“AZƏRKİTAB” BİR YAŞINI QEYD ETDİ

11:43 / 10.05.2018

Dünən Azərbaycanda ən böyük kitab mərkəzi olan Azərkitab KitabTəbliğatı Mərkəzi özunün bir yaşını qeyd etdi. Ümummilli liderimiz, Ulu öndər Heydər Əliyevin doğum günündə, onun şərəfinə yaradılmış bu kitab müəssisəsi elə Ulu öndərin anadan olmasının 95-ci ildönümündə də özünün bir yaşını qeyd etdi.

Yasamal rayonu füsünkar guşəsində yerləşən Mərkəzin bayram törəninin açılışına ona yaxın millət vəkili, nazirlik və digər dövlət orqanlarının rəhbərləri, tanınmış yazıçılar və elm adamları toplanmışdı. Açılış mərasimində ilk çıxış edən Azərkitab Kitab Təbliği Mərkəzi"nın layihə rəhbəri Sabir Həsənov bu möhtəşəm layihənin ideya müəllifi olduğu üçün fəxr etdiyini bildirdi: - Ulu öndər deyirdi ki, hər bir elmin sirlərinə məhz kitabla, mütaliyə yolu ilə yiyələnmək olar. Azərkitabın məhz 10 may tarixində fəaliyyətə başlaması təsadüfi deyil. Ümummilli liderimiz Heydər Əliyev doğum günü ilə eyni vaxtda fəaliyyətə başlamaq bizim üçün şərəf, həm də böyük məsuliyyət idi. Hər dəfə Azərkitabın qapılarından içəri daxil olanda Ulu öndərin bu sözləri daima yadıma düşür:- "kitab ictimai sərvətdir". Onu təbliğ etmək gənclərin başlıca vəzifəsi olmalıdır. "Biz neft kapitalını insane kapitalına çevirməliyik" sözünü söyləyən prezident İlham Əliyevin siyasətini yerinə yetirmək üçün var qüvvəmizlə çalışırıq.

Millət vəkilləri Əflatun Amaşov, Aqil Abbas, Hadı Rəcəbli, Jalə Əliyeva, ziyalılardan Sabir Rüstəmxanlı, Yasamal rayonu İcra Hakimiyyətinin başçısı Əziz Əzizov və digər çıxış edən natiqlər Azərkitab Kitab Təbliğatı Mərkəzinin inkişaf etmiş ölkələr səviyyədə qurulmasından, itməkdə olan kitaba marağın bərpasında bu Mərkəzin önəmli rolundan danışdılar: Ulu öndər hər zaman çalışırdı ki, ölkəmiz təkcə kənd təsərrüfatı, sənaye respublikası kimi tanınmasın. Elmin-tərəqqinin inkişafı, möhtəşəm ixtiraların mənbəyi olan əlahəzrət KİTAB ölkəmizdə sevilməlidir. İnsanların mütaliyə həvəsi artmalıdır. Bunun üçün də inkişaf etmiş ölkələrdə olduğu kimi bizdə də kitab evlərinin olması vacibdir. Ulu öndərin ideya və tövsiyyələrini ləyaqətlə yerinə yetirdiyinə görə Azərkitab Kitab Təbliğatı Mərkəzinin layihə rəhbəri Sabir Həsənova və onun kollektivinə minnətdarlığımızı bildidirik.

Azərkitab Kitab təbliğatı mərkəzinin direktoru Misirxan Həsənov çıxış edərək ölkənin tanınmış ziyalılarının onların əməyinə verdiyi müsbət qiymətə görə minnətdarlığını bildirdi. M. Həsənov bundan sonar da yüksək əzmlə çalışacaqlarını, dövlətin onlara göstərdiyi etimadı doğruldacağına söz verdi.

Tədbir tanınmış incəsənət ustalarının rəngarəng çıxışları ilə davam etdi.

Qeyd edək ki, Azərkitabın yubleyi münasibəti ilə təşkil olunmuş kitab festifalında ölkənin 20-ə yaxın nəşyiyyatı və kitab müəssisəsi iştirak edərək yeni kitablarını oxuculara təqdim edirdilər.

“AZƏRKİTAB” BİR YAŞINI QEYD ETDİ

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə