ATƏT-in Minsk qrupu AŞPA-ya təzyiq yolunu tutmaqla 3 şeyi istəmədiyini ortaya qoydu

09:00 / 03.02.2016

Elman Nəsirov

AZƏRBAYCAN RESPUBLİKASI MİLLİ MƏCLİSİNİN DEPUTATİ, AZƏRBAYCAN RESPUBLİKASININ PREZİDENTİ YANINDA DÖVLƏT İDARƏÇİLİK AKADEMİYASININ SİYASİ ARAŞDIRMALAR İNSTİTUTUNUN DİREKTORU, SİYASİ ELMLƏR DOKTORU, PROFESSOR

Yanvarın 26-da AŞPA-da Ermənistanın işğalçılıq siyasətini ifşa edən 2 məruzənin müzakirəsi prosesi və onun nəticələri bir sıra qənaətlərə gəlməyə əsas verir.

Birincisi, AŞPA-da Sərsəng su anbarı ilə bağlı qəbul edilmiş qətnamə Ermənistan-Azərbaycan, Dağlıq Qarabağ münaqişəsinin nizamlanması prosesində ölkəmizin mövqelərinin hüquqi-siyasi baxımdan daha da gücləndirilməsinə şərait yaradacaqdır. Eyni zamanda onu da unutmayaq ki, üzv olduğumuz istənilən beynəlxalq strukturda, o cümlədən AŞPA-da bütün il boyu işləmək lazımdır. Səfirliklərimiz, vətəndaş cəmiyyəti institutları və medianın bu sahədə koordinasiya olunmuş fəaliyyəti hava-su kimi zəruridir.

İkincisi, ATƏT-in Minsk qrupu AŞPA-ya təzyiq yolunu tutmaqla 3 şeyi istəmədiyini ortaya qoydu:

-münaqişənin tənzimlənməsi ilə bağlı inhisarçı mövqeyinin dəyişməsini;

-münaqişədə status-kvo vəziyyətinin dəyişməsini;

-münaqişənin beynəlxalq hüququn ərazi bütövlüyü prinsipi əsasında həll olunmsını.

Üçüncüsü, Baltikyanı ölkələr və Çexiyanın əvvəllər münaqişənin həlli ilə bağlı Azərbaycanın mövqeyini müdafiə etdiyi bəllidir. İndiki halda sözügedən dövlətlərin qətnamələrin əleyhinə səs verməsi həmin dövlətlərlə baglı siyasətimizdə müəyyən boşluqları üzə çıxartdı. Deməli, həmin istiqamətlər üzrə diplomatiyamızın ən güclü tərəfi heç də diplomatiya deyildir.

Dördüncüsü, Azərbaycanın mövqeyini birmənalı şəkildə müdafiə edən dövlətlərin Türkityə, Gürcüstan, Ukrayna, Moldova və Serbiya olduğu bəlli oldu. Xüsusilə Serbiyanın qətnamə layihələrinin lehinə səs verməsi bu dövlətlə münasibətlərin inkişafı və dərinləşdirilməsi məsələsini aktual etmişdir. Nəzərə alsaq ki. Serbiya qondarma “erməni soyqırımı”nı tanıyan dövlətdir və bu dövlətin prezidenti 2015-ci ildə İrəvanda qondarma “erməni soyqırımı”nın 100 illiyi tədbirlərinə də qatılmışdı.

Nəhayət, bütün bu reallıqlar, xüsusən də antiböhran idarəçilik sisteminə keçidin tələbləri bizdən bütün sahələrdə olduğu kimi, ələlxüsus dalana dirənmiş Ermənistan-Azərbaycan, Dağlıq Qarabağ münaqişənin həlli ilə bağlı analitik, diaqnostik və praktiki yönümlü innovativ yanaşmaların tətbiq edilməsini zəruru edir.

Elə bu məqsədlə də Ermənistan-Azərbaycan, Dağlıq Qarabağ münaqişənin tənziməlnməsində ATƏT-in Minsk qrupunun fəaliyyətinin qiymətləndirilməsini nəzərdə tutan yüksək səviyyəli konfransın keçirilməsi məsələsinə baxılmasını təklif edirəm.

ATƏT-in Minsk qrupu AŞPA-ya təzyiq yolunu tutmaqla 3 şeyi istəmədiyini ortaya qoydu

Elman Nəsirov

Müəllifin digər yazıları

Xəbərlər

Ədəbiyyat

© 2012 | Bütün hüquqları qorunur.

Əlaqə