Yaxşı bu ov mövsümü nə vaxta kimi davam edəcək? Neynəyəcəyik yolundan dönən, əqidəsi dəyişdirilmiş bu qədər insanı biz?
Doxsanıncı illərin əvvəllərində yaranan və əsasən xəbərçilik missiyasını üzərinə götürən Azərbaycan televiziyaları son 7-8 ildə tədricən informasiya yükündən xilas olandan sonra yaşamaq, gündəmdə qalmaq, varlıqlarını sübut etmək üçün “loru dildə” ifadə desək min hoqqadan çıxırlar. Bu proses demək olar ki, aşağı-yuxarı bütün televiziyalarda bir-birinin ardınca start götürən “Ulduz” yarışmaları ilə başlayıb. Bir neçə il “Yeni ulduz”, “AzəriStar”, “Ən yeni ulduz” tipli verilişləri ana xəbər kimi gündəmə gətirdilər. Səhnənin, sənətin əhəmiyyətini aşağı saldılar, sübut etdilər ki, məşhur olmaq, sevilmək üçün illərlə hansısa akademiya təpik döymək lazım deyil... Bir tərəfdən də camaatın telefonunda “vızıvlıq” saxladığı SMSi diləndilər.
Hələ üstündən dörd-beş il keçməsinə baxmayaraq, indiyə kimi insanlar həmin adamların məsələn, “Zərdabdan səs istəyirəm” tipli dilənçiliyini unutmayıb. Deyilənə görə belə düşük hərəkətləri hələ də bəzi TV-lər davam etdirməkdədirlər. Mənim xəbərim yoxdur. Açığı mən uzun illərdir bu TV-ləri tokdan ayırmışam. Yeri gəlmişkən, elə onların, bu iyrənc verilişlərin ucbatındandır ki, Azərbaycanda əhalinin demək olar ki, tam əksəriyyəti sputniklə Türkiyə kanallarına baxır.
Həmin əttökən verilişlərin seriyasını ayrı-ayrılıqda xatırlatmaq istəmirəm. Hər kəs belə verilişləri yaxşı tanıyır. Bunlar müğənnilərin evlərindən hazırlanan, onların mətbəxini, maşınını göstərən, nə bilim dedi-qodu, avaraxana, küçə səviyyəsindən uzağa getməyən proqramlar olub. Mən belə verilişlərin azarkeşi olmadığım üçün adlarını və hansı televiziyalarda göstərildiyini ardıcıllılqa yaza bilmirəm. Ancaq fərqi yoxdur. Demək olar ki, Azərbaycanın bütün televiziyaları ANS başda olmaqla bu oyundan çıxır. Qeyd etdiyim kimi bu proses müxtəlif formalarda meyxana yarışmaları ilə yeni ulduz ixtiraları ilə davam edərək, bir müddət efirdə ərə getmə, evləndirmə mərhələlərini də yaşayıb. Son olaraq isə hələlik onların estafetini “Səni axtarıram” götürüb.
Lakin görünür “Səni axtarıram” da yaxın günlərdə arxivə keçəcək. Çünki son günlər bir-birinin ardınca Azərbaycan efirlərini gəzən “Cin çıxarma” əməliyyatları başlayıb.
Mən bu cin əhvalatına keçməzdən qabaq bir məqamı vurğulamaq istəyirəm. Sadəcə həmin verilişlərin azarkeşlərindən soruşmaq istəyirəm. Ay camaat, hanı o efirlərdə ərə verilən, evləndirilən xoşbəxt ailələr? Hanı o efirlərdə Aybəniz Haşımovanın ulduz elədiyi müğənnilər? Niyə Azərbaycan mədəniyyətinə xidmət etmirlər onlar? Hanı o camaatdan səs istəyən arvadlar, kişilər? Niyə indi bir problemə görə səslərini çıxarmırlar? Hara soxubsuz onları? Hanı efirlərdə maşın-maşının dalınca bağışlanan Namiq Məna?.. Məsələni çox uzatmadan qayıdaq son günlər TV-lərdə çıxardılan bu cin hoqqalarına. Adam sadəcə bir məsələyə təəccüb edir. Bu ölkənin insanı əlində İ-Pone tutub ona necə cinçıxartma videosunu yükləyə bilər axı? Bu inkişafla tərsmütənasiblik axırda bizim üzümüzdən planet toqquşması zadı yaradacaq, bəşəriyyəti zibilə salacağıq.
Son günlər efirlərdə yaşanan və mənim daha çox saytlardan izlədiyim bu televiziya verilişlərinə baxdıqca sadəcə nitqim quruyur. Azərbaycanda televiziyaların belə səviyyəsiz proqramlar yayması ilə bağlı məsələ demək olar ki, illərdir müzakirə olunur. Hətta Prezident Administrasiyasının rəhbəri Ramiz Mehdiyev səviyyəsində də məsələyə dəfələrlə sərt reaksiyalar verilib, dövlət qəzetlərində yazılar yazılıb. Bir neçə TV-nin rəhbərliyi də dəyişdirilib. Lakin efirdə həmin düşük hərəkətləri edənləri uzaqlaşdırmaq, belə bayağı əməllərdən hərəkətlərdən aralaşdırmaq mümkün olmayıb. Təsəvvür edin ki, o boyda televiziyaların rəhbərliklərini dəyişmək mümkün olub, ancaq bu düşük verilişləri aparanları, onları bəzəyənləri, həmin verilişləri sıradan çıxarmaq mümkün olmayıb. Onlar yenə də verilişdən verilişə hoppanıblar, öz yaradıcılıqlarını davam etdirirlər.
İndi də hər gün bir televiziya gedib kənddən-kəsəkdən mağmun bir ailə tapıb başlayırlar onların “içinə girən cin”i çıxartmağa. Və bu günlərlə TV-lərdə reklam olunur, bu iyrənclik, namussuzluq hər gün millətə göstərilir. Dəhşətli burasıdır ki, indi bir də gördun camaat xəstəsini müalicə elətdirmək üçün həkimə yox, cin çıxardanların yanına üz tutdu. Onda neyləyəycəyik? Əgər biz özümüzü cin çıxardana etibar ediriksə, bəs onda ötən həftə Bakının mərkəzində açılan xəstəxanya nə ehtiyac var idi? Elə Cinçıxarma Mərkəzi açaydı də dövlət...
Əziz dostlar, televiziyaların təbliğat məsələsində böyük rolu var. Demək olar ki, hələ də TV-ləri təbliğatda üstələyən heç bir vasitə yoxdur. Camaat televiziyalara Məhəmmməd Peyğəmbərdən çox inanır... Sizə maraqlı bir məqamı deyim. Bir neçə il əvvəl Lider TV-də sözügedən tipdə verilişlərdən biri yayımlanırdı. Bu falçılar, öncəgörənlər meydan sulayırdılar. Deyilənə görə ölkənin, hətta məmur elitası öz problemlərini həll etmək üçün axışırmışlar o falçıların yanına. Həmin vaxt iqtisad elmləri doktoru olan bir əmim arvadından mənə zəng gəldi. Əmim arvadı dedi ki, sənə mühüm bir işim düşüb. Ondan nə məsələ olduğunu soruşdum. Mənə dedi ki, Liderdəki falçıların verilişini aparan Zabirin, ya da oradakı falçılardan birinin telefonu lazımdır. Əmim arvadının yüksək intellektli, ərinin professor olduğunu, oğlunun Amerikada təhsil aldığını nəzərə alıb telefon nömrəsini ayrı məqsədlə axtardığını düşündüm. Elə - belə maraq üçün axtarışın səbəbini soruşdum. Cavabın şokundan üç ildir çıxa bilmirəm. Professor qayıtdı ki, bəs gəlinlərdən birinin uşağı olmur, onun yanına aparmaq istəyirik?
Sözümün canı odur ki, bu TV təbliğatı ciddi məsələdir və fakt göz qabağındadır ki, o boyda professoru Zabirin, İlham Mirzəyevin dalına salıb.
Bir neçə ay öncə dəyərli dostum və həmkarım Qabil Abbasoğlu “Uçan ələm” adlı bir yazı yazaraq ölkədəki xurafatı pisləmiş, belə adətlərin XXI əsrdə bir sivil İslam dövlətinə başucalığı gətirmədiyini bildirmişdi. Jurnalist dindarlara xitab edərək məsələdən çozüm istəmişdi. O vaxt da İlqar İbrahimoğlu və digər dostlar Qabilin yazısını ayrı səmtə yozub məsələnin mahiyyətindən yayındırdılar.
İndi də TV-lərdə günlərdir tüğyan edən, “Uçan ələm”lərin belinə oturaraq efirə gəlib çıxan bu cinçıxardanlar meydan sulamaqdadırlar. Həzarat, ərəbin çölündən dilbər Azərbaycana soxulan xəvariciliyə, vəhhabiliyə, nə bilim min cür təriqətə səbəb olan bilirsiz nədir? Bax, bizim bu gun efirdən cin çıxarmaq üçün istifadə etməyimiz? Bu gün siz bilirsiz ki, Azərbaycanın xüsusi xidmət orqanları işini-gücünü buraxıb ancaq dindar ovlamaqla məşğuldur? Yaxşı bu ov mövsümü nə vaxta kimi davam edəcək? Neynəyəcəyik yolundan dönən, əqidəsi dəyişdirilmiş bu qədər insanı biz? Azərbaycanın sanki, dini işğalla üz-üzə qaldığı bir vaxtda efirdə də cin cıxardarlar, Mirşahin bəy? Ölkənin bir tərəfi daşınaraq Kərbalaya aparılıb kəbleyiyə çevrilir, bir tərəfini isə “Cənnət” sözü verib Suriyaya aparırlar. Artıq son ayda neçənci azərbaycanlının Suriyada qətlə yetirildiyi haqda xəbər yaymışıq. Siz də hər gün camaatın içindəki cini çıxardırsız...
Azərbaycan kiçik ölkə olduğu üçün bu cür neqa(TİV)lərin qarşısının inzibati yollarla alınması mümkündür. Zəhmət çəkib bu dövlətin başbilənləri Azərbaycanın fundamental əsaslarını baltalayan bu cinləri, onların qohum əqrabalarını efirlərdən yığışdırsınlar. Yoxsa axırda “Qərib cinlər diyarı”na düşüb “Qərib bizə çörək ver” deyə-deyə dövlət dilənəcəyik...
Elbrus Ərud
Strategiya.az
Ağalı kəndinə köçürülən ailələrin tibbi müayinələrinə başlanılıb
Azərbaycan tarixinin şanlı səhifələrindən biri - 14 iyul 1969-cu il
Vahid əlaqələndirmə mərkəzlərində 41 min şəxsə xidmətlər göstərilib
HEYDƏR ƏLİYEV - YENİ MİLLİ İNTİBAHIN VƏ MÜSTƏQİL DÖVLƏTÇİLİYİN ƏSASINI QOYMUŞ TARİXİ LİDER
Müasir dövrün qlobal problemi iş şəraitində mobbinq ve mübarizə yolları
Azərbaycan Respublikasında Dövlət Qulluğunun Təkmilləşdirilməsi İstiqamətləri
HEYDƏR ƏLİYEV - MÜASİR AZƏRBAYCAN TARİXİNİ YARADAN LİDER
Xarici valyutaların manata qarşı bugünkü məzənnəsi
Ceyhun Bayramov ölkəmizin Avropanın enerji təhlükəsizliyində mühüm rol oynadığını bildirib
İmtahanın nəticələri ilə əlaqədar müraciətlərə baxılması üçün Apellyasiya Şurasına ərizə qəbuluna başlanılıb
Xarici işlər naziri Ceyhun Bayramov NATO-nun Baş katibi Yens Stoltenberq ilə görüşüb
Avropa İttifaqı münaqişədən sonrakı dövrdə mühüm rol oynayır - Ceyhun Bayramov
"Qarabağ" İsveçrə çempionuna qalib gəldi
Tehranda Rusiya və Türkiyə prezidentlərinin görüşü olub
Ceyhun Bayramov Gürcüstanın Baş naziri ilə bölgədə sülh prosesini müzakirə edib
Mikayıl Cabbarov: Sənaye zonalarında istehsal 53 faiz, ixrac isə 2 dəfə artıb
Ağalı kəndinə köçürülən ailələrin tibbi müayinələrinə başlanılıb
Prezident İlham Əliyev: Bizim Xəzər dənizi kimi çox nəhəng bir enerji mənbəyimiz var
Qubada içərisində 125 min manat olan seyf oğurlanıb
İrəvan Dövlət Azərbaycan Dram Teatrının 140 illiyi qeyd edilləcək - SƏRƏNCAM
Azərbaycan tarixinin şanlı səhifələrindən biri - 14 iyul 1969-cu il
Şuşada Vaqif Poeziya Günləri başlayıb
Təhsil Nazirliyi: 204 məktəbdə elektron jurnal və gündəlik sistemi tətbiq edilib
Təhsil Nazirliyi məlumat yaydı
FHN: Zəngilan rayonunda ağaclıq ərazidə baş verən yanğının tam söndürülməsi istiqamətində tədbirlər görülür
Azərbaycan neftinin qiyməti 114 dolları ötüb
Azərbaycan Ordusunun əsgəri həlak olub
Baş Prokurorluq rəis müavininin intiharı ilə bağlı məlumat yaydı
Respublika üzrə pensiyaların iyulun 15-də tam ödənilərək yekunlaşdırılması nəzərdə tutulub
Qızıl təpə abidəsində arxeoloji tədqiqatlar davam edir
Azərbaycan neftinin bir bareli 113,91 dollara satılır
Bakı-Tbilisi-Ceyhan neft boru kəmərinin tam istismara verilməsindən 16 il ötür
Partlayış zamanı “Baktelecom”un rabitə infrastrukturuna ziyan dəyməyib
Dünyada "Premium Euro-95" benzinin bahalaşması gözlənilir - Azərbaycana necə təsir edəcək?
Azərbaycan nefti ucuzlaşıb
Böyük Britaniyanın yeni baş nazirinin adı sentyabrın əvvəlində açıqlanacaq
Tovuz döyüşlərindən iki il ötür
Bakının mərkəzində partlayış baş verib
Cüdoçularımız Xorvatiyada Qran-Pri turnirində iştirak edəcəklər
Ərdoğan yaxın zamanda Venesuelaya səfər edəcək - Maduro
Türkiyə və Ukrayna prezidentləri arasında telefon danışığı olub
Xaçmazdakı meşə yanğınının söndürülməsinə iki helikopter və amfibiya tipli təyyarə cəlb olunub
Ərdoğan və Paşinyan arasında telefon danışığı olub
Saatlı stansiyası yaxınlığında qəzaya uğrayan qatar Gürcüstana məxsusdur - ADY
FHN Xaçmazdakı meşə yanğınları ilə bağlı məlumat yayıb
Vahid əlaqələndirmə mərkəzlərində 41 min şəxsə xidmətlər göstərilib
Kino Agentliyi Mədəniyyət Nazirliyinin tabeliyində olan qurumların siyahısına əlavə edilib
Gələn ilin sonunda Şuşa ilk sakinlərini qəbul edəcək - Aydın Kərimov
Azərbaycan Ordusunun hərbçisi həlak olub
DİN: Ötən gün ölkə ərazisində qeydə alınan cinayətlərdən 52-nin açılması təmin olunub
Xocavənd rayonu ərazisində yeni hərbi hissənin açılışı olub
Birinci vitse-prezident Mehriban Əliyeva Qurban bayramı münasibətilə xalqımızı təbrik edib
Abeyə atəş açan şəxs əməlinin səbəbini açıqlayıb
Zakir Həsənov Qurban bayramı münasibətilə Azərbaycan Ordusunun şəxsi heyətini təbrik edib
XİN Azərbaycanın diplomatik xidmət orqanlarının əməkdaşlarını peşə bayramı münasibətilə təbrik edib
Bu gün Azərbaycanda Qurban bayramı qeyd edilir
Bərdədə avtomobil yolunun tikintisi ilə bağlı 3,1 milyon manat ayrıldı - SƏRƏNCAM