"ŞÖHRƏT" ordenli polisimizin yubileyidir - Fotolar

Şərifov Hicran İbrahim oğlu 01.08.1965-ci ildə Bakı şəhəri Əmircan  qəsəbəsində anadan olub. Suraxanı rayonu, Əmircan  qəsəbəsindəki 114№-li orta məktəbi  bitirdikdən sonra Azərbaycan Neft və Kimya  Akademiyasına daxil olub və 1992-ci ildə təhsilini başa vurub.

          1984-cü ildə Bakı şəhəri  Suraxanı RHK-ı tərəfindən  hərbi  xidmətə  çağırılıb. Hərbi   xidməti  1984-çü  ilin  oktyabr  ayından  1986-cı ilin  dekabr  ayınadək  indiki   Sankt-Peterburq  şəhərində  26738  saylı  hərbi  hissədə hərbi texnika və zirehli maşın  sürücüsü vəzifəsində  keçirib.

         1987-ci ildən 1993-cü ilə qədər Əmircan qəsəbəsindəki "Suraxanı maşınqayırma zavodunda" elektrik vəzifəsində çalışıb.

         1993-cü  ildən  DİN-in  işçisidir.1994-cü  ildən  2000-ci ilin  avqustuna  qədər  DİN-in  HNPİ-nin  baxış  bölməsi üzrə kiçik  inspektoru vəzifəsində işləyib.2000-ci  ilin  avqust  ayından Polis  Leytenantı  rütbəsinə  layiq  görülüb  və  DİN-nin  Polis  Akademiyasında İdman Sağlamlıq  Kompleksinin rəisi  vəzifəsinə təyin olunub və indiyə  kimi  həmin Akademiyada "Fiziki hazırlıq kafedrasının" baş müəllimi vəzifəsində  çalışır. 2000-ci ildə  təhsilini  artırmaq  məqsədi  ilə   DİN-in  Polis  Akademiyasına daxil olub və 2005-ci ildə bitirib. Polis Polkovnik-leytenantı və Hüquqşünasdır.

       1999-cu ildən indiyə kimi “Neftçi İdman Sağlamlıq Mərkəzində” məşqçi-müəllim  vəzifəsində  işləyir (əvəzçilik üzrə). Eyni zamanda Xətai ray., Əhmədli qəs., N.Tusi küçəsində yerləşən "Cəngi" Güləş Klubunun sədridir.

       İdmançıdır. Olimpiya kateqoriyalı, Beynəlxalq  dərəcəli  hakimdir. İdmanın  Yunan-Roma  güləş  növü  ilə  məşğul  olub. İdman ustası, Azərbaycan Respublikasının "ƏMƏKDAR MƏŞQÇİSİ" (vəsiqə № 30) və Qarabağ müharibə veteranıdır (vəsiqə № 024730). Pekin-2008 və London-2012 Yay Olimpiya Oyunlarında hakim kimi Azərbaycanı təmsil edib. London-2012 Yay Olimpiya Oyunlarında "Dünyanın ən yaxşı güləş hakimi" elan olunub və "QIZIL FİT" mükafatına layiq görülüb.

      Tələbələri olan Bayramov Rövşən dəfələrlə Avropa və Dünya Çempionu, ikiqat (Pekin, London) Olimpiya Oyunlarının gümüş mükafatçısıdır. Muxtarov Elman dəfələrlə Yeniyetmələrin və Gənclərin Avropa və Dünya Çempionu, Sinqapur-2010 Olimpiya Oyunlarının Çempionu olmuşdur. Həsənov Elnur Yeniyetmələrin Dünya Çempionu, Hüseynov Seymur Yeniyetmələrin Avropa və Dünya mükafatçısıdır. Əliyeva Səbirə dəfələrlə Yeniyetmələrin və Gənclərin Avropa və Dünya Çempionudur.

 Strategiya.az saytının kollektivi Şərifov Hicran İbrahim oğlunu yubiley munasibətilə təbrik edir, yeni nailiyyətlər arzulayır. 

     Mükafatları:

• Azərbaycan Respublikası Prezidentinin 2008-ci il 29 avqust tarixli 3017 nömrəli Sərəncamı ilə Azərbaycan Respublikasının "Tərəqqi" medalı (№ 01430)
• Azərbaycan Respublikası Prezidentinin 2010-cu il 24 dekabr tarixli 1249 nömrəli Sərəncamı ilə "Əməkdar Bədən Tərbiyəsi və İdman Xadimi" (№ I-89)
• Azərbaycan Respublikası Prezidentinin 2012-ci il 31 avqust tarixli 2399 nömrəli Sərəncamı ilə "ŞÖHRƏT" ordeni (№ I-109)    
• “Azərbaycan Respublikası Prezidentinin Fəxri Diplomu”   Bakı, 29 iyun  2015-ci il
• Azərbaycan Respublikası DİN-in 23.01.2013-cü tarixli 158ş/h №-li əmri ilə “ƏLA XİDMƏTLƏRƏ GÖRƏ” döş nişanı
• Azərbaycan Respublikası DİN-in 28.11.2007-ci il tarixli 2303 ş/h №-li əmri ilə “QÜSURSUZ XİDMƏTƏ GÖRƏ” 3-cü dərəcəli medal
• Azərbaycan Respublikası DİN-in 10.12.2008-ci il tarixli 2418 ş/h №-li əmri ilə “QÜSURSUZ XİDMƏTƏ GÖRƏ” 2-ci dərəcəli medal
• Azərbaycan Respublikası DİN-in 08.07.2013-ci il tarixli Ə1552 ş/h №-li əmri ilə “QÜSURSUZ XİDMƏTƏ GÖRƏ” 1-ci dərəcəli medal

Elmi İş

İxtisas: 58.04.01 Ümumi pedaqogika, pedaqogikanın və təhsilin tarixi

Mövzu: Uşaq Gənclər İdman Məktəblərinin (UGİM) idarə edilməsinin elmi-pedaqoji əsasları

Məqalə

Bədən Tərbiyyəsi və İdmanın İnkişafı tarixindən. Müstəqillik dövründə Azərbaycan İdmanın  yeni uğurları.

Redaksiyaya daxil olub 07.06.2013-cü ildə