Deputatlığa namizəd Elman Nəsirovun seçicilərlə görüşləri davam edir - Foto

16:16 / 17.10.2015

Strategiya.az-a verilən məlumata görə, Azərbaycan Respublikasının Milli Məclisinə namizədliyi Yeni Azərbaycan Partiyası tərəfindən 89 saylı Göyçay-Ağdaş seçki dairəsindən irəli sürülmüş Nəsirov Elman Xudam oğlunun Ağdaş rayonundan olan seçicilərlə görüşləri davam edir. Bu gün keçirilən növbəti görüş Kotanarx, Nehrəxəlil və Cardam kəndlərindən olan seçicilərlə oldu. Seçicilərlə görüşü Yeni Azərbaycan Partiyası Mərkəzi Seçki Qərargahı Ağdaş rayon şöbəsinin Təbliğat qrupunun rəhbəri Qalib Həsənov açaraq Milli Məclis üzvlüyünə namizəd Elman Nəsirov haqqında seçicilərə geniş məlumat verdi. Ölkəmizdə keçirilən bütün seçkilərdə ağdaşlıların hər zaman yüksək əhval-ruhiyyə ilə iştirak etdiklərini qeyd edən Q.Həsənov Yeni Azərbaycan Partiyasının və onun sədri, ölkə prezidenti cənab İlham Əliyevin republikamız üçün gördüyü işlər barədə bir qismini görüş iştirakçılarına ətraflı məlumat çatdırdı.

Çıxış edən deputatlığa namizəd Elman Nəsirov seçicilərlə görüşündən məmnun olduğunu qeyd edərək seçkilərə “Yeni hədəflərə doğru” şüarı ilə qatılan Yeni Azərbaycan Partiyasının müasir Azərbaycanın həyatındakı rolundan bəhs etdi, seçicilərin Milli Məclis seçkilərinə maraqla yanaşdıqları üçün onlara öz minnətdarlığını bildirdi. Daha sonra Azərbaycan xalqının yekdiliklə dəstəklədiyi Yeni Azəbaycan Partiyasının ölkəmiz üçün gördüyü misilsiz işlərdən və Partiyanın beynəlxaq əlaqələrindən söz açaraq görüş iştirakçıarını bundan sonra da Yeni Azərbaycan Partiyası ətrafında daha sıx birləşməyə çağırdı. Ötən 10 il ərzində respublikada iqtisadi, sosial təminat, təhsil, səhiyyə, mədəniyyət və idman sahəsində qazanılan uğurlardan, həyata keçirilən infrastruktur layihələrdən, qaçqın və məcburi köçkünlərə göstərilən dövlət qayğısından danışdı. Deputat seçiləcəyi təqdirdə seçicilərinin maraqlarını müdafiə edəcəyini, yaşayış məntəqələrində olan problemlərin yuxarı orqanlar qarşısında məsələlər qaldırmaqla həll olunmasına çalışacağını bildirdi.

Çıxış edən Yeni Azərbaycan Partiyası Mərkəzi Seçki Qərargahının Ağdaş rayon şöbəsinin yerli Təbliğat qruplarının üzvləri Kotanarx kənd Ağsaqqallar şurasının sədri Mirsahib Lətifov, Nehrəxəlil kənd Qadınlar şurasının sədri Sevil Hüseynova, Kotanarx kənd tam orta məktəbinin müəllimi Baxış Baxışov və Cardam kənd sakini Sədaqət Şavəddinova öz ürək sözləri və fikirlərini səsləndirdi, təmsil etdikləri kəndlərin seçiciləri adından söz verdilər ki, 1 noyabr 2015-ci il tarixdə keçiriləcək növbəti siyasi kampaniyada da -Milli Məclisə seçkilərdə də öz ənənələrinə sadiq qalacaqlar və Yeni Azərbaycan Pariyasının namizədini yekdilliklə dəstəkləyəcəklər. Bununla da Yeni Azərbaycan Pariyasının “Yeni hədəflərə doğru!” irəliləməsinə öz töhfələrini verəcəklər.

Deputatlığa namizəd Elman Nəsirovun seçicilərlə görüşləri davam edir - Foto

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə