Alı Mustafayevin anım günü qeyd edilib

09:14 / 15.04.2016

Strategiya.az bildirir ki, Bir qrup QHT rəhbərləri və KİV nümayəndələri mərhum jurnalist, milli qəhrəman Alı Mustafayevin anım gününü qeyd ediblər. Bu barədə məlumat verən İctimai Televiziyanın Yayım Şurasının üzvü Sevil Yusifova bildirib ki, 14 aprel mərhum Azərbaycan Respublikasının Əməkdar Jurnalisti, Azərbaycanın Milli Qəhrəmanı Alı Mustafayevin doğum günüdür. Bu məqsədlə www.e-vc.az saytının rəhbəri, Ş.Əsədullayev Xeyriyyə Cəmiyyətinin sədr müavini Cəsarət Hüseynzadə, www.muvekkil.az saytının rəhbəri, Müvəkkil Hüquq Mərkəzinin sədri Səməd Vəkilov, www.strategiya.az saytının redaktor müavini politoloq İsmayıl Qasımov, Jurnalist Qadınlar Assosasiyasının üzvü Gülər Qasımlı, hüquqşünas Cavanşir Seyidov, iştirakı ilə keçirilən tədbirdə 1991-ci il 19 noyabrda Dağlıq Qarabağın Qarakənd kəndi səması yaxınlığında Azərbaycanın yüksək rütbəli dövlət xadimləri ilə vertolyot qəzası zamanı faciəli şəkildə dünyasını dəyişmiş Alı Mustafayevin jurnalistik faliyyəti barəsində danışan iştirakçılar Milli Qəhrəman Ali Mustafayev Qarabağ həqiqətlərini televiziya və dövrü mətbuatda işıqlandırlması ilə bağlı ciddi fəaliyyətləri olmasını vurğulamışlar.
Xatirladaq ki, Alı Mustafayev 14 aprel 1952-ci il anadan olub. 1981-ci ildə Azərbaycan Dövlət Universitetinin jurnalistika fakültəsini bitirmişdir.
Azərbaycan Dövlət Televiziya və Radio Verilişləri Komitəsində ədəbi-bədii yaradıcılığa tələbəlik illərindən başlamışdır. Onun lirik şeirləri və publisist yazıları dövri mətbuatda müntəzəm çap edilmişdir. Dolğun məzmunlu reportaj, oçerk və müsahibələrinə, ekrana çıxardığı təsirli verilişlərinə görə bacarıqlı, operativ telejurnalist kimi tanınmışdır.
Ermənistan millətçilərinin hərbi birləşmələrinin Azərbaycana hücumu dövründə Dağlıq Qarabağdan - qaynar nöqtələrdən, eləcə də yüksək dövlət səviyyəli rəsmi görüşlərdən hazırladığı müsahibə və reportajlarla rəğbət qazanmışdır. Moskva şəhərində Azərbaycan Respublikası Ali Məclisi tərəfindən parlament müxbiri olmuşdur (1989-1990).
1991-ci il fəaliyyətinə görə "İlin ən yaxşı jurnalisti" mükafatına layiq görülmüşdür.
19 noyabr 1991-ci il Dağlıq Qarabağın Qarakənd kəndi yaxınlığında Azərbaycanın yüksək rütbəli dövlət nümayəndələrini aparan vertolyotun düşmən mərmisi tərəfindən vurulması ilə şəhid olmuşdur.
Ölümündən sonra Azərbaycan Respublikası Prezidentinin 6 noyabr 1992-ci il tarixli 294 saylı fərmanı ilə Azərbaycanın Milli Qəhrəmanı fəxri adı verilmişdirş Bakıda Şəhidlər Xiyabanında dəfn edilmişdir.

Alı Mustafayevin anım günü qeyd edilib

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə