Dövlət Komitəsinin dəstəyi ilə birgə tədbir həyata keçirmişdir

08:50 / 03.08.2015

Tətbiqi Tədqiqatlar Fondu Azərbaycan Respublikası Dini Qurumlarla İş üzrə Dövlət Komitəsinin dəstəyi ilə birgə tədbir həyata keçirmişdir. TTF-in həyata keçirdiyi “Azərbaycan Respublikasında dövlət və din münasibətləri mövzusunda maarifləndirmə tədbirlərinin keçirilməsi” layihəsi çərçivəsində aparılan tədbirlər Azərbaycan respublikasının bu sahədə dünyanın çox ölkıləri üçün nümunə ola biləcək fəaliyyətinin və siyasi xəttinin araşdırılması, işıqlandırılması və təbliğinə yönəlmişdi. Tədbirdə geniş məruzə ilə çıxış edın İbrahim Əliyev Azərbaycan Respublikasında dövlətin din siyasətinin əsasında duran başlıca müddəalara bir daha toxunaraq, təməl prinsiplərini diqqət mərkəzinə gətirmişdir. Qeyd olunmuşdur ki, hələ XX əsrin əvvəllərində ilk dəfə müstəqilliyini bərpa edən Azərbaycan hələ o vaxt bütün mühafizəkar ideya və platformalardan uzaq olaraq, müasir demokratik dövlətçiliyin əsasını qoymuşdur. Elə o vaxtdan dovlət – din münasibətləri məsələsində ən demokratik model seçilmiş, müsəlman dünyasında müasir və öncül bir yanaşmanın əsasları yaradılmışdır. Digər tərəfdən dini dözümlülük, qeyri dinlərə, millətlərə və mədəniyyətlərə xoş münasibət Azərbaycanın öz ruhuna xas olan bi keyfiyyət kimi onun dövlət prrinsiplərində və qanunlarında təsbit olunmuşdur.

Məruzədə Azərbaycanda dövlət-din ənənələrinin formalaşması və qabaqcıl bir model kimi təşəkkül tapması prosesinin qanunauyğunluqları nəzərdən keçirilmişdir.

Məruzə ətrafında edilmiş çıxışlarda Azərbaycan Respublikasının din siyasətinin qanunverici bazasına xüsusi diqqət yetirilmiş, Konstitusiyanın müddəaları, qəbul edilmiş qanunlar və dövlət proqramlarında məsələnin qoyuluşu, onun prinsipial əsasları müzakirəı edilmişdir.

Diqqət çəkən vacib məqamlardan biri müasir mürəkkəb bir vaxtda Azərbaycanın tolerantlıq mühitinə önəm verməsi, bu mənada dünyanın nümunəvi bir mərkəzinə çevrilməsinin qanunauyğunluqları idi. Qeyd olunmuşdur ki, bütün dünyada milli-etnik, dini və irqi konfliktlərin geniş yayıldığı bir vaxtda Azərbaycanın nümayiş etdirdiyi nümunəvi mövqe mütərəqqi bəşəriyyətin diqqətindən yayınmır. Lakin bu vəziyyətdən xoşu gəlməyən, ona düşməncəsinə münasibət bəsləyən qüvvələr də kifayət qədərdir. Buna görə də Azərbaaycan çoxsaylı təzyiqlərin obyektinə çevrilir. Müsəlman-türk dünyasına yönəlmiş haqsız ittihamlar, ikili yanaşma standartları da Azərbaycandan yan keçmir. Lakin bütün bu hücumlar Azərbaycanın yeritdiyi düzgün siyasətdən yayındıra bilməz.

Dövlət Komitəsinin dəstəyi ilə birgə tədbir həyata keçirmişdir

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə