Bu qurumdan imtina etməyin vaxtı çatıb - VİDEO

Azərbaycana qarşı daim qərəzli və düşmən mövqeyi ilə tanınan Avropa Şurasının baş katibi Turbyern Yaqland yenə öz ampluasındadır. Bu dəfə o, Avropa Şurası ölkələrinin səfirləri ilə görüşündə Azərbaycanı qurumdan uzaqlaşdırmaq hədəsi ilə çıxış edib. Səbəb kimi isə Avropa İnsan Hüquqları Məhkəməsinin qərarının icra edilməməsini göstərib. Halbuki, bu məhkəməninin 10 mindən artıq qəraraı Avropa Şurasının müxtəlif ölkələri tərəfindən icra olunmayıb. Avropa Şurasının özünün minlərlə qərarı hələ də kağız üzərində qalıb.

Turbyern Yaqland adı Azərbaycan ictimayəti üçün heç də yad deyil. Bir sıra qərb dairələrində Azərbaycan əleyhinə aparılan kampaniyalarda, qarayaxma və böhtan hesabtlarında bu şəxs hər zaman canfəlşanlığı ilə seçilib. İndi də onun Avropa Şurasının siyasi məhbus kimi qələmə verdiyi İlqar Məmədovun azadlığa buraxılması ilə bağlı qərarının icra olunmamasına görə Azərbaycana qarşı misli görünməmiş hüquqi praseduralara çağırması əslində təccüb doğurmur. Bu Azərbaycanın Avropa Şurasında daim məruz qaldığı ikili standartın növbəti nümunəsidir.

Artıq bu bir faktdır ki, Avropa Şurası da daxil olmaqla bir sıra qərb daiərələrində anti islam təmayüllü qüvvələr güclənməkdədir. Bu mənfi tendensiya get gedə güclənir. Bunu həm keçirilən seçkilərin nəticələrindən, həm də miqrantlara münasibətdə aydın görmək olur. Belə olan halda Azərbaycan kimi müstəqil siyasət yürüdən müsəlman ölkəsinin inikişafı, nüfuzunu artırması onları heç cür qane etmir.

Yaqland tərəfindən məsələnin bu qədər sərt qoyulmasına əks prizmadan baxmağa ehtiyac var. Nəzərə almaq lazımdır ki, Azərbaycan artıq 16 ildir ki, guya əsası iş insan hüqüqlarının müdafiəsi olan bu təşkilata üzvdür. Hələ 2001-ci ildə Azərbaycan Avropa Şurasına üzv olan zaman bu qurumdan əsasən iki məsələ ilə bağlı gözləntiləri vardı. Birincisi Ermənistanın işğalçı siyasəti nəticəsində bir milyondan artıq qaçqın və məcburi köçkünlərin pozulmuş hüquqlarının bərpası, ikincisi isə demokratik islahatların aparılması vətəndaş cəmiyyəti institunun formalaşmasında təcrübə və fikir mübadiləsi. Bəs nəticə nə oldu? Ermənistanın işğalı nəticəsində hüquqları pozulmuş vətəndaşlarlarla bağlı Avropa Şurası bu günə qədər bir dənə də olsun tutarlı addım atmayıb. Əksinə hətta bəzi məsələlərdə erməni pərəst Yaqland kimi insanların simasında Azərbaycanın özü ittihamlara məruz qalıb. Digər tərəfdən Azərbaycan daim demokratiya yoluna sadiq olduğunu bəyan edib və bu məsələdə Avropa Şurası ilə əməkdaşlığa hazır olduğunu vurğulayıb. Avropa Şurası isə Andres Herkel, Andreas Qros, Kristofer Ştraser kimi qərəzli şəxslərin sifarişli montiorinq və hesabatları ilə bu əməkdaşlığa təsir və təziq vasitəsi kimi baxıb. Belə olan halda Avropa Şurasına üzvlüyün Azərbaycana faydası nədir.

Görünən odur ki, Avropa Şurası Azərbaycana daim təziq etmək, inkişafını əngəlləməkdən başqa heç bir iş görmür. İndiyədək Azərbaycana heç bir faydası toxunmayan bu quruma üzv olmağa nə ehtiyac var. Azərbaycan müstəqil siyasət yeridən, özünün enerji və ərzaq təhlükəsizliyini təmin edən öz ayaqları üstündə duran və öz iqtisadi və intelekt potensialı ilə inkişaf edən regionun ən güclü dövlətidir. Ölkəmiz onsuz da lazımi dövlətlərlə ikili kontekstdə öz bərabərhüquqlu əməkdaşlığını qurur. Avropa Şurasına gəldikdə isə bu qurum cənubi qafqaz kimi starteji bir regionda söz sahibi olan tərəfdaşını və maraqlarının təminatını itirir.