“Solaxay” və “Vatikan yazıları”

13:56 / 30.07.2015

“Solaxay” Nizami Kino Mərkəzinin ekranında.

Strategiya.az-a verilən məlumata görə, Nizami Kino Mərkəzində iyulun 30 –dan etibarən ABŞ- ın istehsalı olan “Solaxay”, “Vatikan yazıları” və “Özündən kənarda” filmlərin nümayişinə başlanıb.

“Solaxay” trillerini Kurt Satterin ssenarisi əsasında rejissor Antuan Fukua dram, idman və döyüş janrında çəkib. Filmin sloqanı: “Taleyinə qalib gəl” Yaş həddi:16+

Boksyor Billi Xoupun həyatında hər şey qaydasındadır: çempion titulu, gözəl arvadı və sevimli qızı var. Amma taleh bir gun üzünü ondan döndərir: arvadı faciəvi şəraitdə həlak olur, rinqdən diskvalifikasiya olunur, qazancı sıfra enir, məhkəmə onu atalıq hüquqlarından məhrum edir. O, çempion adını yenidən qazanmalı və qızını qaytarmalıdır. Xoupun qələbə şansı varmı? Hər şeyi onun məhşur solaxay xuk zərbəsi həll edəcək...

Baş rollarda Ceyk Cillenhol, Reyçel MakAdams, Forest Uitaker, Oona Lourens, Fifti Sent, Skaylan Bruks, Naomi Xarris, Viktor Ortis, Bo Napp və Migel Qomes çəkilib.

Rejissor Mark Neveldaynın çəkdiyi “Vatikan yazıları” filmi triller və dəhşət janrındadır. Yaş məhdudiyyəti:16+

Film, keçirilən ekzorsizm mərasimini (cinlərin və ya şər ruhlarının insanlardan yaxud müəyyən yerlərdən qovulması) əks etdirən videogörüntülərin Vatikandan itdiyindən sonra baş verən hadisələrdən bəhs edir.

Filmdə baş rollara Maykl Penya, Ketlin Robertson, Cimon Xonsu, Düqrey Skott, Con Patrik Amedori, Oliviya Teylor Dadli, Maykl Pare, Temina Sanni, Deniel Bernxard, Noemi Qonzalez və digər aktyorlar çəkiliblər.

“Özündən kənarda” filmini Devid və Aleks Pastorların ssenarisi əsasında rejissor Tarsem Sinqx triler və fantastik detektiv janrında çəkib. Yaş məhdudiyyəti:16+

Genetika mühəndisliyin ixtira etdiyi yeni üsulları əsasında, hər bir insanın şüurunu cavan bədənə transplantasiya etməklə ölümə qalib gəlmək mümkün olur. Gizli keçirilən və bahalı olan bu əməliyyat haqqında yalnız az saylı insanlar xəbərdardır. Ölümə məhkum olan yaşlı biznesmen bu əmməliyyatı etdirmək qərarı alır və bir ömürdə yaşamaq imkanı əldə edir. Yeni bədəninin mənşə sirləri ona açıldıqca, öz maraqlarını nəyin bahasına olursa olsun müdafiə edən gizli təşkilatın şikarına çevrildiyini başa düşür.

Filmdə rollara Rayan Reynolds, Ben Kinqsli, Natali Martines, Metyu Qud, Viktor Qarber, Derek Lyuk, Ceyni-Linn Kinçen, Melora Xardin, Mişel Dokeri, Semuel Peyc və digər aktyorlar çəkilib.

Əziz kinosevərlər film haqqında daha ətraflı məlumatı Nizami Kino Mərkəzinin facebook səhifəsindən də öyrənmək mümkündür. (https://www.facebook.com/NizamiCinema?rf=hl)

“Solaxay” və “Vatikan yazıları”

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə