Nuşirəvan Məhərrəmli: “Televiziyaların işi məni qane etmir“- Müsahibə

MTRŞ cizgi filimləri ilə bağlı dövlət başçısına müraciət edib


Milli Televiziya və Radio Şurasının (MTRŞ) sədri Nuşirəvan Məhərrəmli AzNews.az-a müsahibə verib. 

- Azərbaycanda televiziya və radio sahəsinin ötən ilki işini necə qiymərləndirirsiz? 


-2013-cü ildə Azərbaycanda televiziya və radio sahəsində texniki və kəmiyyət baxımından mühüm dəyişikliklər oldu. Amma keyfiyyət baxımından bir o qədər dəyişiklik baş vermədi. Təssüf ki, 2013-cü ildə də Azərbaycanda televiziya və radio kanallarının işində kefiyyət baxımından dəyişikliklər olmadı. Ona görə də, hazırda Azərbaycanda televiziya və radio kanallarının işi məni qane etmir. 

-Mövcud vəziyyətin yaranması səbəbi nədir? 


-Radio və televiziya kanallarında verlişlərin məzmunu, kadrların peşəkarlıq problemi təəssüf ki, qalmaqdadır. Ümumiyyətlə, Şura Azərbaycanda televiziya və radio kanallarının yaradıcılıq işinə müdaxilə edə bilməz. Qanunvericilik buna imkan vermir. Təbii ki, Şura Azərbaycanda televiziya və radio sahəsində dövlət siyasətini həyata keçirən bir orqan kimi bu məsələ ilə bağlı daim öz tövsiyələrini verir. Biz məhsul şəxsləri bu məsələdə diqqətli olmağa çağırırıq. 

-Azərbaycanda televiziya kanallarında yayımlanan xarici filimlərin tərcüməsi sizi qane edirmi? 

-Artıq xarici filimlərin Azərbaycanda yayımlanması ilə bağlı vəziyyət bir qədər dəyişib. Hazırda Azərbaycanda seriallar çəkilməkdədir və bu sahədə xeyli işlər görülüb. Televiziya kanallarında həyatı, bədii və sənədli filimlər dubliyaj olunur. Amma dubliyaj məsələsində də hər bir kanal fərdi qaydada fəliyyət göstərir. Bu da bəzən filimlərin dubliyajında nöqsanlara gətirib çıxarır. Bəzi televiziya kanallarında yayımlanan xarici filimlər iki-üç adamın səsi ilə tamaşaçıya təqdim olunur. 

Bu da xoşa gələn hal deyil. Bu il də çalışacağıq ki, Azərbaycanda televiziya və radio kanallarında dubliyaj və digər sahələrdə mövcud olan problemlər aradan qaldıraq. İstəyirik ki, kanallarda Azərbaycan ədəbi dilinin qaydaları hər zaman qorunsun, gözlənilsin. Efirə çıxarılan tamaşalar, filimlər ən azından tamaşaçıların rəğbətini qazanmalıdır. 

-Nüşirəvan müəllim, milli seriallardan danışdız. Bilmək istərdik, hazırda bu sahədə işləri necə dəyərləndirirsiz? 


-Ölkə başçısının serialların çəkilişi üçün ayırdığı vəsait artıq hissə-hisə televiziya kanallarına ödənilir. Hazırda Azərbaycan televiziya kanallarında çoxsaylı seriallar yayımlanmaqdadır. Təkcə 2013-cü ildə Şuranın verdiyi vəsaitlər hesabına 15-dən çox seriallar çəkilib. Bunlar kəmiyyət baxımından bizi qane etsə də təəssüf ki, serialların keyfiyyəti bizi qane etmir. 

Ona görə seralların çəkilişinin daha keyfiyyətli aparılması üçün görüləsi işlər çoxdur. Bu il serialların daha keyfiyyətli aparılması üçün telivizya kanallarının məhsul şəxsləri ilə ayrıca görüşümüz olacaq. Əvvələr televiziya kanalları serialların keyfiyyətli çəkilişi üçün maliyyə vəsaitlərindən şikayətlənirdilərsə hazırda isə bu problem aradan qaxıb. Biz isə onlardan daha keyfiyyətli serialların ortaya çıxarmalarını gözləyirik. 

-Bəs cizgi filimlərin çəkilişi ilə bağlı məsələ hansı mərhələdədir? 


-Cizgi filimlərinin çəkilişi bütün dünyada özəl şirkətlərin fəaliyyət sahəsidir. Dövlət bu məsələni öz üzərinə götürmür. Biz çox istərdik ki, uşaqlara cizgi filimlərinin hazırlanması da dövlətin diqqətində olsun. Çünki ölkədə cizgi filimləri ilə bağlı vəziyyət bir o qədər də ürəkaçan səviyyədə deyil. Biz bununla bağlı ölkə başçısı İlham Əliyevə də müraciət etmişik.

Əlbəttə, cizgi filmlərinin çəkilişi üçün kadrların hazırlanması və həm də maliyyə vəsaiti ayrılsaydı çox yaxşı olardı. Hazırda bizim uşaqlar xarici çizgi filmlərinə baxırllar. Biz seriallarla bərabər, bu məsələnin də həllinə çalışırıq. Çox istəyirik ki, cizgi filmlərinin çəkilişi üçün də vəsaitlər ayrılsın. 

-Azərbaycanda rəqəmsal yayıma bu il keçid tam başa çatacaqmı? 


-Azərbaycanda rəqəmsal yayıma keçid üçün ölkədə əsas işlər görülüb. Artıq insanlar rəqamsal vasitəsi ilə telviziya imklanlarını genişləndirirlər. Bununla bərabər ölkədə analoq yayım da davam etdirilir. Əhali rəqəmsal yayıma keçidə tədricən alışmalıdır. 2014-cü il ərzində Azərbaycanda rəqəmsal yayıma keçid tam başa çatacaq. Amma biz istərdik ki, insanlar tam rəqəmsal yayıma keçid üçün dekoder, riskiver, kinerlər deyilən aparat alsınlar. 

Bu prosses 2014-cü ildə başa çatacaq. Biz vətəndaşlarımızın bunu daha tez həyata keçirməsini istəyirik ki, analoq yayım dayandırılanda hər hansısa problem ortaya çıxmasın. 

-Ölkədə rəqəmsal yayıma tam keçid üçün imkansız vətəndaşlara güzəştlərin olunacağı ilə bağlı məlumat yayılıb. Xahiş edirik buna da aydınlıq gətirəsiniz? 


-Təəssüf ki, Azərbaycanda rəqəmsal yayıma keçidlə bağlı qeyri müəyyənliklər ortaya çıxır. KİV-lər sosial paket deyilən anlayış ortalığa atıblar. Əslində dövlət yalnız yerli kanallar üçün məhsuliyyət daşıyır. Azərbaycanda isə ümumrespublika televiziya kanallarının sayı cəmi 10-a yaxındır və bunu pulsuz olaraq əhaliyə yayımlayırıq. O ki, qaldı xarici kanallarla bağlı, bunların yayımlanmasında dövlətin hər hansısa bir öhdəliyi yoxdur. 

Dövlət öz hesabına xarici kanalları ölkədə yayımlamasınına dair öhdəlik götürməyib. Ona görə də bəzən mətbuatda dövləti bu məslədə günahlandırırlar. Xarici kanalların yayımı ilə ancaq özəl şirkətlər, kabel televiziyaları məşğul ola bilərlər. Xarici kanallar peyk antenaları vasitəsilə istənilən adam tərəfindən izlənilə bilər. Amma dövlət yalnız yerli kanallarla bağlı məsələni gündəmdə saxlayır və onu da həyata keçirir.