Yeni dövlət rüsumları təklif olunur - TARİFLƏR

2018-ci ildə Bakı şəhərinin səkkiz rayonunun, habelə ölkənin altı rayonunun icra hakimiyyəti orqanlarının fəaliyyətinə dövlət şəhərsalma nəzarəti çərçivəsində şəhərsalma qanunvericiliyinin və normativ-hüquqi sənədlərin tələblərinin pozulması faktları aşkar edilib, bununla bağlı müvafiq nöqsanları aradan qaldırmaq məqsədilə ümumilikdə 22 icrası məcburi olan “Göstəriş” tərtib olunaraq yerli icra hakimiyyəti orqanlarına təqdim olunub. 

Oxu.Az xəbər verir ki, Dövlət Şəhərsalma və Arxitektura Komitəsinin sədri Samir Nuriyevin sözlərinə görə, 21 fakt üzrə pozuntularda cinayət əməlləri olduğundan müvafiq məlumat Azərbaycan Respublikasının Baş prokurorluğuna təqdim olunub, faktlar üzrə araşdırmalara başlanılıb, bir hissəsi üzrə cinayət işləri açılıb. 

Azərbaycanda “Dövlət rüsumu haqqında” haqqında dəyişikliklər olunacaq. Bununla bağlı hazırlanan qanun layihəsinə Əqli Mülkiyyət Agentliyinin göstərdiyi, “Dövlət rüsumu haqqında” qanunda nəzərdə tutulan xidmətlərin, eləcə də, bu hüquqi hərəkətlərə görə dövlət rüsumlarının məbləğinin təkmilləşdirilməsi daxildir.  

 
Belə ki, “Əmtəə nişanları və coğrafi göstəriclər haqqında” və “Patent haqqında” qanunlara təklif olunan dəyişikliklərə əsasən, bəzi yeni dövlət rüsumları müəyyən olunub. 

Layihədə ixtiranın, faydalı modelin, sənaye nümunəsinin, əmtəə nişanının, coğrafi göstəricinin, əsərin, əlaqəli hüquqlar obyektinin inteqral sxem topologiyasının və məlumat toplularının qeydə alınması, müvafiq mühafizə sənədlərinin verilməsi və onlarla bağlı digər hüquqi hərəkətlər, habelə icazələrin bəzi növlərinin verilməsi, nəqliyyat vasitələrinə və onların idarə edilməsi ilə bağlı hüquqi və fiziki şəxslərə xidmətlərin göstərilməsi üçün yeni dövlət rüsumlarının dərəcələri müəyyən olunur.

Təklif olunur ki, ixtiranın, faydalı modelin, sənaye nümunəsinin qeydiyyatı, patentin verilməsi və dərc olunması ilə bağlı rüsumları ixtira üçün 20 manat, faydalı model üçün 15 manat, sənaye nümunəsi üçün 15 manat, patentə məxsus təsvirin düsturla birlikdə 30-dan artıq hər səhifəsi üçün 1 manat olsun.

Həmçinin patentin dublikatının və patentə görə hüquqların qismən başqa şəxsə keçməsinə dair patentin verilməsi üçün 10 manat, verilmiş patentlərə dəyişiklik edilməsi üçün 7 manat olması təklif olunur.

Təkliflərə görə, ixtira, faydalı model, sənaye nümunəsi ilə bağlı hüquqların verilməsi barədə müqavilələrin qeydiyyata alınması üçün dövlət rüsumunun bir ədəd ixtira, bir ədəd faydalı model və ya bir ədəd sənaye nümunəsinə dair iddia sənədi üzrə, ayrılıqda hər biri üçün 15 manat, bir ədəd ixtira patenti, bir ədəd faydalı model patenti və bir ədəd sənaye nümunəsi patenti üzrə, ayrılıqda hər biri üçün 25 manat, ixtira, faydalı model, sənaye nümunəsinə görə bir neçə iddia sənədi üçün (birdən artıq iddia sənədi üçün) 10 manat, ixtira, faydalı model və sənaye nümunəsinin bir neçə patenti üçün (birdən artıq hər patent) 10 manat olacaq.

Qeydə alınması, məlumatın dərci və şəhadətnamənin verilməsi üçün dövlət rüsumunun əmtəə nişanı üçün 45 manat, coğrafi göstərici üçün 30 manat, kollektiv nişan üçün 60 manat təklif olunur.

Dəyişikliyə əsasən, dövlət rüsumu reyestrdə və şəhadətnamədə qeydiyyatla bağlı məlumatlarda dəyişikliklər edilməsi üçün 25 manat, əmtəə nişanı və coğrafi göstəriciyə dair şəhadətnamələrin dublikatının və əmtəə nişanına hüquqların qismən başqa şəxsə keçməsinə dair şəhadətnamənin verilməsi üçün 10 manat təşkil edəcək.

Əmtəə nişanına dair hüquqların verilməsi barədə müqavilələrin qeydiyyatı üçün dövlət rüsumunun iddia sənədi üzrə bir ədəd əmtəə nişanı üçün 35 manat, iddia sənədləri üzrə bir neçə əmtəə nişanı üçün (birdən artıq hər əmtəə nişanı üçün) 20 manat, qeydə alınmış bir ədəd əmtəə nişanı üçün 60 manat, qeydə alınmış bir neçə əmtəə nişanları üçün (birdən artıq hər əmtəə nişanı üçün) 50 manat olması təklif edilir.

Dəyişiklik qəbul edilərsə, patent müvəkkillərinə şəhadətnamə verilməsi üçün dövlət rüsumu 10 manat olacaq. Həmçinin qanun layihəsində Attestasiya komissiyasının qərarına görə Apellyasiya Şurasına etiraz vermək üçün dövlət rüsumu 30 manat müəyyənləşdirilib.