Bu videodakı seksi aktrisa danışdı

- Hələ də türk filiminin sultanı kimi anılırsınız. Bunun sirri nədir?

- Həyatımda hər zaman bu sənətin ilk planda dayanması buna səbəb ola bilər. Sənətimə olan sevgim, istəyim heç bir vaxt əskilməyib. Artıq bu mənim həyat tərzimə çevrilib.

-Kaş, aktrisa olmayaydım, deyə düşündüyünüz an olubmu?

-Necə belə bir şey deyə bilərəm? Yaxşı ki, Allah mənə belə bir fürsət verib. Mənə bundan böyük hədiyyə ola bilməz. Yaxşı ki, aktrisa olub bu sənəti seçmişəm.

-Heç şəxsi prinsipiniz olan aktrisa və ya aktyorlarla rol almaq məcburiyyətində qalmısınız?

-Bəlkə bu cavab sizə çox qısa gələcək, amma filmlərimdəki digər sənət adamları ilə ən xırda söz-söhbətimiz belə olmayıb. Biz birlikdə ən çətin məqamlarda nə isə yaratmağa çalışmışıq. Birlikdə acıb, birlikdə xoşbəxt olurduq. Aramızda inanılmaz mənəvi dayaq var idi. Sanki bir ailənin fərdləri kimiydik.

-İllərdir dildən-dilə dolaşan əfsanə gerçək oldu. Albom hazırlığınız nə yerdədir?

-Müğənnilik iddiasında deyiləm. Buna baxmayaraq illərdir ki, mənə musiqi albomu çıxartmaq təklifi gəlirdi. Çox həyəcanlıyam. Özümə yaraşan iş ortaya qoymaq istəyirəm. Demək olar ki, hər şey hazırdı.

"Hər zaman Meryl Streepə həsəd aparmışam"

-"O rolu kaş mən canlandırardım" hissi keçirmisiniz heç?

Bu sözü daha çox xarici filmlərdə deyirəm. Xüsusilə də heyran olduğum aktrisa Meryl Streepin canlandırdığı rollar. Onun filmlərinə baxdıqdan sonra hər zaman evə kədərli qayıdırdım. Niyə mən belə bir rol canlandıra bilmirəm? Niyə elə bir filmdə mən də iştirak etmirəm? kimi suallar məni çox məyus edirdi.

-Yenidən sizi yeni filmdə nə vaxt görə biləcəyik?

Allah ömür versə bu il çox bərəkətli olacaq. Müəyyən yaşa çatdıqdan sonra ssenari tapmaq çətin olur. Adətən rollar gənc yaşlı aktrisalar üçün düşünülür. Ancaq hazırda mənim yaşıma, dünya görüşümə uyğun və ürəyimcə olan 4 lahiyəyə təklif aldım. Bu lahiyələrdən ikisinə mən rejissorluq edəcəm. İki fərqli ssenaridə isə baş rolu canlandıracam. Çox həyəcanlıyam. Özümün də illərdir ki, düşündüyüm lahiyəm var. Bu lahiyə cəmiyyətdəki bütün qadınları əhatə edir.

"Nurgülü çox sevirəm"

-Gənc aktrisalardan kimi bəyənirsiniz?

Hər birini heyranlıqla izləyirəm. Məsələn Nurgül Yeşilçay inanılmaz aktrisalıq qabiliyyətini nümayış etdirir. Ona baxanda gözlərimi çəkə bilmirəm. Hətta onunla qarşılaşanda da özümü xoşbəxt hiss edirəm. Onu çox sevirəm və Nurgülün də məni sevdiyini bilirəm.

"Yaxşı ki, qızımı dünayaya gətirmişəm"

-Qızınız Yağmur hazırda nə işlə məşğuldur?

Qızımın adı çəkiləndə üzüm gülür. Həyatda məni xoşbəxt edən, Allahımın mənə hədiyyəsi. Nə yaxşı ki, həyatımda qızım var. O mənim həyatıma fərqli bir məna qatıb. Yaxşı ki, qızımı dünyaya gətirmişəm. Yağmur xoşbəxt olsun deyə özümə, həyat tərzimə fikir verirəm. Hər zaman uşağımın ərköyün olmaması üçün dua edirdim. Allah ürəyimə görə verdi. Çox təvəzökar qızım var. Mənim kimi övladım da işləməyi çox sevir və bu xüsusiyyətini hər zaman təqdir etmişəm. Qürur duyuram qızımla. Verdiyim əməyi puç etmədi, halal olsun.

"Kelebeğın Rüyası" Oscar alacaq

-Türk filmlərinin dünyadakı yerini necə qiymətləndirirsiniz?

Keçmişdə bir çox gözəl filmlərimiz olub, amma təəssüf ki, heç bir festivalda çıxış etməyib. O vaxtlar festivalların lazımlığını o qədər də anlaya bilmirdik. İndi-indi bunların vacibliyi dərk edilir. Ancaq mən türk filminin layiqli yerini tutacağına inanıram. Məsələn, "Kelebeğın Rüyası" Oscar alacaq.

"Qızımın aktrisa olmağını istəyirəm"

-Yağmurun aktrisa olmağını istəyirsiniz?

Məncə hər şeydən öncə təhsilini tamamlamalıdır. Düzdür, mən onun hər hansı bir filmdə rol almağını istəyirəm. Qızım çox qabiliyyətlidir. Ötən il xaricdəki teatr kurslarına da getdi. Bu il onun üçün düşündüyüm çox gözəl iki lahiyə var.

"Həyəcanlandıran heç kim yoxdur"

-Necə bir insan Sultanın könlünü qazana bilər?

Bu yaşdan sonra çox çətindi. Eşq o qədər güclü duyğudur ki, incə əliyib sıx toxumalısan. Yaş artıqca gözləntilər də çoxalır. Mən artıq eşq dəftərini bağlamışam. Əslinə qalanda "eşq dəftərini bağladım" sözünü də sevmirəm. İnsan ömrünün sonuna qədər eşq dəftərini bağlamamalıdır. Çünki eşq insanı həyata bağlayır. Allah insanlar belə bir güclü duyğu verib. Kaş, qarşıma məni həyəcanlandıran bir kişi çıxa, amma yoxdur. Eşq insanı insan edən duyğudur. Eşqə düşdükdə özünüzlə üzləşib həyatı tanıyırsınız./publika.az/