Bakıda üzərində zorakılıq əlamətləri olan kişi meyiti tapılıb.
Daxili İşlər Nazirliyinin mətbuat xidmətindən verilən məlumata görə, Abşeron rayonunun Xocəsən qəsəbəsində üzərində zorakılıq əlamətləri (boğma və döyülmə üçün xarakterik) olan 25-30 yaşlarında kişi meyiti olduğu bərədə Abşeron polisinə məlumat daxil olub.
Dərhal əraziyə baxış keçirən polis və prokurorluq əməkdaşları meyiti məhkəmə tibbi ekspertiza üçün morqa təhvil veriblər.
Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanıb.
Hazırda Abşeron Rayon Polis Şöbəsi tərəfindən öldürülən şəxsin kimliyinin, cinayətkarların və ya cinayətkarların müəyyənləşdirilməsi istiqamətində əməliyyat-axtarış tədbirləri aparılır.
