TELEDİPLOMATİYA VƏ MAYDANIN QOXUSU

Rus NTV-si ağır təbliğat resurslarını təzədən ekrana çıxarmışdı.Bir az əvvəl Vladimir Solovyov ənənəvi debatlarını “xüsusi buraxılış” şəklində yayımlamağa məcbur olmuşdu.Həqiqətən efirin proqram qrafiki ilə siyasi hadisələrin ahəngi eyni sinxronluqla uzlaşmır.Maydan ilk siyasi qələbələrini qazandıqca onunmaraqlı ölkələrdə informativ təqdimatı da dəyişəcəkdir.Rəsmi Kreml yeni diplomatik və psixoloji hücumun düyməsini basmağa məcburdur.Görün nə qədər qüvvə birdən-birə Ukraynanın yeni inqilabının eyforiyasına düşüb və demokratiya aksentindən,etirazçı kütlənin ardıcıl tələbləri sayəsində öz məqsədlərinə qovuşmasından danışır.Xalqı özbaşına qoymaq olmaz.Elə isə haydı iş başına.

Solovyov öz işinin ustasıdır.O,seçdiyi qonaqlarla cəmiyyət modelini kiçik bir səhnədə qurmağı bacarır.Rusiya Federasiya Şurasının üzvü,Elmi tədqiqat İnstitutunun təmsilçisi,millətçi şovinist Konstantin Zatulin və nəhayət,qadın ekspert.Hər birinin adını və titullarını yazmadan keçsəm sizlərə daha rahat olar.Yəqin təxmin edirsiz ki,sadə ruslar da elə bu cür düşünür.

Telenəsihət,qorxu saçmaq və Ukraynanın aqibətindən yana narahatçılıq elə bir həyacan şoku yaratmalıdır ki,televiziyanın ruhu və təsir gücü,qafalara sahib olmaq keyfiyyyəti özünü reallıqda göstərsin,dalğa effekti yaratsın.Ukraynanın rusdilli şərqi və ya sadəcə orada yaşayan keçmiş sovet qalıqları səhəri açanda təkcə Maydanın beyin işğalı altında olmasınlar,həm də Putinin platformasını açan siyasilər,polittexnoloqların mövqeyi üstündə köklənib Yanukoviçə dayaq dursunlar,Kliçkoya hücum çəksinlər və həqiqi vətəndaş müharibəsinə çıxa bilsinlər.Belə təbliğata təkcə Hitler ehtiyac duymamışdı və ya onun Göbbelsinin indiki varisləri faşistlərin atasına rəhmət oxutdururlar.

Ukrayna üzərindəki informasiya savaşı hərbi-silahlı toqquşmadan daha amansız gedir.Neytral auditoriya əsil beyin fırtınasına məruz qalıb.Onlar bilmir ki,hansı tərəf sonaqədər haqqın tərəfində olacaq.

Solovyov efrin kulminasiya nöqtəsini heç şübhəsiz ki,şüurlardan daha çox qəlblərə və emosiyalara işləməyi bacaran,psixoliji priyomların mahir ustası Jirinovski ilə vurdu.Bir görsəydiniz liberal baxışlardan savayı hansı avantüralar və anonslar rus parlamenatrisin dilinədn səsləndi.Sən demə, düz ötən əsrin 45-ci ilindən dünya gizli hökuməıtləri Rusiyanın axırına çıxmaq istəyir.Belə zəngin torpaqları və qiymətli resurları ələ keçirmək üçün son 23 ildə Qərbin addım addım Kremlin sərhədlərinə doğru yaxınlaşdığını deyən Jirinovski nəhayət,ritorik sualın üzərinə gəldi:”Bİz niyə ukraynalıları yedirtməliyik.Ən azı beş yerə bölünməli olan bir ölkənin itirilmiş suverenliyini yalnız bu yolla geri qaytarmaq olar.Putinin milyardlarını xırıd edən Yanukoviçi acizlikdə suçlandırmaqla əsil hərbi müdaxiləyə özlərinin hazırlığına heç bir şübhə yeri qoymayan millətçi baxışlar dahisi “rus xalqını ata-babalarının torpaqlarına sahib çıxmağa çağırdı”.

Çox baxımlı səhnələr idi.Lakin Jirinovskinin “Mayadndan nə iyi gəlir” sualına ötən dəfə “QAN” deyə cavab verən politoloqun səhvini düzəldərək indi Ukraynanın və dünyanın əsas siyasi mərkəzinin bir xeyli antisanitar durumundan əndişələndi və diləgəlməyəcək məlum cavabı AĞIZDOLUSU DEDİ və heç olmasa,bircə tualet inşa etməyən inqilabçıların hisslərini və narıncı ideallarını bulamaqdan çəkinmədi.

Müqəddəs dəyərlər su kimidir.O çirk götürmür.Maydandan hansı qoxunun gəlməsini hər kəs öz siyasi instikti,ayıqlığı və mədə zövqü ilə müəyyənləşdirir.Jirinovskinin iştahası korşalmayıbsa da fəhmi və dünya duyumu çoxdan pas atıb.Hətta yeni hakimiyyət dəyişikliyinin çox qısa zamanda uğursuzluğa məhkum olacağı belə Rusiyanı Ukraynada qələbəyə çatdırmayacaq.

Jirinovski bunları görəcəkmi?

da ayrıca tərcümeyi-hal və avtoportret yığıcılarına bir ehtiyac varmı?

Milli Məclisin deputatı,
Zahid Oruc