Strategiya.az lent.az-a istinadən hidroterapiyanın - soyuq duşun faydalarını sadalayır.

İmmuniteti gücləndirir
 
Soyuq duş soyuqdəymə, qrip və infeksiyalara qarşı qoruyucu təsirə malikdir. Aparılan araşdırmalardan birində 6 həftə boyunca həftədə 3 dəfə 14 dərəcədə soyuq suya girən insanlarda 2 tip ağ qan hüceyrəsi (monosit və lemfosit) sayında artım müşahidə edilib.  Limfositlər bakteriya, virus və toksinlərin aradan qaldırılmasında çox əhəmiyyətli rola malikdir. Tədqiqatçılar bədənin özünü isitmək istəməsi nəticəsində artan maddələr mübadiləsi sürətinin immunitet sistemini fəaliyyətə gətirdiyini və beləcə, daha çox ağ qan hüceyrəsi istehsal etdiyini düşünürlər. Buna görə nizamlı olaraq soyuq duş qəbul edənlərdə soyuqdəymə, qrip və hətta bəzi xərçəng növləri riski azalır.
 
Qan dövranını yaxşılaşdırır
 
Fəal qan dövranı ürək-damar sağlamlığı üçün çox əhəmiyyətlidir. Soyuq duş qəbul etməyiniz qan dövranını yaxşılaşdırır. Soyuq suyla təmas edildiyində qan damarları daralır. Bu daralma qanın axış sürətini artırır. Qan dövranının yaxşı olması yüksək təzyiqin qarşısını alır və qan damarlarını möhkəmləndirir. Qan dövranı yaxşı olduqda bütün bədən sistemləri daha yaxşı işləyir. Beləliklə, daha yaxşı görünüş təmin edir və insan özünü daha yaxşı hiss edər.
 
İstiliyi nizamlayır
 
Soyuq duş bədən istiliyini çıxararaq, stressi dəf edir. Beləcə, bədən aktivləşir. Əgər xroniki olaraq soyuq əl və ayaqlardan şikayətçisinizsə və ya çox tərləyirsinizsə, soyuq duşu qəbul edin.
 
Maddələr mübadiləsini sürətləndirir və arıqladır
 
Qəhvəyi yağ hüceyrələri, ağ yağ hüceyrələrinin əksinə olaraq, enerji istehsalında tez-tez istifadə edilir. Soyuq suyla təmas qəhvəyi yağ hüceyrələrinin çıxarılmasını təmin edir. Bu hüceyrələr qlükozanı yandıraraq, daha çox istilik enerjisi istehsal etməyə çalışır. Daha çox qəhvəyi yağ hüceyrəsi daha çox enerjinin yandırılmasına, beləcə də, daha sürətli çəki itkisinə səbəb olur. Artan qəhvəyi yağ səviyyəsi, artan qan təzyiqi və bədən istiliyi ilə birlikdə kimyəvi reaksiyaları daha sürətli edir. Maddələr mübadiləsi sürətini artırmaq çox insanın maraqlandığı məsələdir. Çünki beləcə, həm arıqlamaq sürətlənir, həm də əzələ istehsalı artır.
 
Depressiyanı azaldır
 
Soyuq duş depressiyaya kömək edir və qarşısını alır. Amerikada aparılan araşdırmalardan biri sübut edib ki, soyuq su beynin mavi nöqtələrini xəbərdar edir. Mavi nöqtələr beynin noradrenalin istehsal bölgəsidir. Noradrenalin isə depressiyanın qarşısını almaqda istifadə edilən hormondur.
 
Limfa sistemini gücləndirir
 
Limfa sistemi tullantı maddələri bədəndən xaric edərək, xəstəliklərlə mübarizə aparır. Tullantı maddələrin daşınması limfa mayesi ilə təmin olunur. Limfa mayesinin hərəkəti əzələlərin sıxılması ilə baş verir. Soyuq duş bütün bədəndəki əzələlərin sıxılmasını təmin etdiyi üçün limfa sistemi də daha yaxşı işləyir. Beləcə, tullantı maddələr bədəndən daha sürətlə atılır. Əgər limfa sistemi yaxşı fəaliyyət göstərməzsə, tullantı maddələr bədənin uc nöqtələrində toplanır. Bu da müxtəlif sağlamlıq problemlərinə səbəb olur.
 
Nəfəsi dərinləşdirir
 
Soyuq duşun təsirini nəfəsinizdə dəqiq şəkildə hiss edə bilərsiniz. Soyuq duş ciyərləri açaraq daha çox oksigen alınmasını təmin edir. Beləcə, özünüzü daha az yorğun hiss edəcəksiniz və idman edərkən daha az yorulacaqsınız.
 
Dərini və saçı sağlam saxlayır
 
İsti su dərini və saçı qurudur. Digər tərəfdən soyuq su saçı daha parlaq, dərini daha sağlam edir. Soyuq su məsamələri daraltdığı üçün sızanaq meydana gəlməsinə mane olur. Bundan başqa, detoksifikasiyada iştirak edərək, toksin və tullantı maddələrin dəridən xaric olunmasını təmin edir. Beləcə, dəri daha təmiz və gənc görünür.
 
Enerjini və canlılığı artırır
 
Duşu soyuq suyla bitirmənin bir çox üstünlüyü var. Qədim samuraylar hər səhər başlarını soyuq suya salarlarmış. Bu, ruhi səviyyədə bir təmizlənmə ritualıdır. Beləcə, ruhlarını təmizlədiklərini və günə təzə bir başlanğıc etdiklərinə inanırlarmış. Soyuq duş insanı daha canlı və enerjili edir. Ürək döyünməyə başlayır və yuxulu halı aradan qaldırır.
 
Hormon istehsalını artırır
 
Soyuq duş hormon vəzilərinin fəaliyyətini artıraraq, bədəndə daha çox hormon ifraz edir. Məsələn, uşaq sahibi olmaq istəyənlərə kömək ola bilər. Sperma sayı istilik artdıqca aşağı düşür. Buna görə soyuq su bu mövzuda da işə yaraya bilər.
 
Necə başlamalı?
 
Dərəcə-dərəcə isti sudan soyuq suya keçməyi təmin edə bilərsiniz. Bir çox adam üçün ani dəyişiklik böyük bir stress yarada bilər. Soyuq duşu gündəlik hala gətirməyin ən yaxşı yollarından biri də duş qəbul etdikdən sonra bitirməyə bir dəqiqə qalmış soyuq suyu açmaqdır.