SARKOZİLİKS-CİBƏ QOYULMUŞ DÖVLƏT BAŞÇISI

Mart ayının əvvəlindən başlayaraq gizli dinləmə kabusu Fransanın keçmiş prezidenti Nikola Sarkozini yaxalayıb və belə görünür ki,siyasi rəqiblərinin ona kəskin nifrəti fonunda sirli xəbər sızıntısı hələ uzun müddət gündəmdən çıxmayacaq. Dövlət başçısı postunu tərk edərkən sabiq rəhbərin əleyhinə belə ifşaların gözlənilən olduğunu yerli qəzetlər anons etmişdilər,lakin üstündən yalnız 2 il keçəndən sonra onun auidiyazılardan ibarət çoxsaylı görüş və telefon danışıqlarının stenoqramları işıq üzü görməyə başlayıb.Artıq heç kəsdə şübhə yoxdur ki,həmin gizli sənədlər içərisində ölkə həyatının bütün sahələrinə dair rəsmi və adi işçi söhbətlərin xronikası yerləşdirlimişdir.

Vikiliks olayından,Culian Asanj fenomenindən və ya elə qardaş Türkiyədə Baş nazir sayın Ərdoğana qarşı qurulan tələdən fərqli olaraq Fransada bu işi kənar qüvvələrin təşkil etməsinə ehtiyac qalmayıb.Adətən xarici agentura mərkəzlərinin strateji obyektlərə və idarəetmə orqanlarına yerləşdirdiyi “böcək”lərin iti qulağı hesabına deşifrə olunan belə qiymətli materiallar bu dəfə Sarkozinin ən yaxın silahdaşı,Prezident komandasının etibarlı üzvü-siyasi məsləhətçi Patrik Bisonun sayəsində ümumxalq “sərvətinə” çevrilib.

Sual oluna bilər,güclü kəşfiyyat strukturlarına malik bir dövlətin rəhbərini az qala əbləh yerinə qoyan Ştirlits bütün bu təhlükəli və bahalı əməliyyatı hansı resurslar hesabına edə bilib?Cavab hər kəsi heyrətə sala bilər.Prezidentliyi teatr janqlyorluğunu xatırladan və fiziki naturasında aktyorluq elementləri bu vəzifə üçün gərəkən xarizmatik keyfiyyətlərdən daha çox olan Sarkozini sözün həqiqi mənasında cibə qoyublar.Bison hər tədbirdən əvvəl onun kompetensiyasının hamıdan çox olduğunu nəzərə alaraq dövlət başıçısının bütün bağlı qapılar arxasındakı həyatını lentə alıb.Əvvəldən cibində yerləşdirdiyi diktafonun qeyd etmədiyi demək olar ki,sirr qalmayıb.Lakin hələ ki,onların çox az bir qismi ictimailəşib.

Sarkozi keçmiş işçisini xəyanətdə suçlayır və ona qarşı məhkəmə iddiasında bulunub.Bison isə əsil xəfiyyə kimi özününmüdafiə alibisini işə salıb.Sən demə o bütün bu dedektivliyi işini professional qurmaq,rəhbərinin heç bir sözünü diqqətdən buraxmamaq və sonrakı fəaliyyətində aksentləri düzgün qoymaq,təbliğat zamanı əsas notlara önəm vermək üçün edibmiş.Kimi-kimi, Fransa ədliyyəsini belə iddia ilə inandırmaq çətin məsələdir.Guya bir hissəsi məhv edilmiş Sarkoziliksin yerdə qalan auidocasusluq seriallarını Bisonun ehtimalına görə yaxın qohumunun oğurlayaraq cəmiyyət içində yaymağa müvəffəq olub.
Nə var bu materialların içində?Gerçəkdə dövlətin necə idaəolunmasına dair sinik iddiaların hamısı burada təsdiq olunur.Prezident öz Baş naziri Fransua Fiyonun etimadı itirdiyini düşünərək onu əvəz etməyə çalışır,lakin qərarsızlıq onu tam iki təqib edir.Sonralar Bison həmin atmosferi obrazlı olaraq belə ifadə edibmiş:”tam səhvlərlə və axmaqlıqlarla dolu iki il”.
Sarkozi ətrafını “zırrama” adlandırır və jurnalistlərin saraya münasibətini aydınlaşdırmaq üçün müşavirlərindən “biz ki,bekar itlərin Yelisey sarayında hürməsini eşitməmişik” deyə mediayaya ironik baxışını ifadə edir,korrupsiya qalmaqalında ittiham edilərək kənarlaşdırılan Daxili İşlər nazirinin yerinə təyin etmək istədiyi namizədə məsləhətçilərindən dəstək gəlməyincə sakitcə geri çəkilir.

Şübhəsiz ki,növbəti günlərdə dövlətin təhüləkislik həyatına və xarici ölkələrlə münasibətinə,beynəlxalq siyasi düzənə dair səs qovluqları ətrafında da polemikalar qızışacaqdır.Ancaq ən maraqlısı Prezidentliyə gələn yolda Karlo Brunini qazanmış Sarkozinin ifşa edilmiş lentlərdədəki şəxsi həyat tarixçələridir.

Sən demə Birinci Ledi keçmiş modelyer kimi bahalı reklam təkliflərini məlum yeni statusuna görə itirəndən sonra tez-tez gileylənirmiş ki,O,Sarkozidən varlı və təminatlı bir ər təsəvvür edirmiş,indi isə “əksinə, yoldaşının çoxlu borclarını özü qapamağa məcbr olub”.Evliliyi hesabına maddi imkanlarının genişləndiyini dövlət başçısı özü də inkar etmirmiş,əksinə arvadı hesabına yaşadığını təmiz və şəffaf idarəçiliyinin əsas tutarqasına çevirməkdən də çəkinmirmiş.

Karlonun dövlət işlərinə qarışmasına,mühüm rəsmi müşavirələrdə şəxsən iştirakına prezidentin yaxın ətrafı isə təəccüb və hətta nifrətlə yanaşırmış.
Bax belə aqibəti varmış dövlət başçısı olmağın və hamını izləyənlərin başında duran şəxsin özünün asanlıqla cibə qoyulmasının.

Dünyaya respublika quruluşunu,inqilabi gilyotinanı və hakimiyyət bölgüsünü bəxş etmiş Fransanın məşhur sərkədəsi,görkəmli imperatoru Napoleon Bonapartdan sonra hakimiyyət taxt-tacına çoxlu zəif xarakterli və yüngül maneralı siyasətçilər də sahiblənə biliblər.Bəlkə də oturuşmuş demoktratiyalar halında binlar çox təbiidir və milli faciə kimi qəbul olunmamalıdır.Lakin iş ondadır ki,hər bir dövlət başçısının daşıdığı keyfiyyətlər,malik olduğu məziyyətlər mənsub olduğu xalqın həyatında izsiz qalmır,onun gələcəyinə müəyyən təsir göstərir.

Təsadüfi deyil ki,Napoleon rəhbərlik üçün siyasətçiyə ürəkdən daha çox başın gərəkliyini söyləyirdi!Sarkozi isə ona belə bədən orqanın lazım olmadığını dəfələrlə sübuta yetirmişdi.İndi onun 4 ili cəmi bir adamın cibindədir!

Milli Məclisin deputatı,
Zahid Oruc