Ürəyin şeir yükü

12:44 / 23.10.2020

 

 Şeir, həyatın insan oğluna Tanrının bəxş etdiyi zaman boyunca ötüb keçən ömrün özüdür. Şair ömrü həmişə təlatümlü, narahatlıqlarla doludur. Fuad İslamoğlu da özünə bu yolu seçib. İndiyədək işıq üzü görən “Təmizlik”, “Yaşamalı dünyadı”, “Bu səs sənin səsindirmi”, “Qartal səmada tək uçur” adlı kitablarında onun forma və məzmunu bir-birini yüksək səviyyədə tamamlayan gözəl şeir nümunələri toplanıb. Bu şeirlərdə Qarabağ həsrəti, Şuşa nisgili, min bir sərvətli Kəlbəcərin yoxluğundan doğan acı duyulur və bu ağrı-acı şairin ruhundan qopan özünəxas yeni bir səslə oxucuya təqdim olunur.

 Ömrünün 74-cü baharını yaşayan istedadlı, iti qələm sahibi olan şairin şeirləri öz mayasını, dadını-duzunu görkəmli el sənətkarlarının söz-sənət çeşməsindən alıbdır. Onları oxuduqca xəyal insanı lap uzaqlara – işğal altında olan qədim Oğuz ellərinə aparır...

 Özünəməxsus deyim tərzi, müşahidə qabiliyyəti olan Fuad İslamoğlunun yaradacılığı geniş, əhatəlidir. O, xalqımızın əxlaqi sərvətlərini, mənəvi dəyərlərini, adət-ənənələrini, sevincini-kədərini, ictimai dərdini çox böyük ustalıqla, sənətkarlıqla  öz şeirlərində əks etdirir. Onun şeirlərində Azərbaycan təbiəti, onun atlas geyimli dağları, düzləri, gölləri, dupduru bulaqları, yaşıl yaylaqları öz əksini tapmışdır. Fuad İslamoğlunun əxlaqi cəhətdən çox böyük əhəmiyyətə malik olan didaktik, tərbiyəvi şeirləri, şeirlərdəki aforistik ifadələr şairin yaradıcılığında qırmızı xətt kimi uzanır.

 Bir sözlə, o, dövrlə, zamanla ayaqlaşan poeziya yaratmaq üçün layiqli övlad məhəbbəti, fədai əməyi, mətanəti ilə Vətənin – Azərbaycanın xidmətində durmağı, xalqın, ata yurdun tarixini yaşatmağı özünə mənəvi borc bilir. 

 Fuad İslamoğlunun ömür yolu maraqlıdır. Böyük Vətən müharibəsi iştirakçısı olan və müxtəlif orden, medallarla təltif olunmuş atası tarixi qələbəmizdən sonra bir hərbiçi kimi xidmətini davam etdirmək üçün Dağıstana göndərilmiş, bir müddət orada qulluq keçmişdir. Fuadın dünyaya gəlməsi xəbərini də burada eşitmişdir.

 Fuad bir yaşında olanda ailəlikcə Azərbaycanın Samux rayonuna köçmüşlər. Ədəbiyyata, şeirə böyük maraq göstərən Fuad həmişə öz istedadı ilə şagird yoldaşlarından fərqlənmişdir. Məktəbin divar qəzetində onun kiçik şeirlərinə ayrıca yer ayrılmışdır. Sevimli şagirdi Fuadın şeirə, poeziyaya sonsuz həvəsi ədəbiyyat müəllimi Şamilin diqqətindən yayınmamış, yaradıcılığını genişləndirmək üçün ona həmişə dəyərli tövsiyələr vermişdir.

 Neft-Kimya Akademiyasının məzunu olan Fuad İslamloğlu ayrı-ayrı illərdə rəhbər vəzifələrdə çalışmış, müxtəlif mükafatlara layiq görülmüşdür. Şairin kitablarındakı şeirlər insanın qəlbinə yol açır, ona rahatlıq gətirir. Belə şeirlərdən birinə diqqət yetirək :

                                Mayam təmiz, halallıqla yoğruldum

                                Nə oldu ki, öz içimdə qovruldum?

                                Dağı gəzdim, düz yoldaca yoruldum,

                                Düz əməllər, düz əqidə yorğunu,

                                Mən olmuşam gözəlliklər vurğunu.

                                                        ***

                                Daxili aləmi gözəl insanlar,

                                Sözləriylə əməli bir olanlar,

                                Xalqına, yurduna sadiq qalanlar,

                                Olmayırlar heç vaxt vicdan yorğunu,

                                Fuad belə insanların vurğunu.

 Onu əhatə edən hər şeyə sevgi, sayğı ilə yanaşan şair Fuad İslamoğlunun “Qartal səmada tək uçur” kitabına daxil etdiyi vətənpərvərlik ruhunda yazılmış şeirlər hamını müstəqil bir dövlət üçün əlindən gələni əsirgəməməyə çağırır.

 Şairin “Mən kiməm bəxt yazam” ,“Şair yükü ağır olur”, “Heç kəs poza bilmədi”, “Bu yolun yolçusuyam” və digər şeirləri də oxunaqlılığı ilə diqqəti cəlb edir.

                                Fərq qoymadım nə doğmaya, nə yada?

                                Hər kəs üçün atdım özümü oda,

                                Bu minvalla ömrümü verdim bada,

                                Kim tutub duracaq ki, bu dünyanı?

 Fuad İslamoğlunun qələmə aldığı şeirləri xalq yaradıcılığından qaynaqlanıb, onun yaradıcılığında geniş yer tutan təbiət,vətənpərvərlik , məhəbbət, insan gözəlliyi və s. qələm sahibinin ilham mənbəyidir. Mövzusundan asılı olmayaraq deməyə sözü var və bu sözü ən uyğun bir biçimdə deməyi bacarır.

 Fuad İslamoğlu hazırda 5-ci kitabını nəşrə hazırlayır. O, daim axtarışdadır. Bilir ki, şair olmaq üçün çox oxumaq, çox yazmaq lazımdır. Təkcə yazmır, ana yurdun bu və digər qayğıları ilə yaşayır, xalqının gələcək taleyinin təəssübkeşidir. Kim bilir, bəlkə onun poeziyaya bağlılığının bir səbəbi də budur... Fikirlərini, düşüncələrini şeirin ecazkar dili ilə söyləməklə sanki rahatlıq tapır. Deyir ki, şair olmaq asan deyil, bu yuxusuz gecələr, ümid paylaşmaq, çayların axarını, dağların baxarını sevmək, insanı varından yox edən gerçək şeirlər yazmağı bacarmaqdır. Çətindir, amma gözəldir. Təbii ki, əgər oxucu könlünün sarı siminə toxuna, ruhunu tərpədə bilir, onu düşündürürsənsə....

 Boş vaxtlarda həyat yoldaşı, söz-sənət vurğunu Nişanə xanım, nəvələri Ləman, Aydan, Gülüzar, Fuad, Sərxan, Nihal, Fatimə, Muradla birlikdə mavi Xəzərin nəğməli sahillərinə çıxır, təbiətin gözəlliyini seyr edir. Belə gözəl anlar, Xəzərin gözəlliyi, romantikası yeni-yeni şeirlərə vəsilə olur.

  Gözəl zamanədə yaşadığımızı, ulu öndər Heydər Əliyevin siyasi kursunun bu gün Prezident İlham Əliyev tərəfindən uğurla davam etdirildiyini söyləyən şair Vətənini tərənnüm edir, bu günümüzün uğurlarına sevinir, sabahımıza inamla baxır.

 Yaradıcılığında vətənpərvərlik şeirləri üstünlük təşkil edən Fuad İslamoğlu Ali Baş Komandan cənab İlham Əliyevin rəhbərliyi ilə cəbhədə qəhrəmanlıq salnaməsi yaradan hərbiçilərimizdə olan böyük ruh yüksəkliyini daha da artıran şeirləri ilə bir ziyalı, şair kimi bu istiqamətdə də uğurlarımıza özünəməxsus tərzdə töhfələr verməkdədir. Həmin şeirlərdən bir neçəsini təqdim edirik.

 

 Qələbə soraqlı nida!

 

Nöqtəni təşvişə saldı,

Biçarə rəqib mat qaldı,

Ondan qisasını aldı,

Qələbə soraqlı nida!

 

Özünü vaxtlı yetirdi,

Mövzunu qəti bitirdi,

Qəlbə rahatlıq gətirdi,

Qələbə soraqlı nida!

 

Mükəmməl nitqə rəng qatdı,

Yağıların səsi batdı,

Uğurla məqsədə çatdı,

Qələbə soraqlı nida!

 

O, məlhəm oldu illətə,

Düşməni saldı zillətə,

Böyük rüh verdi millətə,

Qələbə soraqlı nida!

 

Heyrətləndirdi hər kəsi,

Dünyanı bürüdü səsi,

Pozacaqdır atəşkəsi,

Qələbə soraqlı nida!

 

Fuad İslamoğlu

                                        04.10.2019

 

  Şəhidlərin xatirinə...

 

İgidlər   yerindən   dursun,

Düşmənə zərbələr vursun,

Qarabağda  çadır qursun,

Şəhidlərin xatirinə.....

                 ****

Zamanı verməyək yelə,

Hamımız  verək  əl-ələ,

Sahib çıxaq doğma elə,

Şəhidlərin xatirinə.....

                  ****

Qoymayaq  qan yerdə  qalsın,

Düşmənlər bundan zövq alsın,

Ordumuz       qələbə      çalsın,

Şəhidlərin xatirinə.....

                   ****

Sonraya qalmasın qisas,

Budur, ən vacib, ən əsas,

Düşmənlərə qurduraq yas,

Şəhidlərin xatirinə.....

                    ****

Səbir olur müvəqqəti,

Artıq mövqeyimiz, qəti,

Bitirək     bu    məşəqqəti,

Şəhidlərin xatirinə.....

 

Fuad İslamoğlu

                                                                                                              27.09.2020

 

Artıq Vətənə dönməyin vaxtıdır!

 

Sinəmə çəkilib dağ Qarabağda,

Aran Qarabağda, dağ Qarabağda,

Qalmasın zəbt olmuş dağ Qarabağda,

Artıq Vətənə dönməyin vaxtıdır!

 

Uzun müddət yurd işğalda qalıbdır,

Arsız düşmən elimdə kök salıbdır,

Bu haqsızlıq səbri əldən alıbdır,

Artıq Vətənə dönməyin vaxtıdır!

 

Yağı çaş-baş qalıb, yolu tam azır,

Quyusunu bir az da dərin qazır,

Ər oğullar cəbhədə tarix yazır,

Artıq Vətənə dönməyin vaxtıdır!

 

Ali Baş Komandanın qətiyyəti,

Millətimin, ordumun həmiyyəti,

Otuzdurdu yerinə bədniyyəti,

Artıq Vətənə dönməyin vaxtıdır!

 

Açıldı buz bağlamış işin donu,

Budur, artıq çatıb düşmənin sonu,

Axıradək qovacayıq biz onu,

Artıq Vətənə dönməyin vaxtıdır!

 

Fuad İslamoğlu

07.10.2020

Qarabağ Azərbaycandır!

 

Allah bu “iş”i tez bitir,

Qələbə sevinci gətir,

Ayrılığı sona yetir,

Biri ruh, digəri candır,

Qarabağ Azərbaycandır!

 

Açılsın düyünün bağı,

Rədd olsun yurdumdan yağı,

Geri alaq Qarabağı,

Biri ruh, digəri candır,

Qarabağ Azərbaycandır!

 

Xalq dəstəkləyir İlhamı,

Bir olub bütün el, hamı,

Birlikdir verən ilhamı,

Biri ruh, digəri candır,

Qarabağ Azərbaycandır!

 

Arsız düşmənə ar olsun,

Tanrı haqlıya yar olsun,

Deyən diliniz var olsun,

“Qarabağ Azərbaycandır!”

Biri ruh, digəri candır.

 

Dəyişir dövrani-gərdiş,

Çünki “iş”imiz düz bir “iş”,

Ağızlarda olsun vərdiş,

Biri ruh, digəri candır,

Qarabağ Azərbaycandır!

 

Hamı səs versin haqq səsə,

Qoymayaq ki, bu səs kəsə,

Bəyan eyləyək hər kəsə,

Biri ruh, digəri candır,

Qarabağ Azərbaycandır!

   Fuad İslamoğlu

 

                             

 

 


Etiket:

Strategiya.az

Xəbərlər
28.07.2021

Azərbaycan MN: Ermənistan atəşkəs rejiminin tələblərinə əməl etmir

28.07.2021

Mustafa Şentopla Ceyhun Bayramov görüş keçirib

28.07.2021

Tələbə təhsil kreditini 10 ilə qaytara bilər

28.07.2021

Mustafa Şəntop: Şuşa Bəyannaməsi Azərbaycan-Türkiyə əlaqələri üçün çox əhəmiyyətlidir

28.07.2021

Ərazi bütövlüyümüzə qarşı atılacaq hər hansı addımlar qətiyyətlə cavablandırılacaq - XİN

28.07.2021

Kəlbəcər istiqamətində gərginlik davam edir - MN

24.07.2021

“Qənərçay” qum-çınqıl yatağı hərrac qaydasında istifadəyə verilib

24.07.2021

Hazırda Ermənistan-Azərbaycan dövlət sərhədinin Kəlbəcər sahəsində vəziyyət sabitdir - MN

24.07.2021

Son 24 saatda dünyada koronavirusa 573 mindən çox yoluxma qeydə alınıb

24.07.2021

Bölmələrimiz tərəfindən havaya heç bir PUA qaldırılmayıb 

23.07.2021

Azərbaycan Respublikası Prezidentinin Sərəncamı

23.07.2021

“Ltv 7” kanalının direktoru və bir neçə əməkdaşı barəsində cinayət işi başlanılıb

23.07.2021

Jerom Lamber: Qarabağ müharibəsinin əsas səbəblərindən biri Minsk qrupunun diplomatik uğursuzluğudur

23.07.2021

Prezident İlham Əliyev: Bu gün Ermənistanın siyasi gündəliyini müəyyən dərəcədə biz formalaşdırırıq və bu, həqiqətdir

23.07.2021

Prezident İlham Əliyev: Müharibədən ən çox əziyyət çəkən ölkə Azərbaycandır, amma pulu Ermənistana verirlər

22.07.2021

Rezidenturaya qəbul imtahanının 1-ci mərhələsinin 2-ci cəhdində iştirak etmək üçün qeydiyyat başa çatır

22.07.2021

22 iyul Azərbaycanda Milli Mətbuat Günüdür

22.07.2021

Prezident İlham Əliyevin adından Kəlbəcərdə şəhid olmuş jurnalistlərin ailələrinə mənzil sənədləri təqdim edildi

20.07.2021

Toya dəvət edilən qonaqlar içərisində koronavirus xəstəsi aşkarlandı 

20.07.2021

Qurban bayramı ilə əlaqədar bayram namazı qılınıb

20.07.2021

“Azeri Light” neftinin bir bareli 69,33 dollara satılır

20.07.2021

Zərdabda karantin qaydalarının pozulduğu toy məclisləri aşkarlanıb

20.07.2021

Birinci vitse-prezident Mehriban Əliyeva Qurban bayramı münasibətilə xalqımızı təbrik edib

20.07.2021

Ermənistan XİN-in Azərbaycanı tarix və ərazi iddialarında ittiham edən açıqlaması növbəti cəfəngiyyatdır

20.07.2021

Naxçıvan istiqamətində mövqelərimiz atəşə tutulub, hərbi qulluqçumuz yaralanıb

16.07.2021

Ermənistan Naxçıvanda Azərbaycan Ordusunun mövqelərini atəşə tutub

16.07.2021

Şuşa Şəhəri Dövlət Qoruğu İdarəsinin İdarə Heyətinə sədr təyin edilib - SƏRƏNCAM

16.07.2021

Rusiya ilə Azərbaycan arasında sığorta Memorandumu imzalanıb

16.07.2021

Vətən Müharibəsi Qəhrəmanları üçün nəzərdə tutulan güzəştlər məlum olub - SİYAHI

16.07.2021

Ağdamda növbəti yeni hərbi hissənin açılışı olub

15.07.2021

Prezident İlham Əliyev Türkiyədə 15 iyul dövlət çevrilişi cəhdinin beşinci ildönümü ilə bağlı Ərdoğana məktub ünvanlayıb

15.07.2021

Nəqliyyat, Rabitə və Yüksək Texnologiyalar üzrə İşçi Qrupunun növbəti iclası keçirilib

15.07.2021

Səfirlik Azərbaycan vətəndaşlarını qısa zamanda Rusiya ərazisində hüquqi vəziyyətlərini tənzimləməyə çağırıb

15.07.2021

Prezident İlham Əliyevdən Ermənistana xəbərdarlıq: Sonra gec ola bilər

15.07.2021

Şükürbəyli-Cəbrayıl-Hadrut avtomobil yolunun tikintisi davam etdirilir

15.07.2021

Azərbaycan Ordusunun Şuşa ətrafındakı mövqeləri atəşə tutulub

13.07.2021

Leyla Abdullayeva: Azərbaycanın beynəlxalq sərhədləri çərçivəsindəki ərazisinə edilən hər hansı səfər Ermənistan tərəfindən şərh belə oluna bilməz

13.07.2021

İlin ikinci yarısında qlobal neft tələbatı sutkada 4,6 milyon barel artacaq

13.07.2021

Azərbaycana gələn 31 nəfərdə "Delta" ştammı aşkarlanıb

13.07.2021

Prezident İlham Əliyev-Qlobal səhiyyə böhranı fonunda “peyvənd millətçiliyi” narahatlıq doğurur

13.07.2021

COVID-19 sertifikatları artıq “myGov”da

13.07.2021

Prezident İlham Əliyev Rusiya Federasiyasının Baş nazirinin müavinini qəbul edib

13.07.2021

Hərbi qulluqçunun özünü öldürməsi ilə bağlı cinayət işi açıldı

13.07.2021

HEYDƏR ƏLİYEV - YENİ MİLLİ İNTİBAHIN VƏ MÜSTƏQİL DÖVLƏTÇİLİYİN ƏSASINI QOYMUŞ TARİXİ LİDER

11.07.2021

İtkin düşən daha bir hərbi qulluqçunun şəhid olduğu müəyyənləşdi - Hərbi Prokurorluq

10.07.2021

DİN narkotikə qarşı təbliğat üçün vətəndaşlara müraciət edib

10.07.2021

Ermənistan Gədəbəy istiqamətində mövqelərimizi atəşə tutub - MN

10.07.2021

Azərbaycan neftinin qiyməti 77 dollara çatır

09.07.2021

Qəbul imtahanlarında bu suallar salınmayacaq 

09.07.2021

Qubadlı və Laçın rayonlarında Dövlət Sərhəd Xidmətinin iki yeni hərbi hissəsi xidməti istifadəyə verilib