09:38 07 Dekabr 2017
2177 dəfə oxunub
Çap versiyası
...

Külәk әsir... üşüyür yenә daş-divar,
Sәkilәrin üstünә düşür damcılar,
Küçәlәrdәn tәlәsik keçib gedirlәr,
Sәni xatırlayıram, qәlbimdә kәdәr –
Biz dә belә gedәrdik,
Külәkli havalarda, yağışlı havalarda.

Külәk әsir, titrәyir qapı-pәncәrә,
Yağış yağır... şırhaşır düşür şәhәrә,
Dalda yerә çәkilir bir qız, bir oğlan
Qorxub yağışdan.
Biz dә belә edәrdik,
Külәkli havalarda, yağışlı havalarda.

Külәk әsir... sevdiyin mahnını çalır,
Yağış yağır, o vaxtı yadıma salır.
Bir qız keçir sәn geyәn jaketdә bu dәm,
Duman çökmüş şüşәdәn onu görürәm,
Sәni görmürәm...
Külәkli havalarda, yağışlı havalarda.

Külәk әsir, közәrir odum, yanıram,
Yağış yağır, gözümdәn yağır sanıram,
Sәni, sәni axtarır, sәni gәzirәm.
Başqa vaxtı hicrinә bir cür dözürәm,
Ancaq dözә bilmirәm
Külәkli havalarda, yağışlı havalarda.

QABİL - "Küləkli havalarda, yağışlı havalarda"
1961

"Əsərlər" külliyyatı, 2-ci cild, səh.266


Şərh yaz




Enter Code*:

Son xəbərlər
Saqqallı uşaq
10:25 29.11/2017
 
Xəbər başlıqları
22-02-2018
22.02.2018 Bakıda yanğın
21-02-2018
21.02.2018 Sabahın havası
21.02.2018 Neftin qiyməti

Bütün xəbərlər

 
© 2012 Strategiya.az
Proqramlaşdırma: Encoder.Az
2.0227 san