Sərdar Cəlaloğlunun elmi kəşfi saxta çıxdı?

10:57 / 15.01.2014

Fəlsəfə İnstitutunun keçmiş işçisi ADP sədrinin səsləndirdiyi fikirlərin səkkiz əsr əvvələ aid olduğunu bildirir

ADP sədri Sərdar Cəlaloğlunun yeni kəşfi narazılığa səbəb olub. Redaksiyamıza müraciət edən Fəlsəfə İnstitutunun keçmiş işçisi Rəhim Müseyibov bildirir ki, S.Cəlaloğlunun əsasını qoyduğu yeni elm barədə dedikləri fikirlər heç də yeni deyilmiş: “Sərdar Cəlaloğlu bildirir ki, yeni elmin əsasını qoyduğunu bildirsə də, səsləndirdiyi fikirlər yeni deyil. O deyir ki, kəşf etdiyi elmin əsasını İslam dininin müqəddəs kitabından götürüb. Burada elmlə dinin barışdırılmasından söhbət gedir. Bu kimi fikirlər XIII-XIV əsrlərdə var idi.

Elmdə belə bir qəbul edilmiş fikir var idi ki, həqiqəti, Allaha aid olan məsələləri həm din deməlidir, həm də fəlsəfə təsdiqləməlidir. Bunu ilk dəfə elm aləminə İbn Rüşd adlı alim gətirib, bundan da ən çox bəhrələnən Avropa olub. İkili həqiqət məsələsi bizdən yeddi-səkkiz əsr əvvələ gedib çıxır. Hətta dahi şair Süfuli də bunu təkmilləşdirib. Onun ”Mətləül etiqad" əsərində bu barədə fikirlər var, buna toxunulub. İkili həqiqət məsələsi elmdə mövcuddur, Avropa alimləri, filosofları bundan çoxdan faydalanıb".

Onun sözlərinə görə, bu kimi fikirlərə o da vaxtilə elmi araşdırmasında toxunub və izahatını verib, uzun müddət araşdırma aparıb: “Bu, tədqiqat işidir, Fəlsəfə İnstitutunda Elmi Şuradan keçib. Əsəri çapa hazırlayıram. Bu, böyük bir elmi tədqiqat işidir, ”Muğam həqiqətinə dini fəlsəfi baxış" adlanır. Kitaba səkkiz nəhəng alim rəy verib". R.Müseyibov bildirir ki, məsələ ilə bağlı S.Cəlaloğlu ilə danışıb və o, birincini ADP qərargahında görüşə dəvət edib: “Gedib görüşüb bu məsələləri müzakirə edəcəyəm”.

Qeyd edək ki, Sərdar Cəlaloğlunun yeni elmin əsasını qoyduğu bildirilir. Bildirilir ki, elmi fikirləri ilə hər zaman gündəmdə olan S.Cəlaloğlu bir ildən çoxdur ki, üzərində çalışdığı nəhəng elmi layihəni başa çatdırmaq üzrədir. Qəzetin “Bəşər tarixinin ən böyük kəşfi” başlıqlı yazısında bildirilir ki, o, açıqlamasında dünyanı şoka salacaq fikirlər irəli sürüb: “O, condisiologiya adlı elmin əsasını qoyub. Condisiologiya- mütləq haqqında elmdir ki, bu da yalnız ali dərəcəli elm xadimlərinə deyil, hər bir sadə vətəndaşa mütləq həqiqəti görməyə, bu günə qədər cavabsız qalan bir çox suallara müstəqil şəkildə cavab tapmağa imkan verəcək. Başqa sözlə desək, S.Cəlaloğlunun banisi olduğu condisiologiya elmini dünya elmində mövcud olan bütün susqunluqların, müşküllərin açarı hesab etmək olar. Cavabı olmayan və ya hələlik məlum olmayan istənilən sualın cavabını bu elmlə tapmaq mümkündür. Çünki condisiologiya elmi bütün bu suallara nəinki cavab verir, həm də bu cavabları o qədər sadə və inkaredilməz məntiqlə əsaslandırır ki, bu məntiqə qarşı durmaq, onu hansısa şəkildə təkzib etmək, sadəcə, mümkünsüzdür. Condisiologiya elminin daha bir özəlliyi- elmlə dinin barışdırılmasıdır. Condisiologiya elmi sübut edir ki, din və elmin Allah və yaradılış məsələsində bir-birinə əks mövqelərdə dayanması ilə bağlı yaradılan təəssürat əslində əsassızdır. Dünyanın Allah tərəfindən yaradıldığını, bütün böyük elmi kəşflərin bu həqiqəti inkar etmədiyini, əksinə təsdiq etdiyini isbatlayan bu elm, bunun əksinə dini bilgiləri inkar edən bəzi müddəaların və kəşflərin yanılmadan başqa bir şey olmadığını da təsdiq edir. Bu baxımdan, condisiologiya elmini yalnız elmdə deyil, həm də dində mövcud olan bütün qırmızı nöqtələr üçün işıq hesab etmək olar”./musavat.com/

Sərdar Cəlaloğlunun elmi kəşfi saxta çıxdı?

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə