DİQQƏT! Qaz balonlarından yalnız burada istifadə edə bilərsiniz – VİDEO

20:54 / 02.06.2018

Qaz balonlarının istifadəsi qanunla qadağan olunmasa da, bəzi məkanlarda istifadəsi yolverilməzdir.

ARB TV xəbər verir ki, 2 mərtəbəli binalardan hündür olan yaşayış məntəqələrində maye qaz balonlarından istifadə qəti qadağandır.

Qaz balonları qaz cihazına şlanqla birləşdirilməli və bir hissədən ibarət olmaqla onun uzunluğu 10 metrdən artıq olmamalıdır. Qaz balonlarının istifadəsinə olan bu göstərişə nə dərəcədə əməl olunur? Ümumiyyətlə əməl olunurmu?

Adil Əliyev – Qaz istismarı idarəsinin təhlükəsizlik texnikası üzrə mühəndisi:

“Qaz balonlarından istifadə edən istifadəçilər bilməlidir ki, 2 mərtəbəli binalardan hündür olan yaşayış məntəqələrində maye qaz balonlarının yerləşdirilməsi qəti qadağandır. Balon qaz cihazına şlanqla birləşdirilməli və bir hissədən ibarət olmaqla onun uzunluğu 10 metrdən artıq olmamalıdır. Xüsusi yer seçilməli və dəyişdirilməsi zamanı elektrik cihazlarından və istilik mənbələrindən kənara həyata keçirilməlidir”.

Bu gün istər məişətdə, istərsə də kafe və restoranlarda maye qaz balonlarından istifadə adi hal alıb. Əksəriyyət qaz balonlarının quraşdırılması və təhlükəsiz istifadə qaydalarına əməl etmir ki, bu da qaz sızmasına, bəzi hallarda isə partlayış və yanğına səbəb olur.

Hüseynağa Əliyev – Sakin: “Yeməkxanada işlədirsə, evdə işlədirsə insan özünü fikirləşməməlidir. Onun ətrafındakılar əgər partlayış hadisəsi varsa bundan xəsarət ala bilərlər”.

Atakişi Abbasov – Sakin: “Reduktorla balon arasında prokladka olur. O prokladka gərək hər zapravka eləyəndə onu dəyişəsən, təzəsini qoyasan. Köhnə olanda orada sızma əmələ gəlir. Partlayış da ondan əmələ gəlir”.

Möhübbət Quliyev – Sakin: “Birinci növbədə o qaz balonu qazı saxlayan tutum keyfiyyətli olmalıdır. Hər hansı bir həcmə, hər hansı bir partlayışa dözümlü olmalıdır”.

Satılan və istifadə olunan qaz balonlarının keyfiyyəti də sual altındadır.

Samir Kərimov - FHN Dövlət Yanğın Nəzarəti Xidmətinin şöbə müdiri:

“Maye qaz balonlarının xüsusi laboratoriyada sınaqları keçirilməlidir və vintillər sınaqdan keçdikdən sonra laboratoriya tərəfindən onun istifadəsinə icazə verilir. Fərdi yaşayış ev sahibləri və sahibkarlar tərəfindən onların istifadəsi tam qadağan edilir. Müxtəlif özəl obyektlədə də maye qaz balonlarının istifadəsi tövsiyyə olunmur”.

Mütəxəssislər həyəcan təbili çalır. Maye qaz balonlarının təhlükəsizliyinə təminat verən və qaz təchizatına nəzarət edən xüsusi qurumun yardılmasına ehtiyac var.

https://www.youtube.com/watch?v=q9Th6UO7y5k&t=21s

DİQQƏT! Qaz balonlarından yalnız burada istifadə edə bilərsiniz – VİDEO

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə