Frankofoniya üçün qara ləkə: Paşinyanın sərsəm çıxışı

09:35 / 16.10.2018

Sülh, əməkdaşlıq və sabitliyə həsr edilmiş bir beynəlxalq tədbirin Ermənistanda keçirilməsi əsrin anlaşılmazlıqlarındandır. Çünki Cənubi Qafqazda yalnız Ermənistan regionun iki böyük dövləti ilə diplomatik münasibətlər qura bilməyib, uzun illərdir ki, bütün qonşu ölkələrə ərazi və mədəni iddialar edir, Azərbaycanın torpaqlarının 20 faizini havadarlarının yardımı ilə işğal edib və başqa böyük dövlətin forpostudur. Bunlar o deməkdir ki, Ermənistan adlı ölkə nə müstəqildir, nə suverendir, nə də sivil xarici siyasət yeridə bilir. O, satellit dövlət kimi kənardan verilən əmrlərə tabedir. Belə bir statusu olan dövlətin hansısa ciddi beynəlxalq tədbiri keçirməsi dərk edilən deyil. Bu səbəbdən Beynəlxalq Frankofoniya Təşkilatının 17-ci sammitinin tam iflasa uğradığı haqqında danışmaq olar. Zaman gələcək, avropalıların özləri deyəcəklər ki, "Frankofoniya İrəvanda öldü və Parisdə dəfn edildi". Nikol Paşinyanın da İrəvanda keçirilən 17-ci sammitdəki çıxışı, dəfn mərasimi üçün hazırlanmış nekroloq idi.

Təcavüzkarın "sülhsevərliyi": Frankofoniya ziddiyyətləri

Müasir geosiyasi proseslərdə ziddiyyətlər kifayət qədərdir. Bir neçə ildir ki, analitiklər, siyasi liderlər və ekspertlər faktiki olaraq bundan bəhs edirlər. Belə bir nəticənin çıxarılması əsassız deyil. Məsələ belədir ki, real olaraq qlobal və regional siyasətdə elə təzadlı hadisələr baş verir ki, onları sağlam məntiqlə izah etmək mümkün deyildir. Daha düşündürücüsü odur ki, həmin hadisələrin real məzmunu barədə hətta böyük dövlətlərin liderləri riyakarlıqla danışırlar. Yəni həqiqəti etiraf edib, ədalət prinsipinin tapdandığını açıq bəyan etmək əvəzinə, yalanı, haqsızı, təcavüzkarı dəstəkləməyə cəhd göstərirlər. Ermənistanda keçirilən Beynəlxalq Frankofoniya sammitində də bu mənzərə müşahidə edildi.

Öncə qeyd edək ki, dünyanın 5 fərqli qitəsində 890 milyon insanın yaşadığı, 58 dövlətin təmsil olunduğu və əsasən fransızdilli ölkələri özündə birləşdirən bu təşkilatın sammitinin Ermənistanda keçirilməsinin özü nonsensdir. Onu nəzərə almaq lazımdır ki, Frankofoniya, əslində, sülh, barış, əməkdaşlıq, dostluq, birlik kimi ülvi məqsədlərə xidmət etməlidir. Ancaq onun lideri indi də 90 min kilometrdən çox sahəsi olan müstəmləkəsi ilə Fransadırsa, hansı bərabərlikdən, insan haqlarından, sülhdən və əməkdaşlıqdan danışmaq olar?

Digər tərəfdən, ekspertlər yekdilliklə vurğulayırlar ki, Ermənistanın nə coğrafi, nə geosiyasi, nə də mədəni faktor kimi fransız dilinə heç bir aidiyyəti yoxdur. Üstəlik, Ermənistanın sülh və barışı, əməkdaşlıq və bərabərliyi öz şüarı etmiş bir təşkilatda təmsilçiliyi bir yana, 2 illik ona sədrlik etməsi müasir siyasətin paradoksal ziddiyyətlərindəndir.

Əslində, burada bir məntiq vardır. Çünki bu təşkilatda nüfuz uğrunda Kanada ilə ölüm-dirim savaşı aparan Fransanın özü yuxarıda qeyd etdiyimiz kimi hələ də koloniya saxlayır. Necə deyərlər, "oxşar oxşarına can atır". Bu qədim yunan aforizmi öz təsdiqini 17-ci Frankofoniya sammitindəki çıxışlarda, intriqalarda və yekun bəyannamədə öz əksini tapdı. Lakin bu saxtalıq, yalan və ikili standart, daha çox Ermənistanın baş naziri Nikol Paşinyanın çıxışında əks olundu.

Bu adam utanmadan cəmi bir neçə dəqiqə çəkən çıxışında dörd dəfə "birgə yaşamaq" ifadəsini işlədib. Özü də müxtəlif kontekstlərdə. O, "azad, ədalətli və həmrəyliyin olduğu" cəmiyyətdə, "ümumi rifahın hökm sürdüyü, zəngin Frankofoniya məkanında", "həmrəyliyə, humanitar dəyərlərə və müxtəlifliyə hörmətin olduğu bir məkanda", "sülh və tərəqqi regionunda" birgə yaşamaqdan dəm vurub. Reallıq isə göstərir ki, bütün bu gəlişigözəl sözlərin nə Ermənistana bir ölkə kimi, nə də N.Paşinyana bir lider kimi aidiyyəti vardır. Bunlar tamamilə əks qütblərdə qərar tutmuş varlıqlardır.

"Qoçaq uşağın" yalanları: erməni lider kimi aldadır?

Faktlara baxaq. Öz ərazisindən bütün qeyri-erməniləri, əsasən də Azərbaycan türklərini qovan bir ölkənin cəmiyyəti necə azadlığa, insan haqlarına, ədalətliliyə və həmrəyliyə nümunə ola bilər? Frankofoniya yarandığı vaxtdan 22 il sonra Ermənistan bəşəriyyətə qarşı Xocalı soyqırımı kimi dəhşətli bir cinayəti törədib. Buna baxmayaraq, Ermənistanı həm bu təşkilata üzv qəbul ediblər, üstəlik, ona sədrliyi də verirlər. Ədalət budurmu? Həmrəylik budurmu? Kimlərin həmrəyliyidir – koloniyaçıların, işğalçıların, istismarçılarınmı?

Və bu barədə işğalçı Ermənistanın baş naziri Frankofoniyanın sammitində bəhs edir. Dünyaya ağıl öyrətməyə çalışır. O deyir ki, biz (yəni ermənilər) "Frankofoniya məkanında birgə yaşamaq" ideyasına sadiqik. Onda Fransa da Ermənistanın ancaq ermənilərin yaşadığı məkan olması kimi şovinist ideyasına sadiqdir. Onda bu ölkənin Dağlıq Qarabağ münaqişəsinin həllində nə işi var? Bundan başqa, "ümumi rifahdan" dəm vuran N.Paşinyana niyə sual etmirlər: "Ermənistan hansı proqramı ilə regionun ümumi rifahına xidmət edib və edir?". İrəvan, ümumiyyətlə, bu növ proqramlar hazırlamayıb və belə görünür ki, o qabiliyyətdə də deyil. Ancaq Frankofoniyanın 58 üzvünün nümayəndələri oturub N.Paşinyanın riyakarlığını sakitcə seyr edirlər.

N.Paşinyan isə özünün haqlı olduğunu xəyal edərək həmrəyliyə, humanitar dəyərlərə və müxtəlifliyə hörmətdən danışır. Buyurun, ölkəsindən müxtəliflik yarada biləcək bütün demoqrafik və mədəni dəyərləri deportasiya edəndən sonra müxtəlifliyə "hörmət"dən danışmağın ən həyasız variantı! Ermənistanda barmaqla göstərməyə bir qeyri-erməni qalmayıb, ancaq frankofoniyaçılar erməni baş nazirin bu cəfəng sözlərini dinləyirlər, lakin etiraz etmirlər. Heç sual da verilmir ki, "bəs, siz Ermənistanda bu müxtəlifliyi necə təmin edirsiniz ki, başqa kontekstdə monomillətdən bəhs edirsiniz?".

N.Paşinyan isə zalın susduğunu görüb, səsini ucaldır: "Ekstremizm, dözümsüzlük və nifrətə qarşı birgə yaşamalıyıq"! Əcəba, bunu erməni siyasətçi deyir? Bəs, hər an türklərə və müsəlmanlara qarşı təhqiramiz ifadələr işlədən, saxta danışan, türkə nifrət yayan, adi idman yarışında belə "müsəlman zibil" ifadəsini işlədən erməni deyilmi? Və bunu eşidəndə Emmanuel Makron, Castin Trüdo, Mişel Jan, görəsən, azacıq da olsa, vicdan əzabı, xəcalət çəkdilərmi?

Burada da müqavimət görməyən N.Paşinyan xroniki psixoloji eybəcərliyini ortaya qoyur. O, Azərbaycanı Dağlıq Qarabağ münaqişəsində "ziddiyyətli mövqe" tutmaqda ittiham edir, Dağıq Qarabağ "xalqının" danışıqlarda əsas söz sahibi olması cəfəngiyatını təkrarlayır, sülh yolu ilə həldən dəm vurur və hamını "daha ədalətli və dözümlü dünya qurmağa" dəvət edir.

Erməni baş nazir çəkinmədən "yeni soyqırımların qarşısı alınsın" kimi ifadə də işlədir. Özü də fikrini əsaslandırmaq üçün BMT qətnamələrinə müraciət edir. Bunun da nə dərəcədə saxta və sərhədsiz bir iddia olduğu aydındır. Birincisi, Ermənistan istinad etməyə çalışdığı BMT-nin dörd məlum qətnaməsini uzun illərdir ki, heçə sayır, onları faktiki olaraq qəbul etmir. Həmin qətnamələrdə aydınca yazılıb ki, Ermənistan işğal etdiyi Azərbaycan torpaqlarını qeyd-şərtsiz tərk etməlidir. Buna nə fikir verən, nə də əməl edən bir ölkənin baş naziri hansı əsasla "Soyqırımı cinayətinin qarşısının alınması və cəzalandırılması haqqında" BMT Konvensiyana əməl edilməsindən danışır? Özü də bu barədə N.Paşinyan BMT TŞ-nin üzvlərindən birinin dövlət başçısının üzünə deyir. Halbuki dörd qətnamənin qəbuluna Fransa da səs verib. Bunu Fransanın öz səsini "udması" kimi qəbul edə bilərikmi?

İkincisi, Xocalı soyqırımını bütün dünyanın gözü qarşısında törətmiş bir dövlətin baş nazirinin "soyqırımlar olmasın" deməyə nə mənəvi, nə siyasi, nə də insani haqqı vardır. İşğalçı hələlik əsir saxladığı minlərlə azərbaycanlını azadlığa buraxsın, zəbt etdiyi torpaqları tərk etsin və Xocalıya görə Azərbaycan xalqından və dünyadan üzr istəsin, sonra hansısa təklif verməyi düşünsün. Bunlar olmasa, hansı məqamda olmasından və hansı tədbirdə çıxış etməsindən asılı olmayaraq, heç bir erməni siyasətçi "yeni soyqırımlar olmasın" demək haqqına sahib deyil!

Bütün bunların fonunda Frankofoniya təşkilatının 17-ci sammitinin qəbul etdiyi "Böhran vəziyyətləri, böhrandan çıxış və Frankofon ərazisində sülh quruculuğu" adlı qətnamədə münaqişələrin gücdən istifadə etməmək və hədələməmək, ərazi bütövlüyü və xalqların öz müqəddəratını təyinetmə prinsipi əsasında sülh yolu ilə həllini nəzərdə tutan danışıqlar prosesinə yenidən başlanılmasının ifadə olunmasının birbaşa Ermənistana aidiyyəti olduğu aydın görünür. Çünki həmin şərtləri pozan yalnız Ermənistandır. Helsinki Yekun Aktının müddəalarına əməl etməyən rəsmi İrəvandır.

Çox təəssüf ki, bütün bunlar Fransa prezidenti və Kanadanın baş nazirinin iştirak etdiyi tədbirdə baş verib. Görünür, onların hər ikisini Frankofoniyaya kimin liderlik etməsi məsələsi düşündürüb, N.Paşinyanı heç dinləməyiblər. Parisi Kanadanın Afrikadakı fəallığı narahat edir, Ottavanı isə Fransanın bunu qısqanclıqla qarşılaması düşündürür. Milyonlarla insan isə yüksək tribunalardan paşinyanların yalanını eşitmək məcburiyyətindədir. Bu səhnə təşkilatın baş katibi Mişel Janın "Frankofoniya ölü təşkilatdır" qənaətini tam təsdiq edir. Nikol Paşinyanın çıxışı isə ölü təşkilatın dəfn mərasimində söylənən məzmunsuz nekroloqdur!

Newtimes.az


Etiket:

Strategiya.az

Xəbərlər
22.04.2019

Şri-Lanka prezidenti ölkə ərazisində fövqəladə vəziyyət rejimi tətbiq edəcək

22.04.2019

“Formula 1” Azərbaycan Qran Prisinin bolidləri Bakıya gətirilib

22.04.2019

İşə qəbul olunmaq istəyən müəllimlərin müsahibəsinə başlanılıb

22.04.2019

Ali məktəblərə qəbul üzrə yeni onlayn sınaq imtahanına qeydiyyat başlayıb

22.04.2019

İctimai iaşə obyektlərində aparılan montironqlərin nəticələri açıqlandı - SİYAHI

22.04.2019

Problemli kreditlər üzrə kompensasiyalar üçün ilk tranş çərçivəsində AYRILAN VƏSAİT açıqlanıb

22.04.2019

Əlcəzair yığması Bakıda keçiriləcək “Böyük dəbilqə” turnirinə 14 cüdoçu ilə qatılacaq

22.04.2019

Bakıda lombardda külçə fırıldağı - Qızıl adı ilə dəmir verdi, 40 min qabağa düşdü

22.04.2019

Yaponiyanın Baş nazirinin Avropa ölkələrinə, ABŞ-a və Kanadaya səfəri başlayıb

22.04.2019

"Qəbələ"də ciddi itki -"Qarabağ"la oyunları buraxacaq

22.04.2019

Yollarda təhlükə səbəbi - Rayonlara işləyən qanunsuz taksilər – VİDEO

22.04.2019

Sabah intensiv yağış gözlənilir

22.04.2019

Maydakı hərraca 19 səhmdar cəmiyyətinin dövlətə məxsus səhm paketləri çıxarılıb

22.04.2019

4 təhlükəli terrorçu İraqdan Türkiyəyə gətirilib

22.04.2019

Bakıda evdən silah oğurlayan şəxs tutulub

22.04.2019

Şri-Lankada terror aktları yeddi kamikadze tərəfindən törədilib

22.04.2019

Azərbaycan-Türkiyə birgə hərbi təlimi keçiriləcək - VİDEO

22.04.2019

Heydər Əliyev Mərkəzində "Oxu günü" keçirilib

22.04.2019

Bu vaxtadək “Azəri-Çıraq-Günəşli”dən 482 milyon tonadək neft çıxarılıb

22.04.2019

“XXI əsr paytaxt nəşrləri. Kitab günü” Bakı- Blaqoveşensk arasında telekörpü

22.04.2019

“Kaş onun əvəzinə mən ölərdim” – Yol qəzasında bir ailəninin həyatına son qoyan məhkum – VİDEO 

22.04.2019

Gürcüstandan Azərbaycana qanunsuz yolla keçirilən siqaretlər aşkarlanıb

22.04.2019

“Tarixin ən yaxşı “Liverpul”u ilə mübarizə aparırıq” – Qvardiola

22.04.2019

Problemli kreditlər üzrə kompensasiyaların verilməsinə bir sıra məsələlərin aydınlaşdırılmasına ehtiyac var

22.04.2019

Antimilli ünsürlərin “falabaxma kampaniyası”

22.04.2019

Neftin qiyməti bahalaşır

22.04.2019

Fiziki şəxslərin problemli kreditləri ilə bağlı müraciətlərə hansı müddətdə baxılacaq?

22.04.2019

Bakı sakinini sifarişlə öldürüb yandıran şəxslər tutulub

22.04.2019

Müdafiə Nazirliyinin nümayəndə heyəti Moskvada beynəlxalq konfransda iştirak edəcək

22.04.2019

Tramp Zelenskini təbrik edib

22.04.2019

"Qarabağ", "Astana", PAOK...

22.04.2019

Ədəbi dilimizin və dilçiliyimizin fədaisi -professor Yusif Seyidov

22.04.2019

Aprelin 22-də xarici valyutaların manata qarşı məzənnələri

22.04.2019

Atəşkəs 23 dəfə pozulub

22.04.2019

Bakının bir sıra küçə və prospektlərində tıxac yarandı

22.04.2019

Kredit borcunu zamin ödəyibsə kompensasiya kimə verilməlidir?

22.04.2019

Gənc gimnastlarımız: Yaxşı nəticələr əldə etdiyimiz üçün çox xoşbəxtik

22.04.2019

Ev alarkən diqqətli olun

22.04.2019

Ukrayna MSK-sı protokolların 80,78 faizini hesablayıb – Zelenski 73,09 faiz səs toplayıb

22.04.2019

Bakıda fəhlə 13-cü mərtəbədən yıxılaraq ölüb

22.04.2019

Lənkəranda F-1 əl qumbarası tapılıb

21.04.2019

Azərbaycan komandası AGF Junior Trophy beynəlxalq turnirində beş halqa ilə qrup hərəkətlərində qızıl medal qazanıb

21.04.2019

Sabahın hava proqnozu

21.04.2019

Çaylarda sululuq səviyyəsi dəyişib

21.04.2019

Şri-Lankada törədilən partlayışlarda 25 nəfər ölüb

21.04.2019

Ermənistan silahlı qüvvələri atəşkəsi 22 dəfə pozub

21.04.2019

Ukraynada prezident seçkilərinin ikinci turunda səsvermə başlayıb

21.04.2019

Sabahdan Formula 1 ilə əlaqədar avtomobillərin hərəkəti məhdudlaşdırılacaq yolların SİYAHISI

21.04.2019

PSJ klubu "Monako" ilə oyuna 500 yanğınsöndürən dəvət edib

21.04.2019

Bu gün 29 şəhər və rayonda 22 min 748 şagird imtahan verəcək