AZƏRBAYCAN-İRAN DOSTLUĞU VƏ ERMƏNİSTANIN DEZİNFORMASİYA MAŞINI

STRATEGİYA.AZ YENİ AZƏRBAYCAN PARTİYASININ BEYNƏLXALQ ƏLAQƏLƏR KOMİSSİYASININ KATİBİ, SİYASİ ELMLƏR DOKTORU, PROFESSOR ELMAN NƏSİROVUN SİYASİ TƏHLİLİNİ SİZLƏRƏ TƏQDİM EDİR

 Azərbaycan Prezidenti İlham Əliyevin İran İslam Respublikasına aprel ayının 9-da reallaşdırılan rəsmi səfəri iktərərəfli münasibətlərin inkişafı sahəsində yeni mərhələnin əsasını qoymuşdur. Səfər çərçivəsində Prezident İlham Əliyevin İranlı həmkarı Həsən Ruhani, ölkənin Ali Rəhbəri Seyid Əli Xamenei və digər yüksək rütbəli İran rəsmiləri ilə keçirdikləri görüşlərdə ikitərəfli və çoxtərəfli münasibətlərin geniş spektrinə dair məsələlər müzakirə olunmuş və tərəflərin ortaq mövqelərə malik olduğu faktı öz təsdiqini tapmışdır. Həmin məsələlər sırasında, heç şübhəsiz, Ermənistan-Azərbayacan, Dağlıq Qarabağ münaqişəsinin həlli məsələsində qonşu dövlətin tutduğu ədalətli mövqenin rəsmi olaraq İran rəhbərliyi tərəfindən bəyan edilməsi strateji əhəmiyyət kəsb edirdi. Təsadüfi deyildir ki, Prezident  İlham Əliyev İranlı həmkarı Həsən Ruhani ilə birlikdə mətbuat üçün verdiyi bəyanatında xüsusi olaraq vurğulamışdır ki, “Bizim üçün ən ağrılı problem olan Ermənistan-Azərbaycan, Dağlıq Qarabağ münaqişəsinin həlli üçün İranın dəstəyi çox önəmlidir... İran İslam Respublikasının bu münaqişə ilə bağlı ortaya qoyduğu mövqe ədalətə, beynəlxalq hüquqa əsaslanır və bu mövqeyə görə biz Sizə minnətdarıq.” Həmin mövqe İran Prezidenti Həsən Ruhani tərəfindən belə səsləndirilmişdir: “Biz onun tərəfindəyik ki, regiondakı bütün münaqişələr, o cümlədən Qarabağ münaqişəsi beynəlxalq səviyyədə qəbul edilmiş qərarlar və ədalət çərçivəsində öz həllini tapsın. Bizim mövqeyimiz belədir ki, regiondakı coğrafi sərhədlərin dəyişdirilməsi qəbuledilməzdir.” Biz təsadüfən Azərbayacan və İran prezidentlərinin məlum münaqişə ilə bağlı mövqeyini vasitəsiz nitq şəklində təqdim etmədik. Məsələ ondadır ki, bu bəyanatlar Ermənistanda “siyasi partlayış” effekti yaradıbdır. İranın Ermənistandakı Fövqəladə və Səlahiyyətli səfiri Mühəmməd Rəisinin mart ayında erməni mətbuatına verdiyi müsahibəsində İran-Ermənistan münasibətlərini “xüsusi münasibətlər” kimi xarakterizə etdiyini tirajlayan erməni siyasətbazları çaşbaş qalıblar. Onlar il ərzində Prezident Həsən Ruhaninin Ermənistana səfərini təşkil etməkdən ötrü əldən-ayaqdan getdikləri bir vaxtda onun dilindən “regiondakı coğrafi sərhədlərin dəyişdirilməsi qəbuledilməzdir”  kimi son dərəcə dəqiq və obyektiv bir ismaric aliblar. Bu halda “siyasi şok” effekti yaşayan Ermənistan iqtidarı və onun dezinformasiya maşınının 2 variant üzərində baş sındırdıracağını proqnozlaşdırmaq çətin deyildi. Ya İran prezidentinə qarşı təbliğat kampaniyasına başlamaq və bununla da onun Ermənistana il ərzində gözlənilən səfərini ləğv etmək, ya da onun səsləndirdiyi fikirlərin guya ki, Azərbaycan KİV-də təhrif olunduğunu iddia etmək. “Cırtdan” Ermənistanın güclü regional dövlət olan İranla qarşıdurma yolunu seçməsi məlum səbəblərdən özünə “siyasi intihar” hökmü çıxarmaq anlamını verərdi. Deməli, Ermənistanın 2-ci varinatı seçəcəyi bu terrorçu dövlətin mahiyətindən irəli gələn məsələdir. Buna biz təəcüblənmirik. Zənnimizcə, Prezident Həsən Ruhani Ermənistan-Azərbaycan, Dağlıq Qarabağ münaqişəsinin həlli ilə bağlı söylədiyi məlum fikirlərə Ermənistandan gələn cəfəngiyat  “şərhlə“ tanış olsa, ən azı “şərhə ehtiyac yoxdur” şəklində təəcübünü və qəzəbini ifadə edəcəkdir. Beləliklə, yalnız xəstə erməni təxəyyülünün “istehsal” etməsi mümkün olan nonsens yanaşmanı təqdim edirik: İran prezidenti regionda coğrafi sərhədlərin dəyişdirilməsinin qəbuledilməz olduğunu söyləyərkən 20 ildən artıqdır ki, mövcud olan qondarma “Dağlıq Qarabağ Respublikası”nın varlığı faktını nəzərə alıb və bu anlamda sərhədlərin dəyişdirilməsinin əleyhinə mövqe bildirib. Düşünürəm, fikirlərinin ermənilər tərəfindən bu qədər təhrif olunduğunu görən Prezident Həsən Ruhaninin qarşı tərəfə ilk reaksiyası başını silkələməklə, “siz təsəvvür etdiyimdən də artıq dinsiz və imansız məxluqlarsınız...” şəklində olardı.