Gənclər soyqırımlarımızı dünyaya tanıda bilirmi?

 Strategiya.az-a verilən məlumata görə, Mingəçevirdə  azərbaycanlıların soyqırımı ilə bağlı dəyirmi masa keçirilib. 

  Azərbaycan Jurnalist Qadınlar Assosiasiyasının prezidenti Sevil Yusifovanın təşəbbüsü, EL Televiziyasının və Mingəçevir şəhər Gənclər və İdman idarəsnin təşkilatçılığı ilə Gənclər Evində “Soyqırımlarımızın dünya ictimaiyyətinə çatdırılmasında gənclərin rolu”mövzusunda dəyirmi masa keçirilib.Tədbirdə tarixçilər,ictimai təşkilatların təmsilçiləri,KİV nümayəndələri, müharibə veteranları  və tələbə gənclər iştirak ediblər. Toplantını giriş sözü ilə ELTV-nin əməkdaşı,tanınmış tele- jurnalist İnqilab Şirinbəyli açıb.O bildirib ki, bu gün mənfur düşmənlərimizin və onların havadarlarının  zaman-zaman başımıza gətirdikləri  faciələr barədə gənclərimizin məlumatlılıq səviyyəsi yetərincə deyil.Bu baxımdan qloballaşan dünyada və informasiya əsrində aparılan təbliğat savaşında bizim gənclər   xüsusi fəallıq göstərməlidir.Çünki biz bir xalq olaraq,bir dövlət olaraq ədalətsizliyin qurbanıyıq.Və hazırda dünyadakı söz  sahibi olan ölkələr səndə üzərində beynəlxalq hüquq normalarından,insan haqlarından danışsalar da,əməllərində ikili standartlardan çıxış edirlər.Daha sonra çıxış edən Mingəçevir şəhər İcra Hakimiyyətinin məsul işçisi Sahib Əliyev,Gənclər və İdman idarəsinin rəisi Kamal Nəcəfli və tarixçi Əmrah Mustafayev ermənilərin 17-ci əsrdən başlayaraq, rus, fars və ingilislərin köməyi ilə xalqımıza qarşı etnik təmizləmə siyasəti apardıqlarını və bunun nətəcəsi kimi misli görünməmiş vəhşiliklər törətdiklərini  nəzərə çatdırıblar. AJQA-nın sədri Sevil Yusifova isə çıxışı zamanı  Heydər Əliyev Fondunun vitse-prezidenti Leyla xanım Əliyevanın təşəbbüsü ilə dünya miqyasında həyata keçirlən “Xocalıya Ədalət” kampaniyası nəticəsində erməni vandalları tərəfindən xalqımızın başına gətirilən bütün müsibətlər dünya ictimaiyyətinə çatdırıldığını deyib.Ancaq onu da vurğulayıb ki, bütün bunlar bir təşkilatın, bir nəfərin yox,hər kəsinin vətəndaşlıq borcu olmalıdır.Xüsusən də gənclərin.Çünki bizim apardığımız təbliğat hələ ki yetərli səviyyədə deyil.Heç olmasa biz gənclərimizin səyləri nəticəsində hazırkı  informasıiya savaşında məğlub olmamalıyıq.Baxmayaraq ki, Xocalı soyqırımı ilə bağlı onlarla ölkə qətnamə qəbul edib.Hətta, 31 mart soyqırımı ilə bağlı ABŞ-ın Nyu-Cersi ştatının Senatı qətnaməni təsdiq edib.Digər çıxışçılar –şair-publisist Elşən Əzim,Mingəçevir Gİİ-nin rəis müavini Sahil Hüseynov sosial şəbəkələrdəki soyqırım haqqındakı statsularının bir çox əcnəbi dillərdə yayılmasını diqqətə çatdırıblar. Ermənilərin “Böyük Ermənistan” yaratmaq kimi qondarma ideyanın gerçəkləşməsi yolunda atdıqları addımların azərbaycanlılara qarşı kütləvi qətillərin və soyqırım aktlarının reallaşması ilə nəticələndiyini qeyd ediblər.Həmçinin,onlar gənclərin gələcək fəaliyyətlərinin daha səmərəli qurulması üçün maraqlı təkliflər səsləndiriblər.Həmçinin çıxış edən edən tələbə gənclər diqqətçəkən məqamlara toxunublar və media qurumlarında dəsətk istəyiblər.Tədbirdə o da vurğulanıb ki, şəhərdə “Ziyalılar evi”nin yaradılmasına, gənclərimizin asudə vaxtlarında tariximizlə bağlı debatlara cəlb olunmalarına, soyqırımla bağlı gənclər arasında yazı müsabiqələrinin təşkilinə ehtiyac var. Milli QəhrəmanlarıTanıtım İctimai Birliyinin sədri Mələk xanım,Əfqan Veteranları Cəmiyyətinin Elşən İbrahimli,”Mingəçevir İşıqları” qəzəetinin baş redaktoru Fərman Nəbiyev ,YAP Gənclər Təşkilatının təmsilçisi Vüsal Məmmədov,juranlist Elxan Əhmədov da gənclərin sosial  şəbəkələrin imkanlarından ideoloji təbliğat üçün daha səmərəli istifadə etmələrini vurğulayıblar.Özünün beynəlxalq təcrübəsini və düşünçələrini bölüşən AJQA-nın sədri Sevil Yusifovanın fikrincə, Mingəçevir gənclərinin maraqlı ideyaları və təşəbbüsləri var: “Fikirləşirəm ki,gənclərimiz müsabiqələrə qatılmalı, videçarxlar və televiziya süjetləri hazırlamaları daha faydalı olardı”.Yekun   olaraq  isə bildirilib ki,gənclər müxtəlif məsələləri öyrənmək ,məlumatlılıq səviyyələrini  artırmsı üçün klublar yaratmalı, tarixçi və başqa peşə sahibləri ilə mütəmadi görüşməlidirlər. Hər bir tarixçi, alim sadəcə öz otağında masasının arxasında oturub tarixi yazmaqla işini bitmiş hesab etməməlidir. Regionlara çıxmaq lazımdır, məlumatlandırma işləri aparılmalıdır.