Ciddi yuxusuzluğa görә...

17:18 / 09.12.2016

Dövrümüzün ən ciddi sağlamlıq problemlərindən biri yuxusuzluqdur.

Strategiya.az Sputnik-ə istinadən xəbər verir ki, dünyanın hər yerində gecələri nizamlı şəkildә yatmamaq ürək xəstəliyindən şəkərə, piylənmədən psixoloji problemlərə kimi bir sıra narahatlığa səbəb olduğuna dair araşdırmalar dərc olunur. Mütəxəssislər hesab edir ki, texnoloji cihazlardan asılılığımız, davamlı televiziya, smartfon, planşet, kompyuter kimi, cihazların işıqlarına məruz qalma, siqaret asılılığı, spirtli içki qəbulu, fiziki qeyri-aktivlik, gələcəklə bağlı narahatlıqlar və psixoloji problemlər kimi faktorlar yuxusuzluğun səbəbdir. Təxminən 3 min yuxu klinikası olan ABŞ-da hər 3 gəncdən biri yuxusuzluq problemindən əziyyət çəkir. Dünya əhalisinin isə 45%-i yuxusuzluq problemindən əziyyət çəkir. Yəni yuxusuzluq artıq hər cəmiyyətin ciddi bir problemidir.

Rand Avropa son araşdırmasında yuxusuzluğun iqtisadiyyata təsirini araşdırıb. Araşdırma zamanı iqtisadiyyatı güclü olan beş ölkənin (ABŞ, Yaponiya, Almaniya, İngiltərə və Kanada) məlumatlarına istinad edilib. Araşdırmaçılar yuxu ilə səhiyyə, ölüm faizilə məhsuldarlıq əlaqələrini göstərən və daha əvvəldən aparılmış araşdırmalara istinad olunub. Bu çərçivədə beş ölkədəki 62 min məlumat diqqətdən keçrilib.

Araşdırmada gecələri nizamlı olaraq yuxuya gedə bilməyənlərin iş yerlərində məhsuldarlığın düşməsi və işə gedə bilməmələrə səbəb olduğunu müəyyən edib. Sağlam olmayan yuxu ilə əlaqədar həzm sisteminin zəifləməsi, xəstəliklərə daha asan yoluxma, halsızlıq və depressiya kimi, mənfi problemlərin ortaya çıxması nəticəsində işә gedə bilməmə kimi müəyyən olunub.

Rand mütəxəssisləri araşdırmada əsas məqsədlərinin "yuxu çatışmazlığının nələrə səbəb olduğunu təsbit etmək və hökumətləri geniş miqyaslı tədbirlər həyata keçirməyə təşviq etmək" olduğunu açıqlayıb. Yuxusuzluq probleminin ölkələrin iqtisadiyyatlarına olan zərərləri aşağıdakı kimidir:

ABŞ-da ildə 1.2 milyon iş günü itkisi meydana gəlir. İqtisadiyyata zərəri 411 milyard dollar. Başqa bir sözlə bu ABŞ-ın ümumi daxili istehsalının 2.28%-nə bərabərdir.

Yaponiyada ildə 600 min iş günü itkisi olur. İqtisadiyyata təsiri illik 138 milyard dollardır, bu da ümumi daxili məhsulun 2.29%-nə bərabərdir.

İngiltərədə 200 min iş saatı itkisi var. İqtisadiyyata təsiri 40 milyard funt-sterlinqdir. Ümumi daxili məhsulun 1.86%-nə bərabərdir.

Almaniyada 200 min iş saatı itkisi qeydə alınır. Xərci 60 milyard dollar, ümumi daxili məhsulun 1.56%-i deməkdir.

Kanadadakı illik iş günü itkisi 80 min gündür. İqtisadiyyata təsiri 21.4 milyard dollardır, ümumi daxili məhsul 1.35%-i deməkdir.

Araşdırmada gündəlik sağlam yuxu müddəti hər gecə üçün 7-9 saat kimi hesablanıb. Araşdırmaya əsasən gecə 6 saat yatanların yuxu müddətini 7-9 saata artıracaqları təqdirdə isə aşağıdakı nəticələr ortaya çıxacaq: ABŞ iqtisadiyyatına illik 226.4 milyard dollar, Yaponiya iqtisadiyyatına illik 75.7 milyard dollar, Almaniya iqtisadiyyatına illik 34.1 milyard dollar, İngiltərə iqtisadiyyatına illik 29.9 milyard dollar, Kanada iqtisadiyyatına illik 12 milyard dollar gәlirin daxil olmasına səbəb olacaq.

Araşdırmaya rəhbərlik edən Marko Hafner bildirib ki, araşdırma yuxusuzluğun qorxunc təsirlərini aydın şəkildə aşkar edib.

Ciddi yuxusuzluğa görә...

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə