“Bermud” və ya Şeytan Üçbucağının sirri: Şoka düşəcəksiniz - Fotolar

00:26 / 06.08.2015

Strategiya.az xəbər verir ki, tarix boyu çox sayda gəminin və təyyarənin itdiyi Bermud üçbucağına dair dəhşətli xəbərlərə bir yenisi əlavə olunub. İnternetdə bir çox xarici blog, Kuba sahil təhlükəsizlik qruplarının, 16 may tarixində, Bermudda, heyətsiz halda olan böyük bir yük gəmisinə müdaxilə etdiyini bildirir. İddialara görə, sahil təhlükəsizlik qrupları, Kuba sularına girən gəmi ilə əlaqə qurmağa çalışıb. Lakin gəmidən heç bir cavab gəlməyib. Qruplar göyərtəyə çıxınca, gəminin tamamilə tərk edilmiş olduğunu görüb. İnternet istifadəçiləri “ruh gəmi”nin bundan tam 90 il əvvəl itən SS Cotapix adlı kömür yüklü gəmi olduğunu iddia edib. Xəbərlərə görə, sahil təhlükəsizlik polisləri, kapitanın dəftərini tapmağı bacarıb. Mütəxəssis Rodolfo Salvador Cruzun "1 dekabr 1925-ci il, kapitanın qeydləri birdən kəsilib. Qeydlərdə son tarixə qədər hər hansı bir anormallıq söz mövzusu deyil",- deyib. Oxşar bloglarda Kubalı səlahiyyətlilərin "Bu kimi hadisələrin sirrini həll etmək məcburiyyətindəyik. Bu cür qəzalar təkrar olsa, iqtisadiyyatımız böyük zərər görər" şərhləri yazdığı iddia edilib. Ancaq Kubalı səlahiyyətlilərdən rəsmi açıqlama verilməyib. Mütəxəssislər, iddianın gerçək olmama ehtimalının olduğunu da qeyd edib. Rəsmi qeydlərə görə, SS Cotopaxi adlı gəmi ABŞ-ın Cənubi Karolina limanından 29 noyabr 1925-ci ildə yola çıxıb. Kapitan WJ Meyer əmrində 32 heyət üzvü ilə yola çıxan gəmi 2340 ton kömür daşıyırdı. 77 metr uzunluğunda və saatda 17.6 kilometr sürət gedən gəmidə 1 dekabr 1925-ci ildə fövqəladə vəziyyət elan edilib. Batmaqda olan gəminin dağıntıları bu günə qədər tapılmayıb. Gəminin çağırışı göndərdiyi yer tam olaraq Bermud Üçbucağı olaraq bilinən sular idi. ABŞ-ın Mayami sahilləri, Porto Rico adasının San Juan bölgəsi və Bermud adası arasında qalan Sakit okean suları, illərdir sirrli qəzalarla xatırlanır. ABŞ donanması tarixində yaşanan ən böyük dəhşətli qəza bu sularda baş vermişdi. USS kəlləgöz adlı gəmi, 4 Mart 1918-ci ildə 306 heyəti ilə tək bir iz buraxmadan bu bölgədə itmişdi. 28 dekabr 1948-ci ildə 32 sərnişin daşıyan Douglas DC-3 tipli bir təyyarə yenə bu bölgədə itmiş, təyyarənin aqibəti haqqında dəqiq bir məlumat yoxdu. İllər boyunca Bermud Üçbucağında baş verən qəzalar fövqəltəbii güclərə, yadplanetlilərə və şanssızlıqlara yozulub. Elm adamları isə bu qəzalarla Gulf Stream axıntısının, maqnetik sahələrin, aşağı hava təzyiqinin, ya da dəniz altındakı təbii qaz qaynaqları arasında əlaqə yaratmağa çalışıb.

“Bermud” və ya Şeytan Üçbucağının sirri: Şoka düşəcəksiniz - Fotolar

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə