“Yeniləşən Azərbaycana yeni parlament lazımdır”

15:43 / 02.12.2019

Yeni Azərbaycan Partiyası Siyasi Şurasının noyabrın 28-də keçirilən iclasında Azərbaycan parlamentində islahatların aparılmasının vacibliyi qeyd edildi və Milli Məclisin buraxılması barədə təşəbbüs irəli sürüldü. Bildirildi ki, hazırda Prezident İlham Əliyevin həyata keçirdiyi islahatlar sistemli, geniş, əhatəli xarakter daşıyır. Məhz bu baxımdan islahatlar qanunverici hakimiyyət sferasından da kənarda qalmamalıdır. YAP üzvləri Siyasi Şuranın iclasında bu məsələni müzakirə edərək, bir daha islahatlar konsepsiyasına öz dəstəklərini nümayiş etdirdilər. Siyasi Şuranın bütün üzvləri bu məsələdə Azərbaycan parlamentinin də yeniləşməsinin, müasirləşməsinin zəruri olduğu barədə yekdil qərara gəldilər. Milli Məclisin deputatı, siyasi elmlər doktoru, professor Elman Nəsirovla söhbətimiz bu barədə oldu. Yeni Azərbaycan Partiyası Siyasi Şurasının Milli Məclisin ­buraxılması barədə qərarına aydınlıq gətirən E.Nəsirov dedi:

– Məlum olduğu kimi, Yeni Azərbaycan Partiyasının Siyasi Şurası partiyanın parlament təmsilçilərinə müraciət edərək bildirdi ki, ölkədə həyata keçirilən islahatlar fonunda Milli Məclisin buraxılması məsələsini gündəmə gətirsinlər. Bu məsələ artıq parlamentin müzakirəsinə çıxarılacaq. Müzakirələrdən sonra qərar qəbul olunacaq və dövlət başçısına yeni seçkilərin keçirilməsi barədə müraciət olunacaq. 
– Elman müəllim, bu zərurət nədən yarandı?
– Ölkə Prezidenti cənab İlham Əliyevin rəhbərliyi altında sistemli, ardıcıl islahatlar kursu həyata keçirilir. Respublikamızda elə bir sfera yoxdur ki, islahatlar onu əhatə etməsin. Sosial, iqtisadi, məhkəmə-hüquq sistemində və digər sahələrdə islahatlara start verilib. Xalq bu islahatların bəhrəsini artıq gündəlik həyatında hiss edir. Göründüyü kimi, hakimiyyətin hər iki qanadında islahatlar aparılıb. Ölkəmizin sürətli inkişafının təmin olunması üçün islahatların bütün sahələr üzrə aparılması vacibdir. Təbii ki, qanunverici orqan olan Milli Məclisdə də yeniləşmə olmalıdır. Bu baxımdan, Milli Məclisin buraxılması barədə Yeni Azərbaycan Partiyası Siyasi Şurası tərəfindən təşəbbüsün irəli sürülməsi məntiqidir və ölkəmizdə aparılan islahatlar kursunun mahiyyətindən, onun fəlsəfəsindən doğan bir zərurətdir. 
İslahatlar barəsində də cənab Prezidentin çox maraqlı fikirləri var. Deyir ki, islahat, ilk növbədə, təkamüldür, yeni dövrə uyğunlaşma və tərəqqidir. Eyni məntiqlə Milli Məclis də təkmilləşmə kursuna, yeni şəraitə, tərəqqiyə uyğun olaraq bu addımları atır. Hesab edirəm ki, bununla da islahatlar artıq cəmiyyətimizin bütün sferalarını, o cümlədən parlamenti də əhatə etməklə tam məzmun kəsb edir. 
– Növbədənkənar parlament seçkilərinin keçirilməsi təşəbbüsü ilə bağlı radikal müxalifət nümayəndələri müxtəlif fikirlər səsləndirirlər. Bu məsələyə sizin münasibətiniz necədir?
– Siyasi partiyaların qarşıya qoyduğu əsas məsələlərdən biri də ölkədə keçirilən hər hansı bir seçkiyə hazırlaşmaq , seçkilərdə iştirak etmək və qələbə qazanmaqdır. Seçkini boykot etmək, növbədənkənar seçkilər haqqında mənfi fikir söyləmək zəiflik, acizlik əlamətidir. Bu fikri səsləndirənlər yaxşı bilirlər ki, onlara dəstək verən yoxdur və hansı seçkiyə qatılsalar da, seçicilərin etimadını qazana bilməyəcəklər. Ona görə də indidən su bulandırmaq, çaşqınlıq yaratmaq istəyirlər. Növbədənkənar seçkilərin keçirilməsi nadir hadisə deyil və təkcə bizim ölkəmizdə müşahidə olunmur. Dünya praktikasına nəzər salsaq, belə halların tez-tez baş verdiyinin şahidi olarıq. Məsələn, bir faktı diqqətinizə çatdırım.
Bu il dekabrın 12-də Böyük Britaniyada növbədənkənar parlament seçkiləri keçiriləcək. Daha bir fakt deyə bilərəm. 2015-ci ildən 2019-cu ilə qədər İspaniyada 4 erkən parlament seçkiləri keçirilib. Hətta 2019-cu ildə həmin ölkədə 2 belə növbədənkənar seçki keçirilib. Həmçinin, İsraildə də növbədənkənar parlament seçkiləri keçirilib. Görürsünüzmü, dünya praktikasında belə hallar baş verir. Ona görə də növbədənkənar parlament seçkilərinin keçirilməsini qeyri-adi hadisə kimi qələmə vermək və ya bu hadisədən siyasi məqsədlər üçün istifadə etmək siyasətdən bixəbər adamların, araqarışdıranların işidir. 
Əslində, Yeni Azərbaycan Partiyasının Siyasi Şurası növbədənkənar parlament seçkilərinin keçirilməsi təşəbbüsü ilə çıxış edərək yeni siyasi mədəniyyət nümayiş etdirdi və müstəqillik tariximizə yeni səhifə yazdı. Yəqin ki, hər kəsin yadındadır. YAP yeni yarananda o zamankı antimilli hakimiyyətə qarşı müxalifətdə olub. Qısa bir zamanda ətrafına minlərlə üzv və təəssübkeş toplayan bu partiya xalqın dəstəyi ilə hakimiyyətə gəldi. Hakimiyyətə gəldiyi vaxtdan bu günə qədər ölkədə keçirilən bütün seçkilərdə rəqiblərini özündən xeyli arxada qoyub. Bu gün Azərbaycanın dünyada nüfuz sahibi olmasında YAP-ın xidmətləri danılmazdır. İndi də növbəti siyasi mədəniyyət ortaya qoyaraq növbədənkənar parlament seçkilərinin keçirilməsi barədə təşəbbüslə çıxış etdi.
Yeni Azərbaycan Partiyasının parlamentdə təmsil olunan deputatları könüllü şəkildə öz səlahiyyətlərindən imtina edir və yeni seçkilərin keçirilməsi istəyini ortaya qoyurlar. Hesab edirəm ki, yeniləşən Azərbaycana yeni parlament nəsib olacaq.

 

Söhbəti qələmə aldı:
Əliqismət BƏDƏLOV,
“Xalq qəzeti”


Etiket:

Strategiya.az

Xəbərlər
05.06.2020

Təhsil Nazirliyi tədrisin dayandırılması barədə: Bir çoxları tarixləri dəyişik salırlar

05.06.2020

icaze.e-gov.az portalının fəaliyyəti yenidən aktivləşdirilib

05.06.2020

Abşeron Dairəvi dəmir yolu fəaliyyətini müvəqqəti dayandırır

05.06.2020

AZƏRBAYCAN RESPUBLİKASININ GEOSİYASİ İNKİŞAF STRATEGİYASI

05.06.2020

Azərbaycan neftinin bir barreli 40,41 dollara satılır

05.06.2020

Neftin qiyməti bahalaşır

05.06.2020

Mətbuat Şurası həftəsonu məhdudiyyətlərlə bağlı jurnalistlərə müraciət etdi

05.06.2020

Həsən Ruhani: İranlılar koronovirusla birlikdə yaşamağı öyrənməlidirlər

04.06.2020

 Sərnişindaşımaları tam dayandırılacaq

04.06.2020

BDU-da “Azərbaycan regionlarının inkişafının coğrafi məsələləri” mövzusunda gənc tədqiqatçıların Respublika virtual elmi konfransı keçirilib

04.06.2020

DSX: Keşikçidağda təxribat xarakterli hər hansı hadisə qeydə alınmayıb

04.06.2020

Sabah qısa iş günü olacaq

04.06.2020

Su təsərrüfatı və meliorasiya işçilərinə fəxri ad verildi - SƏRƏNCAM

04.06.2020

Baş Nazir koronavirusa yoluxma hallarının kəskin artması ilə bağlı əhaliyə müraciət etdi

04.06.2020

Qalmaqal: Berlini solçu ekstremistlər idarə edirmi?

04.06.2020

AZƏRBAYCAN RESPUBLİKASI DÖVLƏT SƏRHƏD XİDMƏTİNİN və HƏRBİ PROKURORLUĞUNUN MƏTBUAT XİDMƏTLƏRİNİN BİRGƏ MƏLUMATI

04.06.2020

“Azeri Light”ın bir barreli 40,45 dollara satılır

04.06.2020

İyunun 4-də xarici valyutaların manata qarşı məzənnələri

04.06.2020

Londonda minlərlə insan küçələrə axışıb

04.06.2020

Azərbaycanda içməli suyun tərkibi 24 saat yoxlanılır - "Azərsu"

04.06.2020

DSX sərhəddə təxribat xarakterli hərəkətlərin törədiləcəyi barədə məlumatlar əldə edib

03.06.2020

Prezident İlham Əliyev: Biz güc toplayırıq, daha da güclü olmalıyıq və olacağıq

03.06.2020

Bakı, Sumqayıt, Gəncə şəhərlərində və Abşeron rayonunda küçəyə çıxmaq qadağasının tətbiq olunması gözlənilir

03.06.2020

 Mağazalar da bağlana bilər

03.06.2020

Azərbaycanda daha 325 nəfər koronavirusa yoluxdu, 101 nəfər sağaldı, 5 nəfər öldü

03.06.2020

Prezident İlham Əliyevin Ağcabədi rayonuna səfəri

03.06.2020

Prezident İlham Əliyev Ağdam rayonu ərazisində yerləşən “N” saylı hərbi hissədə olub

03.06.2020

Tərtərin Xoruzlu kəndində yeni ümumtəhsil məktəbi tikiləcək - SƏRƏNCAM

03.06.2020

Tərtər Olimpiya İdman Kompleksinin açılışı olub

03.06.2020

Prezident İlham Əliyev Tərtər rayonuna səfərə gəlib 

03.06.2020

Azərbaycandan bu il Həcc ziyarəti olmaya bilər

03.06.2020

Koronavirusa qarşı peyvənd uzunmüddətli immunitet yaradaca biləcəkmi?

03.06.2020

DİM həftə sonunda imtahan verəcək abituriyentlərə müraciət edib

03.06.2020

Türkiyə və Azərbaycan vətəndaşları üçün 90 günlük viza tələbi aradan qaldırıldı

03.06.2020

Bibiheybət yolu gələn həftə açılır

03.06.2020

Azərbaycan neftinin qiyməti 40 dolları ötüb

03.06.2020

Sabunçuda gözətçini qətlə yetirib 40 min manat oğurlayan dəstə tutuldu

02.06.2020

Bu yerlərdə maskadan istifadə edilməlidir - SİYAHI

02.06.2020

Azərbaycan Respublikasının Vergi Məcəlləsində dəyişiklik edildi

02.06.2020

Azərbaycanda daha 273 nəfər koronavirusa yoluxdu, 56 nəfər sağaldı, 3 nəfər öldü

02.06.2020

Prezident İlham Əliyev uşaqlarla bağlı 2020-2030-cu illər üçün Strategiyanı təsdiq etdi

02.06.2020

Azərbaycan Respublikası Prezidentinin Sərəncamı

02.06.2020

Nazirlik: Azərbaycanın 34 rayonunda çəyirtkə qışlaqları qeydə alınır

02.06.2020

Tramp orduya təlimat verdi: "Bunlar daxili terror aktlarıdır"

02.06.2020

Mərkəzi Bankdan dollarla bağlı AÇIQLAMA

02.06.2020

Koronavirusdan ölənlərin sayı 371 mini keçdi - ÜST

02.06.2020

Azərbaycanda COVID-19-a yoluxma hallarının müəyyənləşdirilməsi məqsədilə aparılan testlərin sayı 300 mini ötüb

01.06.2020

Prezident İlham Əliyev: Biz sosial layihələrin heç birini ixtisara salmamışıq

01.06.2020

SALAM, SERGEY YESENİN! (II hissə)

01.06.2020

Azərbaycanda daha 168 nəfər koronavirusa yoluxdu, 80 nəfər sağaldı, 5 nəfər öldü