“Yeni Azərbaycanın yeni baharları” - Video, Foto

11:37 / 07.06.2014

Mingəçevirdə orjinal layihə: “Yeni Azərbaycanın yeni baharları”

1 iyun Uşaqların Beynəlxalq Müdafiəsi Günü ərəfəsində Mingəçevir şəhərində fəaliyyət göstərən Ailələrə Sosial Dayaq İctimai Birliyinin nəzdindəki “Qaranquş-Yeni nəsil” Asudə Zaman Mərkəzi ölkəmizdə ilk dəfə olaraq fərqli bir layihəyə start verib.Layihə Görkəmli Azərbaycan yazıçısı,pedaqoqu və ailimi Mir Cəlal Paşayevin qələmə aldığı “Bir gəncin manifesti” əsəri əsasında formalaşdırılıb.Belə ki “Qaranquş-Yeni nəsil” Asudə zaman Mərkəzinin üzvləri əsərin qəhrəmanı olan Baharın nakam qalan arzularını reallaşdırmağı qarşılarına əsas məqsəd qoyublar.Bu ideyadan irəli gələrək Ailələrə Sosial Dayaq İctimai Birliyi layihəni “Yeni Azərbaycanın yeni baharları” adı ilə təqdimat edib.Bayram tədbiri qismində reallaşan mərasimdə Mingəçevir şəhər Bələdiyyəsinin və şəhər ictimaiyyətinin nümayəndələri,qeyri -hökumət təşkilatlarının rəhbərləri və üzvüləri,media təmsilçiləri,o cümlədən uşaqlar iştirak edib.Öncə Mərkəzinin rəhbəri Mətanət Yusifova qonaqları salamlayıb və layihə haqqında ətraflı məlumat verib.Bildirilib ki, “Yeni Azərbaycanın yeni baharları” adlı layihənin əsas məqsədi valideyn himayəsindən məhrum,fiziki qüsurlu və istedadlı uşaqların kitaba,xüsusən milli-mənəvi dəyərlərimizin əks olunduğu əsərlərə olan marağını artırmaq və oxu vərdişləri aşılamaqdır.Daha sonra Mərkəzin uşaqlarla birgə təşkil etdiyi bayram tədbirinə başlanılıb. “Yeni Azərbaycanın yeni baharları”bir-birindən gözəl musiqi nömrələri və şeirlərlə çıxış ediblər.Əqli və fiziki qüsuru olan uşaqların təqdim etdikləri milli və xarici rəqslər qonaqların böyük marağına səbəb olub.Həm rəsmi qonaqlar,həm də valideynlər Mir Cəlal Paşayev kimi görkəmli bir yazıçının həyat və yaradıcılığının uşaqlara aşılanmasını və onun timsalında digər yazarların əsərlərinə marağın oyadılımasını informasiya əsrində çox mühüm bir addım kimi dəyərləndriliblər.Qeyd edək ki,Ailələrə Sosial Dayaq İctimai Birliyi bölgədə ilk dəfə olaraq yaratdığı bu mərkəzin xidmətlərindən yararlanan uşaqlara təlim-tərbiyə ilə yanaşı,musiqi,rəsm,idman və psixoloji dərslər də keçilir.O cümlədən Ailələrə Sosial Dayaq İctimai Birliyi valideyinlərlə uşaqların gələcəkdə şəxsiyyət kimi formalaşmasına kömək məqsədi ilə“Bir gəncin manifesti” əsəri ilə bərabər tərbiyəvi və əxlaqi mövzuda yazılan digər əsərlərin oxusunu və müzakirəsini təşkil etməyi də planlaşdırır.

“Yeni Azərbaycanın yeni baharları” - Video, Foto

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə