!

Lakin təəssüf ki, ekspertlər ənənəvi olaraq konkret dairələrin marağına xidmət edən və həqiqət kimi uzun illərdir "obyektivlik, hüquqilik" donunda nümunə olaraq göstərilən tezislər çərçivəsindən kənara çıxa bilmirlər. Onlar dərhal hesablamağa çalışırlar: Türkiyə hansı dövlətə tərəf gedəcək – Amerikaya, yoxsa Rusiyaya? Türkiyə texnologiyanı kimdən alacaq – Rusiyadan, yoxsa Pakistandan. Və nüvə silahına malik olandan sonra Türkiyə kimə təhlükə törədəcək? Bütün bunlar xronoloji geosiyasi, sivilizasyon, dini hegemonluq xəstəliyinin qalıqlarıdır! Bu kimi cəfəng və faydasız düşüncələr əvəzinə dünyanın taleyini bəndə kimi düşünmək və görməyə cəhd etmək daha faydalı olmazdımı? Tayyib Ərdoğanın fikirlərinin məntiqinə deyil, ruhuna baxın! Həqiqət oradadır!

Newtimes.az


Etiket:

Strategiya.az

Xəbərlər
09.07.2020

Böyük Şor gölünün 50 faizi çirkabdan təmizlənib 

09.07.2020

Azərbaycanda daha 548 nəfər koronavirusa yoluxdu, 491 nəfər sağaldı, 10 nəfər öldü

09.07.2020

Böyük Şor gölünün üzərində yaranmış qatı çirkab örtüyün təmizlənməsinə başlanılıb

09.07.2020

BQXK nümayəndələri Dilqəm Əsgərov və Şahbaz Quliyevə baş çəkib

09.07.2020

Bakı Dövlət Universiteti və Yasamal Rayon İcra Hakimiyyətinin birgə təşkilatçılığı ilə Ulu Öndərin hakimiyyətə gəlməsinin 51-ci ildönümünə həsr olunmuş onlayn tədbir keçirilib

09.07.2020

Birinci vitse-prezident Mehriban Əliyevanın tapşırığı ilə ATU-nun koronavirusa yoluxmuş həkiminin səhhəti xüsusi nəzarətə götürülüb

09.07.2020

DİN rayonlarda əməliyyata başladı, 10-dan artıq şirkət rəhbəri saxlanıldı

09.07.2020

Xaçmazın giriş-çıxışlarında postlar quruldu, hərəkətə ciddi nəzarət başladı

09.07.2020

Sərt karantin elan olunan ərazilərdə bir gündə qayda pozan 1081 nəfər cərimləndi

09.07.2020

General-leytenant Fuad Məmmədov  vəzifəsindən azad edilib

09.07.2020

Əkin sahələri və meyvə bağları ciddi zərər çəkib

09.07.2020

Sağalan COVİD xəstələrinə arayış necə verilir? - RƏSMİ AÇIQLAMA

08.07.2020

Ekspres xətlər üzrə avtobusların iş qrafiki dəyişdirilib

08.07.2020

Azərbaycanda daha 542 nəfər koronavirusa yoluxdu, 465 nəfər sağaldı, 9 nəfər öldü

08.07.2020

Bakıda polisə hücum etdiyi deyilən şəxslər aşkarlandı

08.07.2020

Dolu düşəcəyi gözlənilir

08.07.2020

Dövlət Nəfəs alətləri orkestrinin bədii rəhbəri həbs edildi

08.07.2020

Karantin postlarından 500 avtomobil geri qaytarılıb

08.07.2020

Abşeron magistral kanalında yenidənqurma işlərinin başa çatdırılması üçün 8,5 milyon manat ayrıldı - SƏRƏNCAM

07.07.2020

Hüquq fakültəsində magistr dissertasiyalarının onlayn müdafiəsi keçirilib

07.07.2020

Azərbaycanda daha 537 nəfər koronavirusa yoluxdu, 453 nəfər sağaldı, 7 nəfər öldü

07.07.2020

Böyük Şor gölündən götürülən su nümunəsi ilə bağlı analizlərin nəticəsi məlum olub

07.07.2020

Bir sıra icazələr yenidən aktivləşdirildi

07.07.2020

Prezident İlham Əliyevin müsahibəsi - TAM MƏTN

07.07.2020

Ağdərə rayonunun Ermənistan silahlı qüvvələri tərəfindən işğalından 27 il keçir

07.07.2020

İyulun 7-də xarici valyutaların manata qarşı məzənnələri

06.07.2020

Prezident İlham Əliyev: Qabaqlayıcı tədbirlərin görülməsi ilə vəziyyəti nəzarətdə saxlaya bildik

06.07.2020

Azərbaycanda daha 513 nəfər koronavirusa yoluxdu, 440 nəfər sağaldı, 8 nəfər öldü

06.07.2020

Daha 4 rayona prokuror vəzifəsini icra edən şəxslər təyin edildi

06.07.2020

BDU-da virtual elmi seminar keçirilib

06.07.2020

DTX XİN-in vəzifəli şəxslərinə qarşı keçirilən əməliyyatla bağlı məlumat yaydı

06.07.2020

Prezident İlham Əliyev və birinci xanım Mehriban Əliyeva Bakının Xətai rayonunda modul tipli hospitalın açılışında iştirak ediblər

06.07.2020

Botanika İnstitutu: Qafqazdakı bitkilərin 64%-nə Azərbaycanda rast gəlinir

06.07.2020

Dünya şöhrətli bəstəkar Ennio Morrikone vəfat edib

06.07.2020

Karantin rejimini pozan 4 nəfər həbs edilib, 2 294 nəfər cərimələnib - DİN

06.07.2020

Ukraynada koronavirusa yoluxanların sayı 50 minə yaxınlaşır

06.07.2020

Əsgərlikdən qayıdan oğluna yığıncaq keçirən ata və qonaqları cərimələndi

06.07.2020

Elman Nəsirovun “Koronavirus pandemiyasından sonra Qarabağın gələcəyi” adlı məqaləsi ərəb mətbuatında nəşr olunub

06.07.2020

İyulun 6-da xarici valyutaların manata qarşı məzənnələri

05.07.2020

Azərbaycanda daha 523 nəfər koronavirusa yoluxdu, 451 nəfər sağaldı, 9 nəfər öldü

05.07.2020

icaze.e-gov.az portalında bir sıra icazələr ləğv edilib

05.07.2020

Gürcüstanda koronavirusa yoluxanların sayı 951 nəfərə çatıb

05.07.2020

Xəstəlikdən bir neçə ay sonra idmanla məşğul ola bilmirlər

05.07.2020

Dünyada koronavirus qurbanlarının sayı 530 mini ötüb

05.07.2020

Naftalanda baş verən qətllə bağlı prokurorluq məlumat yaydı

04.07.2020

Azərbaycanda daha 534 nəfər koronavirusa yoluxdu, 471 nəfər sağaldı, 6 nəfər öldü

04.07.2020

COVID-19 pandemiyası ilə əlaqədar İstanbulda daha bir xəstəxana istifadəyə verilib

04.07.2020

Azərbaycan neftinin bir barreli 43,85 dollara satılır

04.07.2020

Prezident tanınmış yazıçıya ev bağışladı

04.07.2020

Bu ölkə koronavirusun ikinci dalğasına başladı