GƏNC ALİMLƏR ÜÇÜN QIŞ MƏKTƏBİ

Qış Məktəbinin açılış mərasimi 14 noyabr saat 15.00-da Olimpik İdman və İstirahət Mərkəzində (Novxanı qəsəbəsi) təşkil olunmuş, açılış mərasimində müxtəlif institut və universitetlərin gənc alim və tədqiqatçılar, KİV təmsilçiləri iştirak etmişlər. 
Azərbaycan Gənc Alim, Aspirant və Magistrlər Cəmiyyətinin sədri, layihənin koordinatoru fəlsəfə doktoru İlqar Orucov tədbiri açaraq bildirdi ki, "Gənc Alimlər üçün Qış məktəbi" layihəsi Azərbaycan Respublikası Prezidentinin 2011-ci il 7 iyul tarixli 1621 nömrəli Sərəncamı ilə təsdiq edilmiş "Azərbaycan gəncliyi 2011-2015-ci illərdə" Dövlət Proqramının 6.3.6 bəndinə uyğun olaraq gənc tədqiqatçılar arasında rəqabət və elmi ünsiyyət mühitinin yaradılması, elmi gəncliyin fəaliyyətinin daha səmərəli qurulması və potensialının reallaşdırılmasına, gənclərin orijinal elmi-texniki ideyalarının, yeni elmi innovasiyaların ortaya çıxmasına optimal şərait yaradılması məqsədini daşıyır. Natiq həmçinin, elmi gəncliyin effektiv fəaliyyət göstərməsi üçün dövlətimizin və eləcə də Azərbaycan Respublikasının Prezidenti yanında Gənclər Fondunun bu istiqamətdə yaratdığı imkanlardan, reallaşdırdığı layihələrdən danışdı.
Tədbir günlərində "Texnoparklar: dünya təcrübəsi və Azərbaycan", 
"Biznes inkubatorlar: Azərbaycanda tətbiqi imkanları", "İnnovasiyalı cəmiyyətə doğru", "Müasir nanotexnologiyalar" adlı seminarlar, eyni zamanda Qış Məktəbi günlərində elmi-innovativ işlərin, elm-təhsil mübadilə proqramlarının təqdimatları,eyni zamanda mədəni-idman tədbirləri həyata keçirilmişdir.
İqtisad elmləri üzrə fəlsəfə doktoru Asif Mustafayev Biznes inkubatorlar , karyera mərkəzləri, Azərbaycanda tətbiqi imkanları haqda iştirakçılara geniş məlumat verdi, seminar çərçivəsində iştirakçılar informasiya və biliklər əldə etdilər. 
İqtisad elmləri üzrə fəlsəfə doktoru dosent Samirə Abbasova "İnnovasiyalı cəmiyyətə dogru" adli seminar keçdi, seminarda qarşılıqlı diskussiyalar təşkil olundu. 
Tədbir günlərində Qafqaz Universiteti Texnoparkının müdiri dosent İsa Qasımov texnoparklar haqqında iştirakçılara informasiya verdi, Qafqaz Universitetinin imkanları haqda və Universitetdı yaradılmış Texnopark barədə presentasiya keçirdi. Qafqaz Universitetinin prorektoru doktor Şahin Duran gənc tədqiqatçıları Universitetdə keçirilən müsabiqələr barədə bilgiləndirdi.
Həmçinin kimya elmləri doktoru Reyhan Əliyeva muasir nanotexnologiyalar haqqında seminar apardı, seminar elmi presentasiyalarla davam etdi.
Qış Məktəbində Almaniya Akademik Mübadilə Mərkəzinin (DAAD) Azərbaycan nümayəndəliyinin rəhbəri Nikola Ulisiç elmi mübadilə proqramları haqqında iştirakçılara ətraflı məlumatlar verdi, informativ çap materialları paylandı.
Qış Məktəbi iştirakçılarına tədbir günlərində mədəni-idman tədbirləri təşkil olundu. Qış Məktəbində AMEA-da çalışan və müxtəlif elm sahələri üzrə araşdırmalar aparan gənc alimlər, doktorantlar, eyni zamanda digər elmi-tədqiqat müəssisələrində və Universitetlərdə fəaliyyət göstərən elmi tədqiqatçılar arasından seçilmiş iştirakçılar iştirak etdilər.
Layihə nəticəsində:
- Gənc alimlərə 4 gün ərzində "Texnoparklar: dünya təcrübəsi və Azərbaycan", "Biznes inkubatorlar: Azərbaycanda tətbiqi imkanları", "İnnovasiyalı cəmiyyətə doğru", "Müasir nanotexnologiyalar" adlı seminarlar keçildi;
- Seminarlar qarşılıqlı diskussiyalar, fikir mübadiləsi formasında keçdi, gənc alim və tədqiqatçılar geniş bilik və informasiyalar əldə etdilər;
- Qış məktəbi günlərində Qafqaz Universiteti rəhbərliyi ilə gənc alimlər arasında dikussiyalar keçirildi və Qafqaz universiteti Texnoparkı ilə gələcək əməkdaşlığın prinsipləri müəyyənləşdi, gənc tədqiqatçılar üçün yeni elmi yaradıcılıq imkanları yarandı;
- Tədbir çərçivəsində beynəlxalq elm-təhsil mübadilə proqramlarının gənc alim və tədqiqatçılar arasında təbliği işi təşkil edildi;
- Gənc alim və tədqiqatçılar Qış Məktəbi günlərində mədəni - idman tədbirləri ilə öz vaxtlarını səmərəli keçirdilər.