Türkiyə hövsələdən çıxdı! Almaniyadakı səsvermə başlıqlarda

Strategiya.az xəbər verir ki, Avropa mətbuatı “Türkiyə hövsələdən çıxdı”, “Ankara Berlinə qəzəbli”, “Ərdoğan zəng etdi”, “'Türkiyənin eyni şeyi etməsinin vaxtı çoxdan gəldi" kimi açıqlama və başlıqlarla səs verməni manşetlərə çıxardı. Almaniya parlamentinin qəbul etdiyi  “soyqırım” layihəsi və ardından Türkiyənin səfirini geri çağırmasına Avropa mətbuatında geniş yer verilib.

 Daily Telegraph "Almaniyadakı soyqırım səsverməsi Türkiyəni hövsələdən çıxardı" başlığı ilə təqdim edib. Qəzet, Almaniyadakı səfirini geri çağıran Türkiyənin hirsini gizləmədiyini qeyd edir. Xəbərdə, Ədliyyə naziri Bəkir Bozdağın reaksiyası isə "xüsusilə təhrikedici" olaraq xarakterizə edilib. Almaniya Federal Məclisinin qərarına etiraz edən Bozdağ, ''yəhudiləri yandırmalısan sobada, sonra qalxıb Türk millətini soyqırım iftirası ilə ittiham edəcəksən",- deyib.

Financial Times: Ankara Berlinə qəzəbli

Səsvermənin Avropanın qaçqın böhranını həll etmək üçün Türkiyəyə ehtiyac duyduğu kritik bir dövrdə reallaşdığına diqqət çəkən Financial Times, xəbəri "Ankara, ermənilərin kütləvi şəkildə öldürmələrinə bağlı səsvermə səbəbilə Berlinə qəzəbli" başlığı ilə yayıb. Xəbərdə layihənin qəbul edilməsinin, Türkiyə-Almaniya əlaqələrinə zərər verə biləcəyi, immiqrant böhranının həllində də Avropanın işini çətinləşdirəcəyi bildirilir. Financial Times-ın diqqət çəkdiyi nöqtələrdən biri, qanunda ermənilərin qədəri ilə yəhudi soyqırımı arasında birbaşa bağ qurulmasıdı.

Times: Türkiyə qəbul etməli

"Türkiyə, “soyqırım” səsverməsi sonrası səfirini geri çağırdı" başlığını istifadə edən Times, qərarın Türkiyə ilə Almaniya arasında diplomatik gərginliyi artıracağını qeyd edir. Qəzetə görə “Türkiyə, ermənilərin kütləvi qırğının qəbul etməlidir. “' Manşetdə bu ifadələr yer aldı: "Ermənilərin qırğını, “soyqırım”ı inkar edən Türklərin müdafiə etdiyi kimi plansız edilmiş və döyüş zamanı ola biləcək qaçınılmaz bir faciə deyil. Osmanlı rejiminin, kütləvi deportasiya və insan öldürməyə əsaslanan xüsusi bir kampaniyasıdı. Bu siyasətin baş memarı Talat Paşa  1921-ci ildə soyqırımdan xilas olan bir adam tərəfindən öldürülmüşdür ...  Arxiv qeydlərinə görə, 1915-ci ilin əvvəli Osmanlı rəhbərliyində 1 milyon 256 min erməni yaşayırdı. Bu say 1917-ci ildə getdikcə azalaraq 284 min 157-yə düşüb. Müasir Almaniya və onun dövlət adamları dəfələrlə xalqlarının ötən əsrdəki soyqırım barbarlıqlarına görə, vicdan əzabı duyduqlarını söylədilər. Türkiyənin də eyni şeyi etməsinin vaxtı çoxdan gəlib"

Independent: Ərdoğan zəng etdi

Qəzet səsvermə və sonrasında yaşanan hadisələri "Parlamentdəki səsvermə, AB-nin qaçqınları geri qəbul edən Türkiyəyə ehtiyacı olduğu həssas bir dövrdə reallaşıb. Ərdoğan, Almaniya Baş naziri Merkelə zəng edərək iki ölkə arasındakı əlaqələrin bu səsvermədən sonra zərərə uğrayacağı xəbərdarlığını etdiyini bildirib".

Guardian: "Alman millət vəkillərinin 1915-ci il hadisələrini "Erməni soyqırımı" olaraq tanımalarının ardından Türkiyə, Berlin səfirini geri çağırdı. Türkiyə prezidenti söz mövzusu qərarın Türk-Alman əlaqələrini ciddi şəkildə təsir edəcəyini söylədi"

Daily Mail: "Soyqırım səsverməsindən sonra Türkiyə səfirini geri çağırdı. Almaniya Parlamenti cümə axşamı  böyük bir əksəriyyətlə 1915-ci il hadisələrini erməni soyqırımı olaraq qəbul edib. Qiymətləndirmə, Ankaranın, Avropaya çatmağa çalışan qaçqınların axışını dayandırmaqdan əhəmiyyətli bir rol oynadığı sırada reallaşıb"