Qarabağda yeni müharibə kimə lazımdır?

19:20 / 24.11.2020

Rusiyanın Xarici Kəşfiyyat Xidmətinin direktoru Sergey Narışkin keçirdiyi mətbuat konfransında ABŞ və müttəfiqlərini Azərbaycan və Ermənistan xalqları arasında nifaq salmağa çalışmaqda ittiham edib.

Narışkin hesab edir ki, ABŞ və müttəfiqləri Moskvanın vasitəçiliyi ilə müharibənin dayandırılmasından narahat olublar. "Nə Vaşinqton, nə də "Vahid Avropa" bölgədə yaranmış mövcud qüvvələr nisbətinə dözmək istəmirlər. Bunu "dağıtmaq" üçün Azərbaycan və Ermənistan xalqları arasında nifaq salmaqdan başqa bir yol görmürlər".

Rusiyanın ən məlumatlı şəxslərindən biri olan Narışkinin bu iddiasının həqiqətdən çox da uzaq olmadığını söyləmək mümkündür. Xüsusilə Fransanın noyabr ayının 10-dan sonrakı fəaliyyəti bu ölkənin Dağlıq Qarabağda atəşkəsin elan edilməsindən və bölgədə yaranmış qüvvələr nisbətindən narazı olduğunu, bunu pozmaq üçün bütün imkanlardan istifadə etməyə çalışdığını açıq-aydın ortaya qoyur. Rusiyanın vasitəçiliyi ilə atəşkəsin elan olunmasından dərhal sonra Fransa bəyanat yayaraq Ermənistanın və ermənilərin maraqlarının nəzərə alınması "tələb"ini irəli sürdü. Daha sonra Qarabağdakı xristian abidələri ilə bağlı məsələni gündəmə gətirməklə bir yandan Azərbaycana təsir göstərmək, digər yandan isə erməniləri qızışdırmaq yolunu seçdi. Bunun ardınca isə Fransa ABŞ-ı onunla birgə Türkiyənin atəşkəs və ondan sonra baş verən proseslərdə roluna aydınlıq gətirilməsi tələbilə bağlı Moskvaya müraciət etdi. Bu son olay Fransanın təkbaşına bölgədəki proseslərə təsir imkanın tamamilə itirdiyini göstərməklə yanaşı, Parisin hətta ənənəvi rəqibinə sığınmaqla da olsa, bölgədə təsir imkanlarını qoruyub saxlamağa çalışdığını göstərir. Lakin Fransanın Türkiyə və Pakistanın ardınca Azərbaycanla da münasibətlərini qırılma nöqtəsinə gətirməsi Parisin bölgədəki təsir imkanlarını minimuma endirir. Fransa parlamentinin yuxarı palatası Senatın "Dağlıq Qarabağ Respublikasının müstəqilliyinin tanınması" ilə bağlı heç bir hüquqi qüvvəsi olmayan qətnamə qəbul etməyə çalışması isə həqiqətən də Rusiyanın vasitəçiliyi ilə əldə olunmuş kövrək atəşkəsin pozulmasına yol aça bilər. Ermənistandakı qisas tərəfdarları Fransanın bu mövqeyindən daha da ruhlanırlar. Ermənistanın atəşkəs haqqında bəyanatdan geri çəkilməsinin intihar olacağı haqqında Rusiya prezidenti Vladimir Putinin xəbərdarlığı Ermənistandakı çılğınlığı tam söndürməyib. Fransanın bəyanatları isə müharibəni sona kimi davam etdirməyin tərəfdarı olanları daha da çılğınlaşdırır.

Ermənistan prezidentinin köməkçisi Sergey Melkonyan atəşkəsin sülh müqaviləsi olmadığını, erməni tərəfinin alçaldıcı təslimçiliyi qəbul etməsilə intiqam üçün ilkin şərtlərin yarandığını bildirib. Yeni hərbi toqquşmaları qaçılmaz sayan Sergey Melkonyan soydaşlarını silahlanmağın zəruriliyinə inanmağa çağırıb.

Yeni hərbi toqquşmaların qaçılmaz olduğunu bəyan edən, qisas hissi ilə yaşayan yalnız Ermənistan prezidentinin köməkçisi deyil. Ermənistanda böyük təsirə malik din xadimləri də yeni müharibəyə çağırışlar edirlər. Məsələn, "Böyük Kilikiya" katolikosu I Aram müharibənin hələ bitmədiyini, mövcud hakimiyyətin axmaqlığı və xəyanəti nəticəsində itirilən hər şeyin qaytarılması üçün ermənilərin qarşısında uzun bir yolun olduğunu vurğulayıb.

Bütün bunların nəticəsi olaraq imzalanan bəyanatın rədd edilməsi ilə bağlı çağırışlar günü-gündən artır. Belə görünür ki, Fransa kimi dövlətlərin təsirləri artıq öz nəticəsini verməkdədir. Aydın görünür ki, böyük dövlətlərin bölgədəki mövqe savaşları yenidən başlayır.

Rusiyanın Xarici Kəşfiyyat Xidmətinin direktorunun açıq mətnlə ABŞ və "Vahid Avropa"nı Qarabağda yeni münaqişə yaratmaqda ittiham etməsi də Moskvanın bölgədə qüvvələr nisbətinin dəyişməsindən narahat olduğunu göstərir. Türkiyənin Qarabağda sülhyaratma prosesinə cəlb olunmasında Rusiyanın da marağı əslində, məhz buradan qaynaqlanır. Belə görünür ki, Rusiya bölgədə ABŞ və "Vahid Avropa"nın təmsil olunmasını Türkiyənin təmsilçiliyi ilə əngəlləyir. Xüsusilə də Ankaranın Vaşinqton və Parislə münasibətlərin gərginləşən xətlə davam etdiyi bir zamanda Türkiyə daha uyğun tərəfdaş hesab olunur. Kremldə anlayırlar ki, bölgədə tək söz sahibi olmaq zamanı keçib. Rusiya üçün çox əhəmiyyətli bir bölgəyə, Cənubi Qafqaza Qərbin daxil olmasına mane olmaq istəyən Moskva bu vəzifənin öhdəsindən yalnız Türkiyə ilə birlikdə gələ biləcəyinin fərqindədir. Ona görə Rusiya prezidenti Vladimir Putin Türkiyənin bölgəyə ordu göndərməsinin beynəlxalq hüquqa uyğun olmaqla ATƏT-in Minsk qrupunun təməl prinsiplərinə də zidd olmadığını çox açıq mətnlə bəyan etməkdən çəkinmir.

ABŞ və "Vahid Avropa"nı Azərbaycan və Ermənistan xalqları arasında nifaq salmaqda ittiham edən Sergey Narışkinin Rusiya mətbuatının bu məsələdəki rolunu "görməməsi" isə Moskvanın özünün də bölgədə yaranmış vəziyyətə tam hazır olmadığını göstərir. Qarabağda yeni bir müharibə təhlükəsindən narahat olan Moskva Rusiya mətbuatında aparılan total təbliğatın atəşkəs nəticəsində əldə olunan kövrək sülhə ən böyük təhlükə olduğunun fərqinə varmalı, vəziyyəti əks istiqamətə dəyişməlidir. Əks halda, ABŞ və "Vahid Avropa" məhz Rusiya mətbuatının geniş yardımı ilə Azərbaycan və erməni xalqı arasında düşmənçiliyi daha da dərinləşdirə bilər.

Xaqani Cəfərli


Etiket:

Strategiya.az

Xəbərlər
27.01.2021

İşğaldan azad edilmiş ərazilərdə yaşıl enerji zonasının yaradılması üçün investorlarla müzakirələr aparılır

27.01.2021

AŞPA Ermənistanın qətnaməyə düzəlişlərini rədd etdi

27.01.2021

Rusiya-Türkiyə Birgə Monitorinq Mərkəzi fəaliyyətə başlayır

27.01.2021

Xarici muzdluların Qarabağda Azərbaycan tərəfdən iştirakına dair heç bir dəlil yoxdur - Almaniya XİN

26.01.2021

Rusiyanın Bakıdakı səfirliyinin müvəqqəti işlər vəkili XİN-ə çağırılıb

26.01.2021

Ramin Quluzadə yeni vəzifəyə təyin olundu - SƏRƏNCAM

26.01.2021

Azərbaycan Prezidenti: Müharibə bir çoxlarına Azərbaycanın potensialının nədən ibarət olduğunu göstərmişdir

26.01.2021

Prezident: Biz texnoloji inkişaf sahəsində daim qabağa hədəflənməli, hərbi sahədə yenilikləri Azərbaycana gətirməliyik

26.01.2021

Prezident: Həm müharibə dövründə, həm müharibədən sonrakı dövrdə peyklərdən istifadə bizə çox böyük üstünlük təmin etdi

26.01.2021

Yeni nəqliyyat, rabitə və yüksək texnologiyalar naziri təyin edildi - SƏRƏNCAM

26.01.2021

Ramin Quluzadə vəzifəsindən azad edildi

26.01.2021

Hikmət Hacıyev: Qarabağda yaşayan ermənilər Azərbaycan Konstitusiyasının aliliyini qəbul etməyə borcludurlar

26.01.2021

Dövlət Xidmətindən sahibkarlara XƏBƏRDARLIQ

26.01.2021

Neft ucuzlaşıb

26.01.2021

Dünyada COVID-19 infeksiyasına yoluxanların sayı 100 milyon nəfəri ötüb

26.01.2021

Prezidentin köməkçisi: ABŞ Azərbaycan və Ermənistan arasında sülh quruculuğu prosesinə töhfə verə bilər

26.01.2021

Yer kürəsi iqlim dəyişiklikləri nəticəsində 28 trilyon ton buz itirib

25.01.2021

Nazirlər Kabineti Prezidentin tapşırıqları əsasında 2021-ci il üçün prioritetləri müəyyənləşdirib

25.01.2021

Birinci vitse-prezident Mehriban Əliyeva yenidən Azərbaycan Gimnastika Federasiyasının prezidenti seçilib

25.01.2021

Ceyhun Bayramov İranın xarici işlər naziri ilə görüşüb

25.01.2021

Prezident İlham Əliyev müharibə əlilləri və şəhid ailələrinin evlə təmin olunması ilə bağlı sərəncam imzalayıb

25.01.2021

Prezident İlham Əliyev İranın xarici işlər nazirini qəbul edib - YENİLƏNİB

25.01.2021

“İlham Əliyev. İnkişaf - məqsədimizdir” çoxcildliyinin 105-ci kitabı çapdan çıxıb

25.01.2021

Baş Prokurorluqda 62 cinayət işi üzrə 21 şəxs barəsində axtarış elan edilib

25.01.2021

Xəzərdə suyun enməsi prosesi daha da intensivləşib

25.01.2021

Ombudsman Ermənistanın əsir və girovlarla rəftarı ilə bağlı beynəlxalq təşkilatlara hesabat göndərib

25.01.2021

Türkiyə Prezidenti girov götürülən dənizçilərin xilası üçün səylərin davam etdiyini bildirib

25.01.2021

Bu gündən bərbərxana və gözəllik salonları açılır

25.01.2021

5 şəhər və 12 rayona giriş-çıxış bərpa olunub

24.01.2021

DİN Şəmkir polisi haqqında yayılan iddialara aydınlıq gətirdi

24.01.2021

Almaniyalı alim Ermənistan cəmiyyətinə qisas barədə fikirlərdən əl çəkməyi məsləhət görür

24.01.2021

Dəniz quldurları basqına məruz qalan gəminin kabel və texniki hissəsinə ciddi zərər vurublar

24.01.2021

Ceyhun Bayramov Türkiyə gəmisinə edilən hücumla bağlı Mövlud Çavuşoğlu ilə telefon danışığı aparıb

23.01.2021

Azərbaycan nefti 56 dollardan baha satılır

23.01.2021

“Keşikçidağ”da tunc dövrünə aid insan qalıqları aşkar edilib

23.01.2021

Ostinin Pentaqon rəhbəri vəzifəsinə namizədliyi təsdiqlənib

23.01.2021

AMEA-da direktor və direktor müavini nöqsanlara görə işdən azad edilib

23.01.2021

Azərbaycanda bu şəxslərə də hərbi xidmətdən möhlət veriləcək

22.01.2021

500 manatlıq əskinasla bağlı RƏSMİ AÇIQLAMA

22.01.2021

İqtisadi Zonaların İnkişafı Agentliyi yaradılır - Fərman

22.01.2021

Bütün təhsil müəssisələrində əyani tədris mərhələli şəkildə bərpa olunacaq - Nazir

22.01.2021

Nazirlər kabineti təhsil müəssisələri ilə bağlı qərar verdi

22.01.2021

Şuşada yeni yarimstansiya tikilir 

22.01.2021

Xəzərin səviyyəsinin aşağı düşəcəyi barədə proqnozlara rəsmi aydınlıq gətirilib

22.01.2021

Bakıda yol buz bağladı, hər iki istiqamətdə zəncirvari qəza oldu 

22.01.2021

İşğaldan azad edilmiş ərazilər minalardan təmizlənir

21.01.2021

XƏZƏR DƏNİZİNDƏKİ MÜBAHİSƏ “DOSTLUQLA” ARADAN QALXDI

21.01.2021

Xarici İşlər naziri Ceyhun Bayramov Türkmənistan Prezidenti tərəfindən qəbul olunub

21.01.2021

Ötən il Azərbaycan tarixinə qızıl hərflərlə yazılmışdır - Xanlar Vəliyev

21.01.2021

Prezident İlham Əliyev: Anlaşma Memorandumunun imzalanması çoxillik gərgin fəaliyyətinin nəticəsidir