Xarici cizgi filmlərin təsirində qalan uşaqlar – VİDEO

16:30 / 17.12.2018

İndiki uşaqların izlədiyi cizgi filmlər arasında nə “Cırtdan var, nə “Tülkü həccə gedir” nə də “Meşəyə insan gəlir”. “Tıq-tıq” xanımın dəvə çuxuruna düşdüyündən belə xəbərsizdirlər.

ARB TV-nin “Günə doğru” proqramı mövzu ilə bağlı maraqlı süjet hazırlayıb.

Sakin: “Bunların dövründə o filmlər onlar üçün artıq maraqsızdır. Yeniləmək lazımdır, çəkmirlər. Çəksələr niyə baxmasınlar”.

Sakin: “Bizdə hələ də qədimdə qalıb. Bunları inkişaf etdirsək bir az müasir dövrə görə, bəlkə uşaqların da marağı olar”.

Belə olan halda uşaqlar da bizim cizgi personajlarımızın əvəzinə Maşa, Ben Ten, Pepe kimi xarici cizgi qəhrəmanları tanıyır, sevilir və nümunə götürürülər.

Elçin Hami Axundov - Animasiya rejissoru: “Animasiya filmləri də hamısı xaricilərindir, türklərindir. Fikir verirəm uşaqlar türk sözlərindən çox istifadə edirlər”.

Hazırda uşaqları cəlb edən yerli cizgi filmlərinin olmamasının ən böyük fəsadı balacaların əksəriyyətinin ana dili əvəinə izlədikləri cizgi filmlərinin dilində danışmasıdır.

Gülşən Tofiqqızı – Yazıçı: “Cizgi filminə çox diqqət etmək lazımdır, çünki buna baxan auditoriya tamam başqa auiditoriyadır, görüb-götürən auditoriyadır”.

Azərbaycanın tele arxivində 150-dən çox cizgi filmləri var. Əvvəlki illərlə müqayisədə ildə 4-5 cizgi filmləri çəkilirdisə, növbəti illərdə bu göstərici ildə bir dəfəyə qədər enib.

Yeni cizgi filmlərinin çəkilməməsinin ən başlıca səbəbi isə maddiyyatla bağlıdır.

Elçin Hami Axundov - Animasiya rejissoru: “90-cı illərdə maaliyyə dəstəyi olmadı, biz artıq ildə güclə bir dənə film çəkirdik. Tələbələrim İsraildən tutmuş “Disney” studiyasında, Sankt Peterburqda, Moskvada, Fransada, Almaniyada, Türkiyədə işləyirlər. O tələbələr ki, animasiya kurslarını qurtardılar 90-cı illərdə mən onları işlə təmin edə bilmədim onlar bütün dünyaya səpələndilər. Onlar indi qalsaydılar əməlli-başlı filmlər çəkərdik biz”.

Gülşən Tofiqqızı - Yazıçı: “Yeddi dənə ssenari yazdım bu 3D-yə uyğun,təriflədilər, yenə qaldı. Nə mövzu verirlər inanırsız yazıram, deyirəm təki siz çəkəsiz. İstedadlı adamlar var, yaxşı ssenarilər də var, maaliyyə mənbəyi ən çətin mövzudur”.

Müsahiblərimizin təbirincə desək, nə qədər ki, magikanlar sağdır onlardan faydalanaraq yerli cizgi filmlərə təkar nəfəs verməyin əsl vaxtıdır. Əks halda istər dil, istərdə də mentalitet sarıdan xarici cizgi filmləri bizim “gələcəyimiz”i udacaq. Nə qədər gec deyil qarşısını almaq lazımdır.

Xarici cizgi filmlərin təsirində qalan uşaqlar – VİDEO

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə