İyunda Müdafiə Nazirliyi tərəfindən ictimaiyyətlə əlaqələr sahəsində 40-dək tədbir keçirilib

11:11 / 10.07.2018

yunda Müdafiə Nazirliyi tərəfindən dövlət, yerli və xarici qeyri-hökumət təşkilatları, icra hakimiyyəti strukturları, təhsil müəssisələri, ictimai qurumlar ilə birgə bir sıra tədbir və layihələr həyata keçirilib. Eləcə də müxtəlif televiziya kanallarının və informasiya agentliklərinin nümayəndələrinin cəbhəboyu zonaya səfərləri təşkil olunub.

Müdafiə Nazirliyinin mətbuat xidmətindən bildiriblər ki, ay ərzində nazirliyin təşkilatçılığı ilə Kəlbəcər, Xocavənd, Beyləqan, Qusar, Füzuli, Şəmkir, Gədəbəy, Goranboy, Qazax, Tovuz, Bərdə, Tərtər, Göyçay, Bakının Nəsimi, Suraxanı rayonlarının, o cümlədən Gəncə Şəhər İcra hakimiyyətləri ilə birgə cəbhə bölgələri də daxil olmaqla müxtəlif hərbi hissələrdə, həmçinin xüsusi təyinatlı hərbi təhsil müəssisələrində, Həzi Aslanov adına Mərkəzi, Gəncə Qarnizonu zabitlər evlərində, Hərb Tarixi Muzeyində, Respublika Veteranlar Təşkilatında hərbi-vətənpərvərlik mövzusunda 40-dək tədbir keçirilib.

Azərbaycan Xalq Cümhuriyyətinin və Azərbaycan Ordusunun yaradılmasının 100 illiyi, Milli Qurtuluş Günü münasibətilə keçirilən müxtəlif tədbirlərdə, eləcə də Milli qəhrəmanlarımızın, şəhidlərimizin əziz xatirələrinə həsr olunan mərasimlərdə şəxsi heyət, şəhid ailələrinin üzvləri, müharibə veteranları, Milli Məclisin deputatları, ictimaiyyətin nümayəndələri, tələbələr, məktəblilər və digərləri yaxından iştirak ediblər.

Hesabat dövründə Müdafiə Nazirliyi ilə Birləşmiş Həmkarlar İttifaqının, Gənclər və İdman Nazirliyinin, Yeni Azərbaycan Partiyası Nəsimi və Suraxanı rayon təşkilatlarının, Prezident yanında Bilik Fondunun nümayəndə heyətləri, eləcə də bir sıra QHT-lərin təmsilçiləri hərbi hissələrdə şəxsi heyətlə görüşlər keçirərək hərbi qulluqçuların vəziyyəti, xidməti və sosial-məişət şəraiti, göstərilən tibbi yardım, qidalanma rejimi, onun keyfiyyəti və digər məsələlərlə yaxından tanış olublar.

Müdafiə nazirinin təsdiq etdiyi 2018-ci tədris ilinə hazırlıq planına əsasən, Beynəlxalq Qızıl Xaç Komitəsinin (BQXK) Azərbaycandakı nümayəndəliyi tərəfindən beynəlxalq humanitar hüquq üzrə seminar keçirilib. Müdafiə Nazirliyi ilə Dini Qurumlarla iş üzrə Dövlət Komitəsi tərəfindən “Hərbi vətənpərvərlik: Silahlı Qüvvələrimiz və milli-mənəvi dəyərlərimiz” mövzusunda konfrans təşkil edilib.

Kütləvi informasiya vasitələrində yayımlanması məqsədilə iyun ayında Müdafiə Nazirliyi tərəfindən 141 rəsmi məlumat, 741 foto, 30 videomaterial hazırlanıb və media nümayəndələrinin sualları cavablandırılıb.

Cəbhəboyu zonada yerləşən hərbi hissələrdə çəkilişlərin aparılması üçün Azərbaycan Televiziyasına, Xəzər, Azad Azərbaycan, CBC, ARB telekanallarına icazə məktubları verilib.

Hesabat dövründə televiziya və informasiya agentliklərinin nümayəndələri Müdafiə Nazirliyi tərəfindən təşkil edilən 20 tədbirin işıqlandırılması üçün dəvət olunublar.

İyunda Müdafiə Nazirliyi tərəfindən ictimaiyyətlə əlaqələr sahəsində 40-dək tədbir keçirilib

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə