Bu gün dünyanı narahat edən məsələlərdən biri

Strategiya.az-a verilən məlumata görə,  “Azərbaycanda gender problemləri: mövcud vəziyyət və əsas istiqamətlərdə inkişaf”mövzusunda III Respublika konfransı keçirilib

Məlumatı diqqətinizə çatdırırıq.

Bu gün dünyanı narahat edən məsələlərdən biri də cinslər arasında bərabərsizliyin davam etməsi, bir cins tərəfindən digər cinsin hüquqlarının pozulmasıdır. Cəmiyyətdə gender bəra­bər­li­yi­nə riayət olunması, ictimai həyatın bütün sa­hə­lərində qadın və kişilərə bərabər iştirak et­mək imkanının yara­dıl­ması üçün qanunvericilik bazasının və əhalinin bu sahədə hüquqi bilik­lərinin tək­milləşdirilməsi isə qar­şıya qoyulan vəzifələrdəndir. Azərbaycanda bu istiqa­mət­də mühüm tədbirlər həyata keçirilir, qanunlar qəbul edilir, müxtəlif səviyyəli layihələr real­­laşdırılır. Azərbaycan Əmək və Sosial Münasibətlər Akademiyasında keçirilən kon­frans­da da bu mövzu aktuallığı nəzərə alınaraq bir daha gündəmə gətirildi. Tədbiri Aka­de­mi­yanın prorektoru, iqtisad üzrə fəlsəfə doktoru Mobil Məcidov giriş sözü ilə açaraq işti­rakçıları salamladıqdan sonra mü­va­fiq sahədə ölkədə həyata keçirilən təd­bir­lər­dən, qə­bul edilmiş qanunlar və orada edilmiş əlavə və dəyişikliklərdən da­nışdı. O “Gender siyasətinin əsas­ları” fənninin tədrisinə başlanmasını birinci konfransın, Akademiyada “Gender Təd­­qiqatları Mərkəzi”nin yaradılmasını isə ikinci kon­fran­sın məntiqi ye­kun­la­rın­dan biri adlandıraraq bu kon­fran­sın da məhsuldar olacağına ümid etdiyini bildirdi.

 Tanınmış Azərbaycan qadınları haqqında filmin nümayişindən sonra BDU-nun dosenti, biologiya üzrə f.d. Azər Cəfərov Azərbaycan tarixində xüsusi çəkisi ilə fərqlənən qadınlardan Tahirə Zərintac haqqında fikirlərini konfrans iştirakçıları ilə bölüşdü. Ailə, Qadın və Uşaq Problemləri üzrə Dövlət Komitəsi, informasiya və analitik araşdırma mərkəzinin məsləhətçisi Aynur Veysəlova müasir dövrdə Azərbaycan ailəsinin qarşı­laş­dığı problemlər, BDU-nun «Gen­der və tətbiqi psixologiya» kafedrasının müdiri, psixologiya üzrə f. d. Rəna İbra­him­bəyova sülh və təhlükəsizlik sahəsində gender prob­lem­lərinin təzahürü və onların qarşısının alın­masında BMT tərəfindən irəli sürülən qərar və tövsiyələrin həyata keçirilməsinin əhəmiyyəti, AMEA Fəlsəfə və Hüquq İnsti­tu­tu­nun şöbə müdiri, fəlsəfə ü.e.d. Rəfiqə Əzimova Azərbaycan qadının sosial fəallığında onun daxili potensialının rolu, AR İnsan Hüquqları üzrə Müvəkkilin (Ombudsman) gender bərabərliyi və qadın hüquqları üzrə müşaviri Səbinə Qəhrəmanova qadın hüquqlarının təmin edilməsində milli insan hüquqları təsisatının vəzifələri, AR Konstitusiya məhkəməsinin hakimi, hüquq üzrə fəlsəfə doktoru Ceyhun Qaracayev məişət zorakılığının aradan qaldırılmasında beynəlxalq standartlar və Azərbaycan qanunvericiliyi, AHİK-in gender bərabərliyi və qadın problemləri üzrə Mərkəzin sədri Cəmilə Səttarova gender problemlərinin həllində həmkarlar itifaqlarının rolu, Bəhai Mərkəzinin həkim-psixoloqu Ramazan Əsgərov qadınların və kişilərin bərabərliyinə doğru təməl səviyyədə maarifləndirmə problemləri, Azər­bay­can Əmək və Sosial Münasibətlər Akademiyasının dosenti, fəlsəfə üzrə f.d. Zeynəddin Şa­ba­nov genderin zaman və məkan parametrləri, AƏSMA-nın tələbəsi Mahmud Məmmədzadə gənclərin gender təsəvvürləri mövzusunda maraqlı məruzələr etdilər. Məruzələr ətrafında keçi­ri­lən geniş müzakirələr bütün iştirakçıların fəallığını artırdı. AR Prezidenti yanında Strateji Araşdırmalar Mərkəzinin şöbə müdiri, fəlsəfə üzrə e. d. Tahirə Allahyarova,  BDU-nun dosenti, tarix üzrə e.d.  Lətifə Əliyeva, DİN-nin Şəxsi Heyətlə İş İdarəsinin əməkdaşı Adıgözəl Adıgözəlov, AMEA FHİ-nin aparıcı elmi işçisi, fəlsəfə üzrə f.d. Həcər Qasımova, AMEA FHİ-nin böyük elmi işçisi, fəlsəfə üzrə f.d. Nəzakət Salmanova, Toxucu və Yüngül Sənaye İşçiləri Müstəqil HİRK-nin sədri Nərgizxanım Məm­mə­do­va və başqaları qadının cəmiyyətdəki rolunun yüksəldilməsi, ayrı-seçkilik hallarının aradan qaldırılması üçün cəmiyyətdə gender mədəniyyətinin yüksəldilməsi, maariflənmə işinin daha geniş aparılması, hüquqi biliklərin təkmilləşməsi, genderin bir fənn kimi təd­ri­sə cəlb olunmasının vacibliyindən danışdılar, müxtəlif təkliflər irəli sürdülər, çıxış və təkliflər çox müsbət qarşılandı. Akademiyanın tələbələri arasında “Azərbaycan qadınları ” mövzusunda keçirilən foto­mü­sa­bi­qə­nin qalibləri mükafatlandırıldıqdan sonra Rəna Mirzəzadənin “Multikulturalizm siyasəti : din və gender dialoqunda”, Lətifə Əliyevanın «Qadınlar Azərbaycanın ictimai-siyasi həyatında (1900-1922), Nə­za­kət Sal­ma­no­va­nın “Azərbaycanda ailə-nikah münasibətlərinin inkişafı” monoqrafiyalarının, “Azər­bay­can­da gen­der problemləri: mövcud vəziyyət və­ əsas istiqamətlərdə inki­şaf”mövzusunda 2013-cü ildə keçirilmiş Respublika konfransının materiallarının təqdimatı ke­çi­­rildi.

Konfransın sonunda irəli sürülmüş təklifləri ümumiləşdirərək Akademiyanın pro­rek­toru Mobil Məcidov yekun nitqi ilə çıxış etdi və konfrans materiallarının məcmuə şəklində nəşr olunacağını bildirib.