Gender və ailə problemləri müzakirə mərkəzində - Fotolar

  Müasir cəmiyyətin yeni mər­hələsinin özünəməxsus xüsusiyyətləri, amilləri vardır ki, onların bəziləri cə­miy­­yətin, millətin yüksəlişinə, yeni inkişaf mərhələsinə qədəm qoymağa xidmət edir­sə, bəziləri isə milli-mənəvi dəyərlərin tənəzzülünə, aşınmalara gətirib çıxarır. Bu­nun üçün də cəmiyyətin bütün üzvlərinin maariflənməsinə, cəmiyyəti irəli apa­ran təbliğat işinin ge­niş­lən­məsinə ehtiyac var. Bu gün cəmiyyəti silkələyən gender və ailə münasibətlərində təzahür edən problemlər həyəcan təbili çalmaqdadır. Doğ­rudur, döv­lətimiz bu istiqamətdə bütün vacib təbdirləri gö­rür, qanunlar və qa­nun­ve­ri­cilik aktları qəbul edilir, beynəlxalq stan­dart­lara uyğun olaraq müxtəlif is­ti­qa­mət­lərdəki məcəllələrdə də­yişiklər edi­lir. Baxmayaraq ki, ailədə, cəmiyyətdə cins­lər arasındakı mü­na­si­bət­lə­rin harmoniyasına nail olmaq üçün bütün zəruri addımlar atı­lır, lakin  böyük narahatlıq  doğuran problemlər  hələ də qal­maq­dadır və çox tə­əs­­süf ki,  belə xo­şa­gəlməz hallar haqqında tez-tez televiziya ekran­la­rın­dan, kütləvi in­formasiya va­sitə­lə­rindən, internet saytlarından eşidir, oxu­yur, gün­dəlik həyatda mü­şahidə edirik. Azər­bay­can­da gender və ailə məsə­lə­lə­rinin bugünkü du­ru­mu­nu mü­zakirə etmək, problemlərin həlli yollarını ara­maq və təkliflər irəli sürmək üçün  alimlər, tədqiqatçılar, məmurlar və mütəxəssislər Azər­bay­can Əmək və Sosial Mü­na­sibətlər Akademiyasında bir araya gəlmişdilər. Qeyd edək ki, ötən il­lərdə (2012,2013,2014-cü illər) Akademiyada keçirilmiş konfranslarda öl­kə­miz­də ta­nın­mış mü­tə­xəssislərin iştirakı ilə Azərbaycanda gen­der prob­lem­­lə­ri­nin aradan qal­dı­rıl­ması istiqamətində görülən işlər, qanunların gender ekspertizası, gender bərabərsizliyinin həllində həm­­karlar it­tifaqları təş­kilatlarının rolu, təhsildə gender məsələsi, ictimai həyat sahə­lərində qa­dın­ların təm­sil­olun­ma vəziyyəti, sülh və təhlükəsizlik şəraitində gen­der problemlərinin həllində BMT-nin rolu, qə­­rar qəbuletmədə qadınların iştirakı, qa­dı­nın sosial fəallığında daxili potensialının yeri, peşə seçi­mində təzahür edən bə­zi problemlər, ailələrdə məişət zorakılığı və başqa müx­təlif məsələlər barə­sində ge­niş fi­kir mübadiləsi aparılmış, maraqlı təkliflər irəli sürülmüşdü.

 “Azərbaycanda ailə və gender məsələləri: mövcud vəziyyət və problemlər” mövzusunda IV Res­publika konfransını Azər­baycan Əmək və Sosial  Münasibətlər Akademiyasının prorektoru, iqt. ü.f.d., dosent Mobil Məcidov giriş sözü ilə açdıqdan sonra ailə münasibətlərini  əks etdirən  film-çarx nümayiş etdirildi. Plenar iclasda BDU-nun “Gender və tətbiqi psi­xo­logi­ya”kafedrasının müdiri, psixol. üzrə f. d., dosent Rəna İbrahimbəyova “Müasir dövrdə ailə in­sti­­tutu”, AR DİN İnsan alveri qurbanlarına kömək fondunun sədri, fəl. ü.f.d. Mehriban Zey­na­lo­va “Qa­dın alveri insan alveri kontekstində”, Azərbaycan Respublikası Ailə, Qadın və Uşaq Problemləri üzrə Dövlət Komitəsinin informasiya və analitik araşdırma şöbəsinin müdiri El­gün Səfərov “Azər­­baycanda ailə hüququnun inkişafında yeni institut: ailədə və məişətdə zo­rakılığın qarşısının alınması”, Qərb Universiteti “Gender  Araş­dır­ma­ları Mərkəzi”nin rəh­bəri, fəl.ü.f.d.Kifayət Ağayeva “Müa­sir ailədə mə­nəvi tərbiyənin rolu”, AMEA İqtisadiyyat İnsti­tutunun baş elmi işçisi, iqt. ü.f.d. Adilə Gözəlova “Azərbaycanda gender bərabərliyi və gen­der pariteti məsələsi”, AR İnsan Hüquqları üzrə Müvəkkilin (Om­bud­sman) hüquqi ma­arif­lən­dirmə sektorunun müdiri Rə­şid Rumzadə “Və­təndaş cəmiyyəti institutlarının fəa­liy­yə­­tinin ailə-gender münasi­bət­ləri sisteminə təsiri”, Mədəniyyət İşçiləri Müstəqil HİRK-in  səd­­ri, AHİK-in gender  bərabərliyi  və qadın problemləri  üzrə Mərkəzinin  səd­ri Cəmilə Sət­ta­ro­va “Sosial-əmək münasibətlərinin tək­mil­ləş­mə­si­nə ailənin təsiri”, AMEA Fəlsəfə və Hü­quq İnstitutunun dissertantı Fainə Hənifəyeva “Miqrasiya proseslərinin Azərbaycan ailəsinə tə­­­si­ri:demoqrafik boşluq”, AMEA Fəlsəfə və Hüquq İnstitutu, böyük elmi işçi, fəl. ü.f.d. Hü­seyn İbrahimov “Erkən nikahlar yerli və qlobal  sosiomədəni  dəyişmələr  mətnində”, Azər­bay­can Əmək və  Sosial  Münasibətlər Akademiyasının III kurs tələbəsi İlahə Fey­­zul­layeva “Ai­lə münasibətlərinin gender problemləri gənclərin baxışında”, Azərbaycan Əmək və Sosi­al  Münasibətlər Akademiyası “Sosial tərəfdaşlıq, HİH və humanitar fənlər”  kafedrasının  mü­diri,  fəlsəfə ü. f. d., dosent Zeynəddin Şabanov “Gender 2015 ilin prob­le­mi­dir­mi?”  möv­zu­sun­da məruzələrlə çıxış etdilər. Məruzələr ətrafında maraqlı çı­xış­lar oldu, məntiqli mühakimələr yürü­düldü, yeni fikirlər irəli sürüldü, təkliflər paketi hazırlandı. Konfransın sonunda  gender və ailə prob­lem­ləri mövzusunda kitabların təqdimatı keçirildi.

 Strategiya.az