Erməniləri əlimizdəki smartfonlarla məğlub edə bilərik? - Düşmənin dilini də öyrənməliyik (VİDEO)

15:50 / 04.05.2016

Strategiya.az bildirir ki, Region TV maraqlı reportaj hazırlayıb.

İnformasiya müharibəsi – Arsenalımızda nə var?

Son proseslərdə ölkəmiz tək ön cəbhədə deyil, ideoloji cəbhədə də düşmənə qalib gəldi. Ön cəbhədə olduğu kimi, İnformasiya müharibəsində də düşmənin bütün təxribatlarının qarşısı alındı. Bu işdə tək jurnalistlər yox, sosial şəbəkələr vasitəsilə vətəndaşların böyük hissəsi iştirak edir. İndi qalır bir məsələ, biz ölkəmizin həqiqətlərini hansı dildə yazmalıyıq ki, bu istədiyimiz ünvana daha tez çatsın. Və ya bİz düşmənin dilini bilirikmi?

Bütün müharibələrdə döyüş iki cəbhədə baş verir. Ön və ideoloji cəbhədə. Buna informasiya müharibəsi də deyilir. Ön cəbhədə ordu, arxa cəbhədə bütün xalq, ideoloji cəbhədə isə diplomatlar və jurnalistlər döyüşür. Vətəndaş jurnalistikasının inkişafı, xüsusən də “feysbuk” və “tvitter” kimi sosial şəbəkələrin fonunda indi bu döyüşdə vətəndaşların böyük qismi iştirak edir. Politoloq Elxan Ələsgərov hesab edir ki, ölkəmiz son proseslərdə ön cəbhə ilə yanaşı ideoloji cəbhədə də üstünlük qazanıb. İdeoloji müharibədə yazılan informasiya iki ünvana istiqamətlənir: Dünyaya və düşmən ölkənin ictimayyətinə. Bu gün Azərbaycan dilində yazdıqlarımızsa bu ünvanlardan heç birinə çatmır. Öz dilimizdə olanları özümüz oxuyuruq, ən yaxşı halda xaricdə yaşayan soydaşımız. Öz həqiqətlərimizin özümüzə danışmaqla ideoloji cəbhədə heç bir irəliləyiş əldə etmək olmaz. Dünya ictimayyətinə çatdıtrmaq istədiklərimiz dünyanın danışdığı dilllərdə - ingilis, rus, fransız, fars, ərəb dillərində yazılmalıdır... Sosial şəbəkələrdə Azərbaycan həqiqətlərini xarici dillərdə təbliğ edən Jurnalist Tural İsmayılov deyir ki, bunun üçün həmin dilləri mükəmməl bilməyə ehtiyac yoxdur. hər birimiz əlimzdəki smartfonla bu cəbəhədə ölkəmizə xidmət edə bilərik. Müsahibim həmçinin deyir ki, informasiya müharibəsində tvitter feysbukla müqayisədə daha effektivdir.

Jurnalist Tural Turan deyir ki, onlar bir qrup halında hər gün sosial şəbəkədə erməni dilində informasiya paylaçşmaqla yanaşı, gənclərimiz arasında bu dilin öyrədilməsi ilə bağlı da işlər görürlər.

Dövlət ideoloji cəbhədə üstünlüyümüzün təmin edilməsi üçün bu sahəyə xüsusi diqqət ayırıb. Məsələn, Bakı dövlət universitetinin “qafqaz xalqları kafedrası”nda tələbələrə erməni dili tədris olunur

Kafedranın müdiri, tarix elmləri doktoru, professor İradə Hüseynova deyir ki, 10 ildir erməni dili BDU-nun tarix fakultəsində tədris olunur

2012-ci ildən isə "Qafqaz xalqlari fafedrası"nın nəzdində erməni araşdirmalari elmi tətdiqat labaratoriyasi yaradilib. Növbəti tədris ilindən isə magistr pillləsi üzrə “ermənşünaslıq” ixtisası fəaliyyətə başlayacaq.

Kafedra müdiri deyilir ki, tələbələr arasında düşmənin dilini öyrənmək istəyənlər kifayət qədərdir.

Hamımız bilirik, ön cəbhədəki qələbəmizə daha tez çatmaq İdeoloji cəbhədə üstünlük çox vacibdir. Qələbəmizin yaxınlaşmağına isə müsahiblərim demişkən, əlimizdəki smartfonla da kömək edə bilərik. Qələbəyə doğru!..

Erməniləri əlimizdəki smartfonlarla məğlub edə bilərik? - Düşmənin dilini də öyrənməliyik (VİDEO)

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə