YAZ
10:35 08 Fevral 2017
3648 dəfə oxunub
Çap versiyası

 

Bu eşqin başına tac qoyan mənəm,

Sevgi atəşiylə dağlanıb sinəm.

Cəngi havasına əlimdə qələm

Çırpınıb, çırpınıb səngiyər bir az –

Yaz, mənim ömrümə xatirələr yaz!

Bu qədər sərt olma, daş-qaya olma,

Ürəyə yaxın ol, sığın soluma.

Bir az mehriban ol, girib qoluma

Gedişin donduran, üşüdən ayaz –

Yaz, mənim ömrümə xatirələr yaz!

Mən daşa, divara yazdım adını,

Arzu məkanımın xoşbəxt qadını.

Sən heç bildinmi həsrət dadını –

Şirinmi, acımı, nədir bu məcaz??

Yaz, mənim ömrümə xatirələr yaz!

İncidib, incidib ağlatma məni,

Çiçəklər bəzəyər çölü, çəməni...

Sən könül bağımın al yasəməni

Gözəl gözəl olur eyləyəndə naz –

Yaz, mənim ömrümə xatirələr yaz!

Mən nələr çəkdiyim bilməz çoxusu,

Ətrin çiçək ətri, bir gül qoxusu.

Ey mənim ömrümün şirin yuxusu

Laylaya bənzəyən səsin xoş avaz –

Yaz, mənim ömrümə xatirələr yaz!

Ənvərin könlünə bil, xal salmısan!

Tanrının verdiyi canı almısan.

Ey mələk, söylə harda qalmısan??

Qocaldım mən daha, saçlarım bəyaz –

Yaz, mənim ömrümə xatirələr yaz!


Müəllifin digər yazıları

Şərh yaz




Enter Code*:

Son xəbərlər
 
Xəbər başlıqları
21-06-2018
21.06.2018 Neft ucuzlaşıb
21.06.2018 Bakıda yanğın
20-06-2018
20.06.2018 Yay gəlir...

Bütün xəbərlər

 
© 2012 Strategiya.az
Proqramlaşdırma: Encoder.Az
1.9631 san