Sarkisyan itkilərinin bir hissəsini etiraf etdi

Ermənilər Azərbaycanın Müdafiə Nazirliyindən fərqli olaraq son döyüşlər zamanı verdiyi itkiləri barədə məlumatları gizlədərək, təhrif edib. Onların məlumatına görə, guya ölü sayı cəmi 18-dir,  yaralılar isə isə 35 nəfərdir. 

Ermənistan prezidenti Serj Sarkisyan cəbhədəki döyüşlər zamanı ölən erməni hərbçilərinin sayının bir hissəsini açıqlayıb. Strategiya.az bildirir ki,  ANS PRESS-in məlumatına görə, Milli təhlükəsizlik şurasının təcili iclasını keçirən Sarkisyan bildirib ki, döyüşlər zamanı Ermənistan Silahlı Qüvvələri 18 hərbçisini itirib.

Sarkisyan deyib ki, son döyüşlər 1994-cü ildən bu yana ən genişmiqyaslı hərbi əməliyyatlar olub.

Azərbaycan Müdafiə Nazirliyi bildirir ki, döyüşlərdə ermənilərə məxsus 6 ədəd tank, 15-dək artilleriya qurğusu və möhkəmləndirilmiş mühəndis qurğuları məhv edilib, o cümlədən yüzdən çox hərbi qulluqçusu ölüb və yaralanıb.

Bu xəbəri bəzi erməni saytları da təsdiq edir. Belə ki, həmin saytlarda Ermənistan ordusunun itkilərinin 100-dən çox olması barədə məlumatlar yayılıb. 

19:24 / Ermənilərdən növbəti Qarabağ döyüşü etirafı

Ermənistan tərəfi daha üç ağır yaralı hərbçisinin İrəvana aparıldığı barədə məlumat yayıb. ANS PRESS-in məlumatına görə, ermənilərin news.am saytıxəbər verir ki, ağır vəziyyətdə olan 3 hərbçi İrəvan Mərkəzi kliniki hospitala aparılıb. Bu barədə hospitalın rəhbəri Aram Asaturyan məlumat verib.

Cəbhə bölgəsində son vəziyyət

Ermənistan kütləvi informasiya vasitələri də erməni tərəfinin itkilərinin çox olduğunu təsdiq edir. Belə ki, məlumatlara əsasənXankəndi xəstəxanaları artıq yaralılarla dolduğundan, onlari İrəvan xəstəxanalarına aparırlar.

Yayılan məlumatlara əsasən bu gün gün ərzində Dağlıq Qarabağdan helikoprterlərlə çoxlu sayda yaralı İrəvanın Erebuni tibb mərkəzinə çatdırılıb.

17:23 / Ermənilər itkilərini etiraf etməyə başladı

Ermənistan Müdafiə Nazirliyi cəbhədə gedən ağır döyüşlər zamanı yaralanan erməni hərbçilərinin vəziyyətinin ağır olduğu barədə məlumat yayıb.

ANS PRESS-in məlumatına görə, nazirliyin məlumatında qeyd olunur ki, hospitala yerləşdirilən Tsovinar Aqadjanyan (1961), Qaqaerin Aqadjanyan (1973), Zaven Avanesyan (1985) və Ayk Torosyanın (1997) vəziyyəti ağırdır.

Aprelin 2-nə keçən gecə və gün ərzində bütün cəbhə boyu mövqelərimiz və yaşayış məntəqələrimiz düşmən tərəfindən intensiv atəşə məruz qalıb.

Bunun nəticəsində mülki əhali arasında ölən və yaralananlar var.
Bu təxribatın qarşısının alınması, mülki əhalinin təhlükəsizliyinin təmin olunması məqsədilə Silahlı Qüvvələrimizin komandanlığı tərəfindən Ağdərə-Tərtər-Ağdam və Xocavənd-Füzuli istiqamətində cavab tədbirlərinin keçirilməsi barədə qərar qəbul edilib.

Qısa müddətdə həyata keçirilən sürətli əks-həmlə zamanı erməni birləşmələrinin uzun illərdən bəri mühəndis-istehkam baxımından möhkəmləndirdiyi birinci müdafiə xətti cəbhənin bəzi istiqamətlərində yarılıb, strateji əhəmiyyətə malik bir neçə yüksəklik və yaşayış məntəqələri düşməndən tam azad olunub.

Goranboy rayonu və Naftalan şəhərinə təhlükə yarada biləcək Talış kəndi ətrafındakı yüksəkliklər, eləcə də Seysulan məntəqəsi düşmən qüvvələrindən tam təmizlənib.

Horadiz şəhərinin düşmən təhlükəsindən qorunması məqsədilə Füzuli rayonu istiqamətində yerləşən, geniş ərazini nəzarətdə saxlamaq imkanı verən strateji əhəmiyyətli "Lələ təpə" adlandırılan yüksəklik də bölmələrimizin nəzarətinə keçib.

Hazırda həmin yüksəkliklər və yeni müdafiə xətti boyu müvafiq gücləndirmə tədbirləri həyata keçirilir, yeni səngərlər qazılır və mövqelərdə möhkəmləndirmə işləri aparılır.

Döyüşlərdə ermənilərə məxsus 6 ədəd tank, 15-dək artilleriya qurğusu və möhkəmləndirilmiş mühəndis qurğuları məhv edilib, o cümlədən yüzdən çox hərbi qulluqçusu ölüb və yaralanıb.