Mobil nömrələr hansı qiymətə olmalıdır?

15:01 / 23.06.2014

Paşa Səfərov

Vəkil, hüquqşünas-ekspert

Son zamanlar ölkəmizdə fəaliyyət göstərən özəl operatorlar onlara məxsus idenfikasiya modulu olan sim kartlar vasitəsi ilə daşınan və istifadə olunan nömrələrin qeyri-sabit və olduqca yüksək qiymətə satılmasına dair faktlar mövcuddur. Hətta bəzi operatorlar bu nömrələrin satışını kütləvi şəkildə nəzərdə tutaraq konkret qiymət qoyulmaqla özlərinə məxsus electron səhifələrdə yerləşdirərək fiziki və hüquqi şəxslərə satış təklif etməkdədirlər. Bu nömrələr müəyyən kriteriyalara (məsələn, bir rəqəmin ardıcıl olaraq 2, 3, 4 və s. dəfə təkrarlanması, sonu qoşa rəqəmlərlə bitməsi və s.) görə qiymətləndirirlər.

Bu hala aydınlıq gətirmək üçün hüquqşünas ekspert Paşa Səfərov bildirib ki, ölkədaxili qanunvericiliyə nəzər yetirsək görərik ki, Azərbaycan Respublikası Nazirlər Kabinetinin 2005-ci il 28 sentyabr tarixli, 178 saylı qərarı ilə təsdiq edilmiş “Qiymətləri (tarifləri) övlət tərəfindən tənzimlənən malların (işlərin, xidmətlərin)” siyahısında telefon rabitəsi üçün nəzərdə tutulmuş nömrələr yer almamışdır.

Məhz özəl operatorlar tərəfindən idenfikasiya modulu olan sim kartlar vasitəsi ilə daşınan nömrələr dövlət tərəfindən qiyməti tənzimlənən mal olmadığından onlar tərəfindən əgər bu hüquq özəl operator tərəfindən qarşılıqlı müqavilə əsasında sahibkarlıq fəaliyyəti həyata keçirən şəxsə verilmişsə, o zaman həmin şəxs tərəfindən qiymətləndirilir və istənilən qiymətə bazara çıxarılaraq alıcılara təklif olunur.

Özəl sektordan fərqli olaraq dövlət sektorunda bu qayda tənzimlənmişdir. Belə ki, Rabitə və Yüksək Texnologiyalar Nazirliyinin 218 saylı 27 dekabr 2013-cü il tarixli əmri ilə təsdiq edilmiş “Telefon rabitəsi xidmətləri üçün tariflər” 21.1-ci bəndinə görə, telefon nömrəsinin son dörd rəqəmi eyni olduğu halda (“AAAA”) 100, 21.2-ci bəndinə görə, telefon nömrəsinin son dör rəqəmindən iki və ya üç rəqəmi eyni olduğu halda (“AABB, ABAB, ABBA, AAAB, BAAA”) 50 manat tarif müəyyən edilmişdir.

Hesab edirik ki, özəl operatorlar tərəfindən onlara məxsus nömrələrin müəyyyən kriteriayalar əsas götürülməklə istənilən qiymətə qiymətləndirilməsi doğru deyil və bu mövcud vəziyyət istehlakçıların hüquqlarını məhdudlaşdırmış olur. Belə ki, istehlakçı seçdiyi nömrəni almağa imkanının olmaması onun azad alıcı hüququnu məhdudlaşdırır.

Yaxşı olardı ki, dövlət operatorlarında olduğu kimi özəl operatorlarda da belə bir hüquqi akt qəbul olunmalı və həmin nömrələr üçün konkret qiymət müəyyən olunmalıdır.

Etiket:

Strategiya.az

Müəllifin digər yazıları

09:09 / 03.01.19

“Benjamin Battonun sirli hekayəsi”

13:32 / 27.02.18

“İcbari sığortalar haqqında” Qanunun vərəsəlik hüququnu məhdudlaşdırması Konstitusiyaya zidd hesab olunmalıdır