BRİTANİYA QOLODOMORU

“Aclıq təkcə üçüncü dünya ölkələrinin problem deyil”.Bu sözlər böyük imperiya keçmişinə mailk Britaniyanın ərzaq banklarının qarşısında asılmış fəaliyyət devizidir.Dünyanın əsas siyasi mərkəzlərindən biri olan ingilis dövləti ikinci cahan savaşından sonra yaşanan social böhranı tez bir zamanda öz dominionları hesabına aradan qaldırmasına baxmayaraq onun 21-ci əsrdə də yoxsulluq şəratində yaşayan xeyli əhali kütləsi var.
Bu gün Qərb mediasında 27 anqlikan yepiskopunun Baş nazir Devid Kemeron əleyhinə protest müraciəti yayımlanıb.Hökumətin hər zaman yaxından ilgi göstərdiyi din xadimlərinin kəskin narazılığı doğuran kasıblıq,onun nəticəsində yaranan natamam qidalanma və aclığın doğurduğu ölüm hallarının artmasıdır.İnanclı insanlar ölkədəki vəziyyəti “milli böhran” kimi xarakterizə etmişlər.Son illərin büdcə ixtisarları fonunda çəkilmiş kəmərlər artıq “yol verilən həddi” keçmişdir.

Yepiskoplar Kemeronu sosial xidmət sistemini deqradasiyaya uğrtamaqda və əhalinin çəkili bir hissəsinin həyatın sərt imtahanları ilə üz-üzə qalmaqda ittiham edirlər.Müxtəlif xeyriyyə təşkilatlarından və ərzaq yardımı üzrə mərkəzlərdən gündəlik qidalanma üçün kömək istəyənlərin sayı yarım milyondan çox olub.Aydınlıq üçün qeyd edək ki,əslində hamının başa düşdüyü küçə və meydanlarda sədəqə diləməyin daha sivil forması olan ərzaq bankları könüllü ianələr və vətəndaşların natural şəklindəki bağışlamalarından formalaşır.Razılaşaq ki,daha humanist bir ehtiyac qarşılama institunu yaratmaq hələ ki,insanlığın ağlına gəlməyib.

Belə mənzərəni çəkib göstərmək Hitler Almaniyasında,yaxud elə postmüharibə illərində ağır məşəqqətlərdən keçən sovet adamlarının məhdud qidalanma və talonla idarəçilik dönəmi xatırladır.Fərq yalnız ondadır ki,birincilərdə tiraniya və diktatura hakimiyyətdə idi,bu günkü İngilis aləmində isə səalhiyyət mücrüsü demokratların əlindədir.
Dili dualı din adamlarının məktubunda daha sonra deyilir:5.500 halda insanların məhz yetərsiz qidalanmaya görə hospital yardıma ehtiyacı olub,20 faizdən artıq qadın məcburi qaydada özünü şüurlu ddietaya məruz qoyub ki,övladları korluq çəkməsinlər.inkişa etmiş bir ölkə üçün bunlar yolverilməz haldır”!.Düz söz kəsici bıçaq kimidir.Faktlar həmişə amansız olur.

Britaniyanın iqtisadi tənəzzülündən danışmaq yersiz olsa da,təbəqələşmənin ön yüksək sosial nümunəsi ortaya qoyan bir dövlətdə son illərin böhranı əhalinin müxtəlif qrupları arasındakı bərabərsizliyi daha da dərinləşdirib.Ölkənin xarici borcu Amerikadan sonrakı yeri tutaraq record həddə-10 trilyona dollar çatıb ki,bu da ÜDM-I 450 faiz üstələyir.Büdcə kəsirinin kəskin artaması,konkret desək 42 milyard dollarlıq qara deşik halında təkcə bank sektoru ilə bağlı bir çox proqramlar icra olunmadığı üçün 120 mindən artıq iş yeri ixtisar olunub və mənfi tendensiya davam etməkdədir.Ölkə maliyyə mərkəzi funksiyasını itirib.

Bu gün kasıblıq həddində yaşayanların sayı 5 milyondan çoxdur və onlar orta ümumölkə göstəricisindən az maaş alırlar ki,bu da təkcə ənənəvi Şimali İrlandiya və Uels kimi kənarlarda deyil,eləcə də paytaxt Londonda özünün qabarıq göstərir.Mərkəzdə kasıbların sayı 570 mindən çoxdur.
Daily Mail qəzeti aclıq və tibbi xidmətin əlçatmazlığı fonunda 1200dən artıq pasientin öldüyünü xəbər verir.Beləda ailə institutu da böyük zərbə alamadan keçinə bilməyib.

İstənilən azyaşlı xuliqan qanunları yaxşı bilərək valideynləri əleyhinə Pavlik Morozçuluğa hazırdılar.Üzə dirənən və himayəçələrini hüquq mühafizə orqanlarına verən yeniyetmələrın sayı ölçüyəgəlməzdir.Yaşı 16-ya çatmış belə uşaqların ayıqlıq göstəricisi onların dumanlı bir gələcəyə getdiklərindən xəbər verir.Statistikaya görə 27 faiz britaniyalı gündəlik qeyri-ayıq vəziyyətə sahibdirsə,bu rəqəm almanlar üçün 12,italyanlar üçün 5-dir.

Erkən hamiləlik lə bərabər artan eynicinsli nikahlar isə əsil klassik ailə modelini tədricən sıradan çıxarır.Parlamentin məcburiqanunlaşma qərarından sonra Dini qurumlar da Allah evində-kilsələrdə rəsmi izdivac törənlərinə razılıq verirlər.Ölkə əhalisinin tam yarısı bu mübahisəli məsələyə birmənalı müsbət cavab veriblər.”Mavi Avropa” məfhumu publisistik-siyasi antitəbliğat yarlığı olmadığını hər gün daha çox təsdiqləyir.

Əvəzində Britaniya min ən varlı şəxsin varidatı göstəricisində öncül yerləri tutur.Onlar cəm halında birgə sərvətləri 600 milyard dollar yaxındır.Sundy Times yazır ki,onların içində ən mötədili kraliça 2-ci Yelizavetadır.Hərçənd digər mənbələr daha yüksək rəqəmləri açıqlasar da ingilis nəşrinin iddiasına görə şahzadə yarım milyard dollar yaxın imkanla yalnız 262-ci yeri tutur.Birincilər isə on milyard funt sterlinqlik bir kapitalın sahibirlər.

Dövlətin rolunu azaldıb liberal iqtisadiyyat fəlsəfəsi ilə yaşayan cəmiyyətlər Leninin proletar nəzəriyyəsindən qat-qat üstün olsa da,heç bir quruluş aclığa son qoya bilmir.Ən yaxşı idarəetmə isə həm qurdların tox olduğu,həm də quzuların razı qaldığı cəmiyyətdir!Çünki dünyada ac adamdan böyük təhlükə yoxdur!Mədələrin üsyanı bütün inqilblardan daha dəhşətli olur!

Milli Məclisin deputatı,
Zahid Oruc